Dad Nimò 4:3 - I Falami Kasafnè (New Testament)

³ Taman, kanfèla Piter na Dyan, na fablanggùla ale kel di flafus du ta kifuh sa.

Dad Nimò 4:3 Iomraidhean Croise

Matyu 4:12

Di là mlo, fablanggùla Dyan. Na kanto gadè Dyisas, samfulê kenen di Galili.

I Fye Tulen Gablà ku Dyisas Krayst, i Sulat Luk 22:52

Na kafnge ayé, talù Dyisas di dad ganlal di kafaglut i dad Dyu, na i dad to gal mantay di Bong Gumnè Gal Gumangamfù di Dwata, na balù i dad tua gal mebe i dad Dyu, dunan i dad to mngé kenen, manan, “Kan? To tmaku agu kè du mebe gamu sundang na bunal di kakfèyu do?

I Fye Tulen Gablà ku Dyisas Krayst, i Sulat Luk 22:54

Na kanfèla Dyisas du nebela kenen salu di gumnè i ulu i dad ganlal di kafaglut i dad Dyu. Na lê lmalò Piter, kibò beg fawag kenen.

Dyan 18:12

Na mdà i dad sundalu na i ulula na lê i dademe mantay, kanfèla Dyisas na bnakusla kenen.

Dad Nimò 5:18

Kanfèla i dad to dek Dyisas du fablanggùla ale.

Dad Nimò 6:12

Na fagu déé, banlétla nawa i dad to, na i dad tua gal mebe i dad Dyu, na i dad to gal tamdò i dad uldin Dwata fagu di ku Mosis. Na kanfèla Stifén, na nebela di gustifun i dad too mdatah ganlal i dad Dyu.

Dad Nimò 8:3

Bay too kayè Sol falmo i dad to ftoo di ku Dyisas. Nkatan fnusuk i dad gumnèla, na kanfèan i dad lagi na libun, du fablanggùan ale.

Dad Nimò 9:2

du mni sulat fakayan fite ditù di dad gustifun i dad Dyu di Damaskus du fagu déé ku nun teenan dad to ftoo ku Dyisas, i baling lagi na libun, fakayan ale kanfè, na fablanggùan ale ditù di Dyérusalém.