Mateo 4:24 - Papiamentu Bible 2013

²⁴ Su fama a plama rònt Siria; nan tabata trese tur hende malu serka djE, tur ku tabata sufri di kualke enfermedat, ku tabata poseé pa demoño, ku tabata kai djimpi i hende ku tabata lam, i E tabata kura nan.

Beibel na Papiamentu Koriente 2013

²⁴ Su fama a plama rònt Siria; nan tabata trese tur hende malu serka djE, tur ku tabata sufri di kualke enfermedat, ku tabata poseé pa demoño, ku tabata kai djimpi i hende ku tabata lam, i E tabata kura nan.

Mateo 4:24 Iomraidhean Croise

2 Samuel 8:6

Tambe el a lanta pòstnan militar den reino arameo di Damasko. For di e dia ei e arameonan tabata someté na David i nan mester a pag'é belasting. Asina SEÑOR a duna David viktoria unda ku el a bai bringa.

1 Reinan 10:1

Reina di Sheba a tende di e fama ku Salomon a haña pa gloria di SEÑOR. El a bai Herusalèm pa hasi Salomon pregunta difísil pa asina pon'é na prueba.

1 Reinan 4:31

E tabata mas sabí ku tur hende, mas sabí ku Etan, e ezrahita, i ku Heman, Kalkol i Darda, e yunan di Mahol. Su fama a kore den tur e paisnan den bisindario.

1 Krónikanan 14:17

David su fama a plama den tur pais i SEÑOR a perkurá pa tur nashon haña miedu di dje.

1 Krónikanan 29:2

P'esei mi a hasi tur loke mi tabata por pa trese tur material huntu ku mester pa tèmpel di mi Dios: oro, plata, koper, heru, palu, óniks, piedranan semipresioso, piedranan di diferente koló, tur sorto di piedra fini i alabaster blanku na gran kantidat.

Éksodo 15:26

El a bisa: ‘Si boso skucha bon loke Ami, SEÑOR, boso Dios, bisa i hasi loke Mi pidi, si boso atené boso na mi mandamentunan i mi leinan, lo Mi spar boso di e enfermedatnan ku Mi a kastigá e egipsionan kuné. Ami ta SEÑOR, Ami t'Esun ku ta kura boso.’

Mateo 12:22

Nan a trese un hòmber serka Hesus; e hòmber tabata siegu i surdu, pasobra e tabata poseé. Hesus a kur'é i e hòmber por a papia i mira.

Mateo 14:1

Den e tempu ei gobernador Heródes di Galilea a bin tende tokante Hesus.

Mateo 15:22

Awor un señora kanaanita, ku tabata biba den e region ei, a aserká Hesus gritando: ‘Tene piedat di mi, Señor, Yu di David! Mi yu muhé ta poseé: e ta hopi malu.’

Mateo 17:15

i bisa: ‘Señor, tene mizerikòrdia ku mi yu hòmber, e ta sufri hopi; e ta kai djimpi i vários be el a yega di kai den kandela i den awa.

Mateo 17:18

Hesus a skual e demoño seriamente i el a sali for di e mucha. E mucha a kura for di e momento ei.

Mateo 4:23

Hesus a biaha rònt Galilea. E tabata duna siñansa den nan snoa, prediká e bon notisia tokante e reino i kura tur enfermedat i malesa ku e pueblo tabatin.

Mateo 8:28

Ora Hesus a yega e otro banda di lago di Galilea, den teritorio di Gadarena, dos hòmber a sali for di kaminda ta dera hende bin top'É. Nan tabata poseé di mal spiritu i tabata asina violento ku niun hende no tabata por a pasa di e kaminda ei.

Mateo 8:33

Wardadónan dje trupa di porko a kore limpi bai siudat bai konta henter e historia i tambe loke a pasa ku e hòmbernan poseé.

Mateo 8:6

‘Señor, mi kriá ta na kas, bentá malu riba kama sin por move; e ta sufri teriblemente!’

Mateo 9:26

E notisia di loke a pasa a plama rònt pais.

Mateo 9:35

Hesus a pasa den tur siudat i pueblo. E tabata siña den nan snoa, prediká e bon notisia tokante e reino i kura tur malesa i enfermedat.

Marko 1:28

No a dura muchu ku su fama a plama rònt region di Galilea.

Marko 1:32

Anochi, ora solo a kaba di baha, nan a trese tur hende malu i tur hende poseé serka Hesus.

Marko 2:3

Algun hende a bini ku un hòmber lam, ku kuater hòmber tabata karga den un dragbar, serka Hesus.

Marko 2:4

Komo tabatin muchu hende, nan no por a hib'é te serka Hesus. P'esei nan a habri e dak, traha un buraku kaminda Hesus tabata i laga e dragbar ku e hòmber lam drumí aden, baha.

Marko 2:9

Kiko ta mas fásil? Bisa e hòmber lam akí: Bo pikánan ta pordoná, òf bis'é: Lanta para, kohe bo dragbar i kana bai?

Lukas 2:2

E promé senso akí a tuma lugá tempu ku Quirinio tabata gobernador di Siria.

Lukas 4:14

Hesus a regresá Galilea yená ku poder di Spiritu Santu. Su fama a plama den henter e bisindario ei.

Lukas 4:38

Hesus a sali for di snoa i a bai kas di Simon. Suegra di Simon tabatin keintura hopi altu i nan a pidi Hesus yud'é.

Lukas 5:15

Ma e historia tokante Hesus a plama tur kaminda i multitut grandi tabata bini huntu pa tend'É i haña sanashon.

Lukas 5:24

Mi ta bai laga boso mira ku e Yu di hende tin outoridat pa pordoná piká riba mundu.’ E ora ei El a bisa e hòmber lam: ‘Ami ta bisa bo: Lanta para, kohe bo dragbar i bai kas.’

Lukas 7:17

E notisia akí tokante Hesus a plama rònt Hudea i e lugánan den bisindario.

Huan 10:21

Otro tabata bisa: ‘E palabranan akí no ta palabra di hende poseé pa demoño. Demoño por duna hende siegu nan bista antó?’

Echonan 10:38

i boso sa tambe kon e ora ei Dios a ungi Hesus di Nazarèt ku Spiritu Santu i a kolm'É ku poder. E tabata pasa hasi bon obra tur kaminda i kura esnan ku tabata bou di yugo di diabel, pasobra Dios tabata kunÉ.

Echonan 15:23

Iglesia a duna e siguiente karta bai kuné: ‘E apòstelnan i e ansianonan ta kumindá nan rumannan no hudiu di Antiokia, Siria i Silisia.

Echonan 15:41

El a pasa rònt Siria i Silisia kaminda e tabata fortalesé e iglesianan.

Echonan 28:9

Despues ku esei a sosodé tur otro hende malu riba e isla a bini i nan tambe a haña kura.

Echonan 8:7

Bou di gritamentu duru spiritu impuru tabata sali for di hopi hende, i hopi hende lam i koho tabata haña nan kura.

Yozue 6:27

SEÑOR tabata ku Yozue i Yozue a bira famoso den henter e pais.