Filipus 4:9 - I Falami Kasafnè (New Testament)

⁹ Na tooyu ganbet i ta tdògu di gamu, dunan i kdee dad lingeyu na i dad teenyu di do. Na Dwata, i gumdà ktanak nawa, yé samnagin di gamu.

Filipus 4:9 Iomraidhean Croise

Matyu 1:23

“Tadè maltien i satu sawang libun, na mngà kenen lagi, na yé katlola kenen Imanyuél.” Na yé gumtatek Imanyuél dunan, “Ta dini Dwata sagin di gito.”

Matyu 28:20

Na lêyu ale tdò du fye nimenla i kdee dad dekgu di gamu. Na nangyu glifet na gal agu samnagin di gamu kel di gusen i banwe.”

Matyu 7:21

“Là ti sdulê gfusuk di Kagot Dwata di langit i kdee dad to tamlo do ‘Amu,’ bay lo yé gfusuk i dad to mimò knayè Màgu di langit.

I Fye Tulen Gablà ku Dyisas Krayst, i Sulat Luk 6:46

“Kan ku tloyu agu ‘Amu,’ bay là nimenyu i man-gu.

I Fye Tulen Gablà ku Dyisas Krayst, i Sulat Luk 8:21

Na man Dyisas, “I dad to lminge i Tnalù Dwata na fkahla di nawala, yé mgimò yêgu na dad flanekgu.”

Dyan 13:17

Du ta glabatyu i tdògu di gamu ani, lehew gamu ku nimòyu.

Dyan 15:14

Gamu i dademegu sgalak ku nimenyu balù dét flaugu di gamu.

Dyan 2:5

Na man i yêan di dad snalig, “Nimenyu balù dét dekan gamu.”

Dad Nimò 9:6

Bay mték ge nan, na fles ge di syudad, na ku ta kel ge ditù, nun tmulen ge ku dét i fye nimòam.”

Roma 15:33

Mulà moon i Dwata gumdà i ktanak magin gamu. Amén.

Roma 16:20

Di là mlo ani, Dwata gumdà i ktanak nawa, fnisanan Satanas, na kahan di dungan falel blìyu. Mulà moon ku magin di gamu i kafye i Amuto Dyisas.

1 Korintu 10:31

Na ani timelgu di manan ayé. Balù dét i nimòyu, ku kmaan gamu, ku demen minum, ku demen balù détan, nimòyu fagu di knayè Dwata, du fye magdayen kenen.

1 Korintu 14:33

du là mayè Dwata ku msamuk i ksimbato, bay yé kayèan ku mtanak. Nun satu galmi flalò di kdee dad simbahan di dad banwe, na dunan ani.

1 Korintu 4:16

Yé duenam man, toogu fakdo di gamu, begyu too ganbet i nimògu.

2 Korintu 13:11

E dad flanek, ani gusen i man-gu di gamu. Tooyu fanduf i katluh, na falningeyu i dad flaugu gamu ani. Tooyu sansatu i nawayu, na mnè gamu di ktanak, na mnè di gamu i Dwata mlé kasakdo na ktanak nawa.

Filipus 3:17

Dad flanekgu, tooyu agu ganbet, na ku simto i teenyu salngad ldaman di do, tooyu tnanul na lêyu ganbet.

Filipus 4:7

Na ku yé nimòyu, blé Dwata gamu i ktanak nawan là glabat i dad to dun. Na fagu di ktanak nawan ayé, kanlungan i nawayu na i fandamyu du mdà di ksasatuyu di ku Krayst Dyisas.

1 Tésalonika 1:6

Ta ganbetyu gami na i Amu, du balù too gamu maflayam, bay baling gamu lehew dmawat i Tnalù Dwata du mdà di klehew blé i Mtiu Tulus gamu.

1 Tésalonika 2:14

Dad flanek, i mkel di gamu ani, salngad di ta mkel di dad to ftoo ditù di Dyudiya i nfun Krayst Dyisas. I dademe dad to di banweyu, falnayamla gamu salngad di kaflayam gdawat dad to ftoo di Dyudiya mdà di dademela Dyu,

1 Tésalonika 5:23

Mulà moon i Dwata, dunan i mlé ktanak nawa, ftiu gamu, na kamlung i ktoyu—i layefyu, i nawayu, na i lawehyu—du fye landè gumaslenyu kel di kasfulê Dyisas Krayst, i Amuto.

2 Tésalonika 3:4

Na mdà di Amuto, gadèmi na nimòyu i dad manmi gamu, na fanlesyu mimò dun.

2 Timoti 4:22

Mulà moon i Amu samnagin di nawam. I kafye Dwata mnè di kdeeyu.

Dyém 1:22

Nangyu lo falninge i Tnalù Dwata ku là nimenyu dun, du ku loyu falninge, fan-gawyu i ktoyu.

2 Piter 1:10

Taman, dad flanekgu, tooyu fkah di nawayu i katlo Dwata na i kalékan gamu, du ku yé nimòyu, là gfisan gamu.

1 Dyan 3:22

Na ku yé kagkahto, balù dét i fnito di kenen, blén di gito du nimento i dad uldinan, na nimòto i gamflehew kenen.