Mark 16:1 - I Falami Kasafnè (New Testament)

¹ Na kafnge i Du Kaftud, mli Méri Magdalin, na Méri i yê Dyém, na lê Salomi i dad fangbun du salu ale di lbang Dyisas, du ihokla di lawehan.

Mark 16:1 Iomraidhean Croise

Mark 14:3

Na déé Dyisas di Bétani di gumnè Simon, dunan i to nun fdas mumuh di munan. Na laman kmaan, nun kel satu libun mebe sabuy batu malung nlam fangbun too mabtas dnagit nardo, na landè ti bolan. Bantùan i sabuy, na kokan i fangbun di ulu Dyisas.

Mark 14:8

I libun ani nimòan i sen gaganan. Di kakokan i fangbun di do, falan fatlagad i lawehgu di lbang.

Mark 15:40

Lê nun dademe libun damweng mdà di gumawagan. Magin déé Méri Magdalin, na Méri i yê tukay Dyém, na i yê Dyosis, na lê Salomi.

Mark 15:42

I du kfati Dyisas, yé du kafatlagadla di Du Kaftud. Kanto kifuh, nun satu lagi yé dagitan Dyosip mdà di banwe Arimatiya, na kenen satu mgafè di dad ganlal. Lêan fatan i Kagot Dwata. Na fan-galan i nawan salu di ku Pilato du fnin i laweh Dyisas.

Mark 15:47

Na damweng Méri Magdalin na Méri i yê Dyosis du fye gadèla ku nè gulambangla ku Dyisas.

Mark 16:2

Na di too flafus, di du Linggu di ksut i du, salu ale ditù di lbang.

Mark 16:8

Na milah i dad libun ayé fdu di lbang du too ale tngah na kankal di klikò. Na landè manla di dademe to du mdà di klikòla.

I Fye Tulen Gablà ku Dyisas Krayst, i Sulat Luk 23:54

Na i du kfati Dyisas, yé dula fatlagad di Du Kaftud. Na ta fan tambù i Du Kaftud nan, du ta fan sdaf i du.

I Fye Tulen Gablà ku Dyisas Krayst, i Sulat Luk 23:56

Na kafnge ayé, ta mulê ale du fatlagadla dad fangbun i fakayla lunà di laweh Dyisas. Bay di du ayé, ftud ale du nimenla i uldin Dwata fagu di ku Mosis gablà di Du Kaftud.

I Fye Tulen Gablà ku Dyisas Krayst, i Sulat Luk 24:1

Di too flafus di du Linggu, ta nwè i dad libun ayé i dad fangbun ta fatlagadla, na mdà ale salu di lbang.

Dyan 19:25

Na nun dad libun tadag déé di saféd krus Dyisas, dunan i yêan, na flanek yêan, na lê Méri, dunan yaan i satu lagi dnagit Klofas, na lê Méri Magdalin.

Dyan 19:31

Ta flabi nan di du kafatlagad di là fa tambù i Fista Du Kaglius, na i tmadol du dunan i Du Kaftud too mdatah. Taman, salu dad ganlal i dad Dyu di ku Pilato, na mbal ale du tanfòla blì i dad to ta fnatak di krus, du fye mlal ale mati na nwèla ale mdà di krus di laman là kel i Du Kaftud.