1 पतरस 1:1 - बृज भासा

¹ जि चिठ्‌ठी ईसू मसीह की ओर ते भेजे भये मुझ, पतरस की ओर ते, पुन्‍तुस, गलतिया, कप्पदूकिया, आसिया और बिथुनिया में तितर-बितर हैके रैहबे बारे परमेस्‍वर के पबित्र लोगन के काजै हैं।

1 पतरस 1:1 Iomraidhean Croise

मत्‍ती 10:2

और भेजे भये बारह चेला जे हते, जिनमें ते पैहले कौ नाम सिमौन जो पतरस कहौ जातौ, और वाकौ भईया अन्द्रियास, जब्दी कौ बेटा याकूब, और वाकौ भईया यूहन्‍ना,

मत्‍ती 24:22

“और अगर बे दिन घटाये ना जाते, तौ एकऊ आदमी नां बचतौ, जि चुने भए लोगन की बजैह ते दिना घटाये गये हैं।

मत्‍ती 4:18

एक बार ईसू गलील की झील के किनारे जा रयो हतो, तब ईसू नें दो भईयान कूं देखौ बिनमें ते एक कौ नाम सिमौन हतो, जाय पतरसऊ कैहतें और दूसरे भईया कौ नाम अन्द्रियास हतो। बे झील में जाल डार रये हते चौंकि बे मछुआरे हते।

लूका 18:7

का परमेस्‍वर अपने चुने भये लोगन कौ सच्‍चौ न्याय ना करैगौ, जो बाकूं दिन रात पुकारत रैहतैं, का बू बिनकी सहायता करबे में देर लगाबेगौ?

यूहन्‍ना 11:52

बू य्हांके यहुदिन के काजेई नांय पर परमेस्‍वर की सन्‍तानन के काजै जो तितर-बितर हे गयेऐं उने इकठ्‌ठौ करबे काजै होगौ।

यूहन्‍ना 7:35

यहुदी आपस में कैहबे लगे, “जि कां जाबैगौ, कै हम जाय ढूंढ नांय पाबिंगे? का जि हमारे लोगन जौरें जाबैगौ जो यूनानी में तितर-बितर हैके रैहतै और यूनानिन नें सिछा दैबैगौ?

प्रेरितन के काम 18:2

मापै पौलुस पुन्‍तुस के रैहबे बारे अक्‍बिला नाम के यहुदी ते जायकें मिलौ, जाकौ जनम पुन्‍तुस में भयौ हतो, जो हालई में अपनी पतनी प्रिसकिल्‍ला के संग इटली ते आयौ हतो। उन्‍नें इटली जामारै छोड़ी कै क्‍लौदियुस ने सब यहुदियन कूं रोम ते निकर जायबे कौ आदेस दयौ हतो।

प्रेरितन के काम 18:23

मापै कछू दिनां तक रैहबे के बाद में बू मांते बिदा हैकै गलातिया और फ्रुगिया के छेत्रन में अलग जगैन में यात्रा करत भये चेलान कूं भरोसे में मजबूत करतौ रयौ।

प्रेरितन के काम 19:10

दो साल तक ऐसैई होत रयौ जाकौ नतीजा जि भयौ कै, आसिया के रैहबे बारे यहुदी और गैर यहुदी सबन नें पिरभू कौ वचन सुन लयो।

प्रेरितन के काम 6:9

लिबरतीनों नाम के यहुदी पिराथना घर के कछू लोग और कुरेनी, सिकन्दरिया, किलकिया और आसिया ते आये कछू लोग उठकै स्तिफनुस ते बाद-बिबाद करबे लगे।

प्रेरितन के काम 8:4

जो भरोसौ करबे बारे तितर-बितर है गये हते, बे घूम घूम कर परमेस्‍वर कौ वचन सुनाबत हते।

1 कुरिन्थियों 16:19

आसिया की ओर ते तुम सबन कूं पिरभू में नमस्‍कार। अक्‍बिला और प्रिसकिल्‍ला का और उनके घर की कलिसिया कूं भौत भौत नमस्‍कार।

2 कुरिन्थियों 1:8

हे भईया बहनों, हम जि चांहते कै तुम उन कस्‍टन के बारे में जान जाऔ जो हमें आसिया में झेलने परे हते। जि कस्‍ट भौत जादा हते और हमारे सैहबे की सक्‍ती ते बाहर हते, ज्हां तक कै हमनें जीबित रैहबे की आसऊ छोड़ दयी हती।

गलातियों 1:2

मैं पौलुस और बिन सब भईयन की ओर ते जो मेरे संग है, गलातियन की कलिसिया कूं नमस्‍कार करतूं।

इफिसियों 2:12

तुम लोग याद रखियों कै पैहले तुम मसीह ते अलग हते और इसरायल कि बिरादरी ते छिके भये हते और प्रतिग्‍या की बाचाओं ते अनजान, और जा संसार में बिना परमेस्‍वर के निरास जीबन जीते हते।

इफिसियों 2:19

अब तुम लोग ना तौ पराये रहै ना परदेसी रहे, पर परमेस्‍वर के पबित्र लोगन के संगी और परमेस्‍वर के घराने के है गये हो।

2 तिमुथियुस 1:15

तू जानैं कै आसिया के रैहबे बारे सबन्‍नें मोते मौंह मोड़ लियो है, जिनमें फूगिलुस और हिरमुगिनेस हैं।

इब्रानियों 11:13

भरोसे कूं अपने मन में लये भये ये लोग मर गए। जिन चीजन की प्रतिग्‍या दी गयी हती, बिनें बे चीजें नांय पायीं। बिन्‍नें बस बिनें दूर तेई देखौ और बिनकौ स्‍वागत करौ और बिन्‍नें जि मान लियौ कै बे जा धरती पै परदेसी और अनजाने हैं।

याकूब 1:1

परमेस्‍वर और पिरभू ईसू मसीह के दास मुझ, याकूब की ओर ते इसरायल के बारैह गोतन कूं जो तितर-बितर हैके रैह रये हैं बिनकूं नमस्‍कार लिख रयौऊं।

1 पतरस 2:11

मेरे प्यारे दोस्तो, मैं तुमते बिनती करूं जा दुनियां में तुम अपने आपकूं परदेसी जानकें, सरीर की बुरी इच्‍छा ते बचायकें रखौ, जिनके काजै आतमा जूझतिऐ।

2 पतरस 1:1

जि चिठ्‌ठी ईसू मसीह के भेजे भये चेला मुझ, सिमौन पतरस की ओर ते बिन लोगन काजैंऐ, जिनें हमारे परमेस्‍वर और हमारे उद्धारकरता मसीह ईसू की धारमिकता के द्वारा हमारौ सौ भौत कीमती भरोसौ पायौए।

प्रकासित बाक्य 1:11

“जो कछू तू देखै बू सब किताब में लिखलै और सातों कलिसिया के जौरे भेज दै मतलब इफिसुस, और स्मुरना, पिरगामुन, थूआतीरा, सरदिस, फिलदेलफिया और लौदिकिया कूं।”