Marko 11:1 - Papiamentu Bible 2013

¹ Ora Hesus ku su disipelnan a yega den bisindario di Herusalèm, banda di e siudatnan Betfage i Betania, serka di Seru di Oleifi, El a manda dos disipel bai dilanti.

Beibel na Papiamentu Koriente 2013

¹ Ora Hesus ku su disipelnan a yega den bisindario di Herusalèm, banda di e siudatnan Betfage i Betania, serka di Seru di Oleifi, El a manda dos disipel bai dilanti.

Marko 11:1 Iomraidhean Croise

2 Samuel 15:30

Despues David a subi Seru di Oleifi na yoramentu. E tabatin su kabes mará i tabata kana pia abou. Tur e hendenan ku tabata kompañ'é tabatin nan kabes mará i yorando nan tabata subi e seru.

Zakarías 14:4

Ora e dia ei yega, E ta bai para riba Seru di Oleifi, parti ost di Herusalèm. E seru lo sker habri na dos: mitar di e seru lo slep bai den direkshon nort, e otro mitar den direkshon zùit. Lo bini un vaye hanchu, ku ta kore di ost pa wèst.

Mateo 21:17

Hesus a bai, laga nan. El a sali for di siudat bai Betania i a pasa nochi aya.

Mateo 24:3

Ora Hesus tabata sintá riba Seru di Oleifi, e disipelnan a bin puntr'É den privá: ‘Bisa nos: ki dia e kosnan akí lo sosodé? Na kua señal nos por mira ku Bo ta serka di bini i ku fin di tempu ta serka di yega?’

Mateo 26:30

Despues di a kanta himno nan a sali pa Seru di Oleifi.

Marko 11:2

El a bisa nan: ‘Bai e pueblo boso dilanti. Asina boso yega aya, boso lo haña un yu di buriku mará ei ku nunka niun hende no a kore ariba ainda. Lòs e i tres'é aki.

Marko 13:3

Ora Hesus tabata sintá riba Seru di Oleifi, ku kara pa tèmpel i nan tabata nan so, Pedro, Hakobo, Huan i Andreas a puntr'É:

Marko 14:13

Hesus a manda dos disipel bai i ordená nan: ‘Drenta siudat. Aya boso lo topa un hòmber ku ta karga un tinashi di awa; siguié.

Marko 6:7

El a yama e diesdos disipelnan i kuminsá manda nan bai dos dos, ku poder pa saka demoño for di hende.

Huan 8:1

ma Hesus a bai Seru di Oleifi.

Echonan 1:12

Despues e apòstelnan a regresá Herusalèm for di Seru di Oleifi; e distansia no tabata largu, ménos ku un kilometer.