Mark 3:9 - I Falami Kasafnè (New Testament)

⁹ Du too dee dad to déé, ta dek Dyisas i dad to galan tdò fye ku nun falala tagà dun aweng i fakayan gumyak tà kenen fital.

Mark 3:9 Iomraidhean Croise

Matyu 15:39

Na kafnge Dyisas fdà i dad to ayé, smakay kenen aweng salu di banwe Magadan.

Mark 4:1

Na lê tamdò Dyisas di kilil i bong lanaw, na too dee dad to stifun déé. Taman, myak kenen di aweng du déé gusudengan na lamtew i aweng ayé. Na déé dad to di kilil i lanaw.

Mark 4:36

Na yé duenam man, tnagakla i dad to déé, na smakay ale di aweng tagnè gusudeng Dyisas, na faginla kenen. Na lê nun dademe dad to maweng magin dale.

Mark 5:2

Na di ktufa Dyisas di aweng, snitong i satu lagi nun busaw. Yé gumdà i lagi ayé di dad ilib gulambang i dad to mati.

Mark 5:30

Na lyalo Dyisas ta nun kgagan lamwà di kenen. Yé duenan kmangél di dad to glibut di kenen, na smalek kenen, manan, “Simto magot di saulgu?”

Mark 6:32

Na ta mdà ale maweng salu di satu banwe landè to mnè déé.

I Fye Tulen Gablà ku Dyisas Krayst, i Sulat Luk 5:1

Di satu du, tadag Dyisas di kilil i bong lanaw dnagit Génésarét. Na too sfital i kdee dad to di safédan du falningela i katdòan Tnalù i Dwata.

I Fye Tulen Gablà ku Dyisas Krayst, i Sulat Luk 5:3

Na myak Dyisas di aweng Simon, na fulukan dun i aweng du fye beg fawag di kilil. Na sudeng Dyisas du tdòan i dad to mdà di aweng.

Dyan 6:15

Na gadè Dyisas na fan ale salu di kenen du fye nwèla na gnagala nimò harìla. Taman, ta mdà kenen salu di bulul lon satu.