Mateo 8:16 - Papiamentu Bible 2013

¹⁶ Ora nochi a sera, nan a trese hopi hende ku tabata poseé serka Hesus. Ku su palabra so E tabata saka e mal spiritunan fo'i nan i E tabata kura tur esnan enfermo.

Beibel na Papiamentu Koriente 2013

¹⁶ Ora nochi a sera, nan a trese hopi hende ku tabata poseé serka Hesus. Ku su palabra so E tabata saka e mal spiritunan fo'i nan i E tabata kura tur esnan enfermo.

Mateo 8:16 Iomraidhean Croise

Éksodo 15:26

El a bisa: ‘Si boso skucha bon loke Ami, SEÑOR, boso Dios, bisa i hasi loke Mi pidi, si boso atené boso na mi mandamentunan i mi leinan, lo Mi spar boso di e enfermedatnan ku Mi a kastigá e egipsionan kuné. Ami ta SEÑOR, Ami t'Esun ku ta kura boso.’

Mateo 12:22

Nan a trese un hòmber serka Hesus; e hòmber tabata siegu i surdu, pasobra e tabata poseé. Hesus a kur'é i e hòmber por a papia i mira.

Mateo 14:14

Ora Hesus a sali for di e boto i mira e multitut grandi, El a haña duele di nan i a kura nan enfermonan.

Mateo 8:15

El a kohe man di e suegra tene i e keintura a kita. E suegra a lanta i a kuminsá sirbiÉ.

Mateo 8:33

Wardadónan dje trupa di porko a kore limpi bai siudat bai konta henter e historia i tambe loke a pasa ku e hòmbernan poseé.

Mateo 9:2

Ei algun hende a bini serka djE ku un hòmber lam, drumí riba un kama di habri abou. Ora Hesus a mira nan fe den djE, El a bisa e hòmber: ‘Tene kurashi mi yu, bo pikánan ta pordoná.’

Marko 2:3

Algun hende a bini ku un hòmber lam, ku kuater hòmber tabata karga den un dragbar, serka Hesus.

Marko 5:8

El a bisa asina pasobra Hesus a bisa e mal spiritu kaba pa sali for di e hòmber.

Marko 9:25

Ora Hesus a nota ku e hendenan tabata basha bini riba nan, El a skual e spiritu seriamente: ‘Spiritu ku ta hasi hende muda i surdu, Ami ta ordená bo: Sali for di e mucha hòmber akí i no drent'é nunka mas.’

Lukas 13:12

Hesus a mir'é i bis'é: ‘Señora, bo ta liberá di bo malesa!’

Lukas 4:40

Anochi, ora solo a baha, tur hende a trese nan hende malunan, ku tur sorto di malesa, serka Hesus. E tabata pone man riba kada un di nan i kura nan.

Lukas 4:41

For di hopi hende demoño tabata sali; nan tabata grita: ‘Abo ta Yu di Dios!’ Hesus tabata skual e demoñonan; E no tabata laga nan papia, pasobra nan tabata sa ku E tabata e Mesias.

Echonan 5:15

E hendenan tabata karga enfermo riba kama i dragbar pone riba kaya. Nan tabata spera ku ora Pedro pasa eibanda maske ta su sombra lo a kai riba un di nan.