Mateo 26:55 - Papiamentu Bible 2013

⁵⁵ Na e momento ei Hesus a tuma palabra i bisa e multitut: ‘Ta un bandidu Mi ta antó, ku boso mester bini ku sabla i chikoti pa kohe Mi prezu? Dia aden dia afó Mi tabata sinta den tèmpel ta duna instrukshon i boso no a kohe Mi prezu.

Beibel na Papiamentu Koriente 2013

⁵⁵ Na e momento ei Hesus a tuma palabra i bisa e multitut: ‘Ta un bandidu Mi ta antó, ku boso mester bini ku sabla i chikoti pa kohe Mi prezu? Dia aden dia afó Mi tabata sinta den tèmpel ta duna instrukshon i boso no a kohe Mi prezu.

Mateo 26:55 Iomraidhean Croise

Mateo 21:23

Hesus a bai bèk den tèmpel i ora E tabata siña e hendenan, e saserdotenan importante i e ansianonan a aserk'É i puntr'É: ‘Ku ki outoridat bo ta hasi e kosnan ku bo ta hasi? Ta ken a duna bo e outoridat ei?’

Mateo 26:47

Segun Hesus tabata papia, Hudas, un di e diesdos disipelnan, a yega. E tabata den kompania di un grupo grandi di hende ku e ansiano i saserdotenan importante a manda. E hendenan tabata armá ku sabla i palu.

Marko 10:1

Hesus a sali for di einan i a bai region di Hudea i e region na otro banda di riu Yordan. Atrobe un multitut a bini serka djE i E tabata siña nan manera tabata su kustumber.

Marko 12:35

Ora Hesus tabata duna siñansa den tèmpel, El a puntra: ‘Ta kon e dòktornan di lei por bisa ku Mesias ta yu di David?

Lukas 19:47

Dia aden dia afó, Hesus tabata siña e hendenan den tèmpel. E saserdotenan importante, e dòktornan di lei i e lidernan di pueblo tabata buska moda di mat'É.

Lukas 20:1

Un dia ku Hesus tabata siña hende den tèmpel i anunsiá e bon notisia, e saserdotenan importante i e dòktornan di lei a aserk'É huntu ku e ansianonan.

Lukas 4:20

Hesus a lora e ròl ser'é bèk, dun'é na e asistente di snoa i kai sinta. Tur hende den snoa a keda ku nan bista fihá riba djE.

Huan 7:14

Na mitar di e fiesta, Hesus a bai tèmpel kaminda E tabata siña e hendenan.

Huan 7:28

P'esei miéntras Hesus tabata siña e hendenan den tèmpel, El a bisa na bos altu: ‘Sí, boso konosé Mi i sa di unda Mi ta bini. Mi no a bini riba mi mes kuenta; tin un ku a manda Mi i boso no konos'É.

Huan 8:2

Su manisé trempan El a bolbe bai tèmpel i henter pueblo a reuní rònt di djE. El a kai sinta i siña nan.

Huan 8:20

Hesus a bisa e kosnan akí ora e tabata siña hende den tèmpel, den bisindario di e kahanan pa ofrenda. Niun hende no a koh'É prezu, pasobra su ora no a yega ainda.