Filipus 2:6 - I Falami Kasafnè (New Testament)

⁶ Balù ku yé kagkahan salngad di Dwata, bay là knabasan dun.

Filipus 2:6 Iomraidhean Croise

Matyu 1:23

“Tadè maltien i satu sawang libun, na mngà kenen lagi, na yé katlola kenen Imanyuél.” Na yé gumtatek Imanyuél dunan, “Ta dini Dwata sagin di gito.”

Dyan 1:18

Landè to lmen mite i Dwata. Bay i sen Ngàan, dunan i too kanbong nawa i Mà, kenen i fdilè dun di gito, du Dwata kenen.

Dyan 10:30

Mà na do, lo satu.”

Dyan 10:33

Na tmimel dad Dyu ayé, manla di kenen, “Ise ku dad fye nimòam i duenmi mdak ge. Bay yé salàam nladam i kdatah Dwata, du lo ge to, na fasalngadam i ktom di kenen.”

Dyan 10:38

Kabay ku ta nimògu i kdee ayé, fantooyu i dad nimògu fye gadèyu na Mà mnè di do, na do, mnè agu di ku Mà.”

Dyan 14:28

Ta man-gu di gamu sa, na mdà agu bay lê agu samfulê di gamu. Ku bong nawayu do, ta lehew gamu du gatù agu di ku Mà, du mdatah kenen di do.

Dyan 14:9

Bay man Dyisas di kenen, “Filip, ta mlo agu sa dini di safédyu, bay sana là toom kdilè do? Nè to mite do, ta lêan teen Mà. Na kan ku manam di do, ‘Fitem gami i Mà?’

Dyan 17:5

Na ani, Mà, fulêam di do i kdatah tagnè gfun-gu di safédam di là fa mgimò i klamang banwe.

Dyan 20:28

Na man Tomas di kenen, “Amugu na Dwatagu.”

Dyan 5:18

Taman, too midul kayè i dad ganlal i dad Dyu meye kfagu kfatila kenen du yé fandamla, ta lwe salàan. Ise ku lo lnafàan i uldin gablà di Du Kaftud, bay di kmanan dun na Dwata kun i Màan, ta fasalngadan i kton di Dwata.

Dyan 5:23

du fye i kdee dad to, nafèla agu salngad kafèla di ku Mà. Ku nè to là mafè do, là lêan nafè Màgu, i mdek do.

Roma 9:5

Dale dad bel Abraham na i dademe gutambulla, na mdà di dad bella, sut Krayst, i Dwata magot kalbong kdee na magdayen kel di landè sen. Amén.

2 Korintu 4:4

Là ftoo ale du bnutè Satanas i fandamla, du yé sa dwata i dad to là ftoo. Yé duen Satanas mutè i fandamla fye là teenla i lwa mdà di Fye Tulen gablà di kdatah Krayst, na Krayst gumite i kagkah Dwata.

2 Korintu 8:9

Ta gadèyu sa i bong kakdo i Amuto Dyisas Krayst. Balù ku nun bong knunan, bay balingan tnagak mdà di kakdon gamu du fye nimòan gamu dad to nun knun, fagu di ktagakan i knunan.

1 Timoti 1:17

Yé duenam man, lo Dwata gumléto i afè na i kdayen kel di landè sen, du lo kenen mdatah Harì kel di landè sen, na i là mati, na i là teen dun, na lo kenen i Dwata. Amén.

1 Timoti 3:16

Na landè gambalew gablà di kafye i ta fgadè Dwata gablà di fantooto: Fbaling to Dyisas, na yé fgadè i Mtiu Tulus too tluh Dyisas, na teen kenen dad kasaligan i Dwata. Na tamdò ale gablà di kenen di dad banwe, na nun ftoo di kenen dini di tah tanà. Na ta mbatun kenen ditù di langit.

Titus 2:13

di lamto fatan i too mabtas Du fandento, du yé kfite i maltulus Dwata na Dyisas Krayst, i Falwà gito, i kdatahan.

Hibru 1:3

I kdatah Dwata, teen di Ngàan, na too salngad kagkahan di kagkah Dwata, na kenen magot i klamang banwe fagu di too maltulus talùan. Di kafngen malob dad salà i dad to, ta sudeng kenen gsen di kwanan i Dwata ditù di langit.

Hibru 1:6

Bay di ta fan kdek Dwata i lo sen Ngàan dini di tah tanà, lêan man, “Là fakay ku là mangamfù di kenen i kdee dad kasaligan Dwata.”

Hibru 1:8

Bay gablà di Ngàan, ani manan, “E Dwata, landè gusen i Kagotam, na tluh i kebem.

Hibru 13:8

Dyisas Krayst, là mgilihan, du salngad i kagkahan di munan, na di mdu ani, na kel di landè sen.

Ta Fite 21:6

Na ani fa i manan di do, “Ta gdohò nan i kdee. Do i Alfa na Omiga, dunan tambù i kdee na i famnge dun. Nè i to malinum, finumgu kenen landè bayad di sfut éél mlé nawa landè sen.