Mateo 21:12 - Papiamentu Bible 2013

¹² Hesus a bai den tèmpel i a kore ku tur e bendedó i kumpradónan ku tabata eiden. El a bòltu mesa di e kambiadónan di plaka i stul di e bendedónan di palomba.

Beibel na Papiamentu Koriente 2013

¹² Hesus a bai den tèmpel i a kore ku tur e bendedó i kumpradónan ku tabata eiden. El a bòltu mesa di e kambiadónan di plaka i stul di e bendedónan di palomba.

Mateo 21:12 Iomraidhean Croise

Éksodo 30:13

Tur hende ku keda registrá mester duna un moneda di plata di sinku gram. Peso di e moneda mester kuadra ku e normanan bálido den santuario. E suma akí nan mester duna Ami.

Levítiko 1:14

Si un persona ke ofresé SEÑOR un para komo sakrifisio di kandela, e mester kohe un tòrteldùif òf un pichon.

Levítiko 12:6

Ora e tempu stipulá despues di nasementu di un yu hòmber òf di su yu muhé pasa, e muhé mester hiba pa saserdote na entrada di tènt di enkuentro: un karné di un aña pa un sakrifisio di kandela i un pichon òf tòrteldùif pa un sakrifisio pa pordon di piká.

Levítiko 12:8

Si e no tin moda di paga ku un karné, e por trese dos tòrteldùif òf dos pichon tambe, un pa sakrifisio di kandela i e otro pa sakrifisio pa pordon di piká. Di manera ku e saserdote ta drecha tur kos atrobe entre e muhé i Dios i e muhé ta bolbe bira puru.’

Levítiko 14:22

E ta kohe tambe dos tòrteldùif òf dos pichon, manera e por, i ta destiná unu pa sakrifisio pa pordon di piká i e otro pa sakrifisio di kandela.

Levítiko 14:30

E saserdote ta kohe un di e tòrteldùifnan òf un di e pichonnan, segun e hende tin,

Levítiko 15:14

Riba e di ocho dia e ta bai para ku dos tòrteldùif òf dos pichon dilanti di SEÑOR, na entrada di tènt di enkuentro, i aya e ta duna saserdote nan.

Levítiko 15:29

Riba e di ocho dia e ta kohe dos tòrteldùif òf dos pichon i hiba nan pa e saserdote na entrada di tènt di enkuentro.

Levítiko 5:11

Si e hende no tin moda di paga dos tòrteldùif òf dos pichon, e mester ofresé, pa pordon di su piká, mas o ménos dos kana di hariña fini. E no mester basha zeta riba e hariña ni pone sensia huntu, pasobra ta un sakrifisio pa pordon di piká.

Levítiko 5:7

Si un hende no tin moda di paga un kabritu òf un karné, e mester ofresé SEÑOR pa penitensia pa su piká dos tòrteldùif òf dos pichon, un di nan komo sakrifisio pa pordon di piká i e otro komo sakrifisio di kandela.

Marko 11:11

Hesus a drenta Herusalèm i despues di a mira tur kos den tèmpel, El a bai Betania huntu ku e diesdos disipelnan, pasobra a bira lat kaba.

Lukas 2:24

Tambe nan a bai ofresé un sakrifisio di purifikashon ku segun lei di Moises, ta ‘dos tòrteldùif òf dos pichon’.

Huan 2:13

E fiesta ku hudiunan sa selebrá, fiesta di Pésag, tabata serka i Hesus a bai Herusalèm.