Lukas 4:2 - Papiamentu Bible 2013

² Ei diabel a purba lag'É kai den tentashon durante kuarenta dia largu. E no a kome nada durante e dianan ei i na final El a haña hamber.

Beibel na Papiamentu Koriente 2013

² Ei diabel a purba lag'É kai den tentashon durante kuarenta dia largu. E no a kome nada durante e dianan ei i na final El a haña hamber.

Lukas 4:2 Iomraidhean Croise

Génesis 3:15

Lo mi trese enemistat entre abo i e muhé, entre bo desendensia i esun di dje. Desendensia di e muhé lo machiká bo kabes i abo lo morde su hilchi di pia.’

1 Reinan 19:8

Elías a lanta, kome i bebe; e kuminda akí a dun'é forsa pa kana 40 dia i 40 nochi te yega Horeb, e seru di Dios.

Ester 4:16

‘Yama tur hudiu di Susan huntu i boso yuna pa mi kaso. No kome ni bebe tres dia largu, ni di dia ni anochi. Mi ku mi sirbientenan ta hasi meskos. Despues mi ta bai serka rei, maske mi aktua kontra lei. Si ta muri mi tin ku muri, lo mi muri!’

Éksodo 24:18

Moises a drenta den e nubia i a sigui subi e seru. El a keda kuarenta dia i kuarenta nochi riba e seru.

Éksodo 34:28

Moises a keda kuarenta dia i kuarenta nochi serka SEÑOR. E no a kome pan ni a bebe awa. El a skibi e palabranan di e aliansa, e dies mandamentunan, riba e tablanan.

Yonas 3:7

Riba òrdu di rei i su ministernan nan a bisa e hendenan di e stat: ‘Niun hende no mag kome ni bebe nada. No laga bestianan, ni baka, ni karné, kome yerba ni bebe awa tampoko.

Mateo 21:18

Su manisé trempan ora Hesus a bolbe Herusalèm, El a haña hamber.

Mateo 4:2

Despues di a yuna kuarenta dia largu, Hesus a haña hamber.

Lukas 4:3

Diabel a bini serka djE i bis'É: ‘Si Bo ta Yu di Dios, bisa e piedra ei bira pan!’

Huan 4:6

Ei tabatin e pos di Yakob i Hesus ku tabata kansá di biaha, a kai sinta banda di e pos; tabata banda di diesdos or di mèrdia.

Deuteronomio 9:18

Kaba mi a tira mi kurpa abou dilanti di SEÑOR manera e promé bia. Kuarenta dia i kuarenta nochi mi a keda ku mi kurpa tirá abou, sin kome òf bebe nada pa motibu di e kantidat grandi di boso piká. Boso a hasi loke ta malu den bista di SEÑOR, boso a provok'é.

Deuteronomio 9:25

Mi a keda e tempu ei antó kuarenta dia i kuarenta nochi tirá abou den orashon dilanti di SEÑOR — pasobra El a bisa ku lo E kaba ku boso.

Deuteronomio 9:9

Tabata tempu mi a subi seru pa bai tuma e tablanan di e aliansa ku SEÑOR a sera ku boso. Mi a keda kuarenta dia i kuarenta nochi riba e seru, sin kome òf bebe nada.

Hebreonan 2:18

Komo E mes a pasa den prueba i a sufri, E por yuda tur esnan ku ta pasa den prueba.

Hebreonan 4:15

Nos tin un gransaserdote ku ta kapas di kompadesé di nos debilidatnan; E mes tabata poné na prueba den tur sentido, presisamente meskos ku nos. Pero E no a peka.

1 Samuel 17:16

Mientrastantu e filisteo tabata sali posishoná su mes tur mainta i tur anochi pa yama e israelitanan afó durante kuarenta dia.