Mateo 5:46 - Papiamentu Bible 2013

⁴⁶ Pasobra si bo ta stima solamente esnan ku ta stima bo, kua rekompensa bo por spera e ora ei? E kobradónan di belasting n' ta hasi meskos?

Beibel na Papiamentu Koriente 2013

⁴⁶ Pasobra si bo ta stima solamente esnan ku ta stima bo, kua rekompensa bo por spera e ora ei? E kobradónan di belasting n' ta hasi meskos?

Mateo 5:46 Iomraidhean Croise

Mateo 11:19

E Yu di hende a bini i e sí ta kome i bebe i hende a laga sa: “Mira un hòmber golos i buraché ei, amigu di kobradó di belasting i di hende ku no ta kumpli ku lei.” Ma sabiduria di Dios ta proba su mes ku echo.’

Mateo 18:17

Si e ruman nenga di tende, hiba henter e asuntu dilanti di iglesia. I si ainda e no ke tende, trat'é komo si fuera ta un pagano òf kobradó di belasting e ta.

Mateo 5:47

I si ta bo ruman so bo ta kumindá, kiko spesial bo ta hasiendo? Akaso paganonan n' ta hasi meskos?

Mateo 6:1

Tene kuidou boso no kumpli ku boso obligashonnan religioso públikamente djis pa hende mira. Sino boso lo no haña rekompensa di boso Tata ku ta den shelu.

Marko 2:15

Un dia Hesus a bai kome na kas di Levi. Hopi kobradó di belasting i otro hende ku no tabata kumpli ku lei a sinta kome huntu kunÉ i su disipelnan. Nan hopi tabata siguiÉ.

Marko 2:16

Ora e dòktornan di lei di e grupo di fariseo a mir'É ta kome huntu ku hende ku no ta kumpli ku lei i ku kobradó di belasting, nan a puntra su disipelnan: ‘Pakiko e ta sinta kome huntu ku e tipo di hendenan akí?’

Lukas 15:1

Tur kobradó di belasting i otro pekadó tabata bini serka djE pa skucha su palabranan.

Lukas 18:13

Ma e kobradó di belasting a keda pará na un distansia i no a ni hisa kara na shelu. El a bati riba su pechu komo señal di arepentimentu i bisa: “Señor, tene mizerikòrdia ku mi, un hende pekadó!”

Lukas 19:2

Tabatin un hòmber ku yama Zakeo ei; e tabata hefe di e kobradónan di belasting i e tabatin hopi plaka.

Lukas 19:7

Tur hende ku a mira loke a pasa a murmurá i bisa: ‘El a bai keda na kas di un pekadó!’

Lukas 3:12

E kobradónan di belasting tambe a bini serka dje pa batisá i a puntr'é: ‘Maestro, kiko nos mester hasi?’

Lukas 5:29

Despues Levi a tene un komementu grandi pa Hesus na su kas. Hopi kobradó di belasting i otro hende tabata sintá na mesa huntu ku nan.

Lukas 5:30

E fariseonan i e dòktornan di lei di nan grupo a bai murmurá serka su disipelnan i bisa: ‘Pakiko boso ta kome i bebe huntu ku hende ku no ta kumpli ku lei i ku kobradó di belasting?’

Lukas 7:29

Henter e multitut i tur e kobradónan di belasting a tende di Huan i a rekonosé ku Huan a batisá nan segun Dios su boluntat.

Lukas 7:34

Yu di hende sí a bini ta kome i bebe i boso a laga sa: “Mira un hòmber golos i buraché ei, amigu di kobradó di belasting i di hende ku no ta kumpli ku lei.”