Lukas 15:24 - Papiamentu Bible 2013

²⁴ Pasobra e yu di mi akí tabata morto i awor e ta bibu atrobe; e tabata pèrdí i awor a hañ'é bèk!” I fiesta a kuminsá!

Beibel na Papiamentu Koriente 2013

²⁴ Pasobra e yu di mi akí tabata morto i awor e ta bibu atrobe; e tabata pèrdí i awor a hañ'é bèk!” I fiesta a kuminsá!

Lukas 15:24 Iomraidhean Croise

Génesis 45:28

El a bisa: ‘Basta! Mi yu Jozef ta na bida ainda, mi ke bai mir'é promé mi muri.’

Isaías 35:10

Esnan ku SEÑOR a reskatá ta bini Sion hubilando. Un alegria sin fin ta pone nan kara bria, un goso sin midí ta poderá di nan. Tur pena i kehamentu ta disparsé pa semper.

Isaías 66:11

Boso lo bebe te sasia di e konsuelo ku e ta duna, manera ora mama ta duna yu lechi i e yu ta chupa golos golos na su pechu abundante.

Ezekiel 34:16

‘Mi ta bai buska karnénan pèrdí, karnénan ku a pèrdè kaminda Mi ta trese bèk, pa karnénan heridá lo Mi mara ferbant i karnénan malu lo Mi laga kohe forsa. Pero esunnan ku ta gordo i fuerte, lo Mi destruí. Lo Mi ta un wardadó ku ta trata nan hustu.

Ezekiel 34:4

Boso no a laga e karnénan ku tabata débil kohe forsa, boso no a kura e karnénan ku tabata malu, boso no a pone ferbant pa e karnénan ku tabata heridá; boso no a trese e karnénan ku a pèrdè kaminda bèk, boso no a bai buska karnénan ku a pèrdè. Boso a goberná ku man duru, sin tene duele.

Mateo 8:22

Hesus a kontest'é: ‘Sigui Mi i laga morto dera nan morto.’

Marko 8:22

Nan a yega Betsaida i e hendenan a trese un hòmber siegu serka Hesus. Nan a rog'É pa E toka e siegu.

Lukas 10:19

Mira, Mi a duna boso outoridat pa trapa riba kolebra i skarpion i riba tur poder di e enemigu. Nada lo no hasi boso daño.

Lukas 15:23

Buska e bisé gòrdá, mat'é i laga nos kome i selebrá.

Lukas 15:25

Pero e yu mayó tabata den kunuku ainda i ora el a yega serka di kas, el a tende muzik i baliamentu.

Lukas 15:32

Ta bon pa selebrá i bira kontentu, pasobra e ruman di bo akí tabata morto i awor e ta bibu atrobe; e tabata pèrdí i a hañ'é bèk.” ’

Lukas 15:4

‘Si un di boso tin 100 karné, anto e pèrdè un, akaso e no ta laga e 99 karnénan nan so patras den mondi, pa bai buska esun pèrdí te ora e hañ'é?

Lukas 19:10

Yu di hende a bini pa buska i salba esun ku ta pèrdí!’

Lukas 9:60

Hesus a dun'é pa kontesta: ‘Laga morto dera nan morto; pero abo bai proklamá reino di Dios.’

Huan 11:25

Hesus a bis'é: ‘Ami ta resurekshon i bida; esun ku kere den Mi, lo biba asta si e muri.

Huan 5:21

Meskos ku Tata ta lanta morto duna nan bida, asin'ei tambe su Yu ta duna esun ku E ke bida.

Romanonan 11:15

Pues si e echo ku Dios a rechasá e hudiunan ya kaba a sirbi pa rekonsiliá mundu kunÉ, kiko lo no pasa ora Dios aseptá nan? E ora ei esnan ku tabata morto lo haña bida!

Romanonan 12:15

Sea kontentu ku esnan ku ta kontentu; yora ku esnan ku ta yora.

Romanonan 6:11

Meskos boso tambe, sigur sigur, mester konsiderá boso mes morto pa piká, pero bibu pa Dios, ya ku boso ta uní ku Kristu-Hesus.

Romanonan 6:13

Ni no entregá niun parti di boso kurpa na piká komo instrumento di maldat. Al kontrario, someté boso na Dios, manera hende ku a muri i bolbe biba, i entregá kada parti di boso kurpa komo instrumento pa hasi loke ta hustu den bista di Dios.

Romanonan 8:2

Pasobra e lei di Spiritu ku ta duna bida den Kristu-Hesus, a libra bo di e lei di piká i morto.

1 Korintionan 12:26

Si ún parti di kurpa ta sufri, tur sobrá tambe ta sufri. Si ún parti risibí honor, tur sobrá ta kompartí su legria.

Efesionan 2:1

Un tempu boso tambe tabata spiritualmente morto, pa motibu di boso aktonan di desobediensia i boso pikánan.

Efesionan 2:5

ku, ora nos tabata morto spiritualmente pa motibu di nos aktonan di desobediensia, El a rebibá nos huntu ku Kristu. Ta pa medio di grasia di Dios boso ta salbá!

Efesionan 5:14

pasobra tur kos ku keda revelá den un forma kla, ta bira igual na lus. P'esei tin bisá: ‘Abo ku ta drumí, lanta; lanta for di morto! Pa Kristu bria riba bo!’

Kolosensenan 2:13

Boso tabata spiritualmente morto pa motibu di boso desobediensia i boso bida komo hende no hudiu sin Lei di Moises, pero Dios a rebibá boso huntu ku Kristu. El a pordoná boso tur boso desobediensia.

1 Timoteo 5:6

Pero un biuda ku ta entregá su mes na plaser a muri spiritualmente kaba, ounke e ta na bida ainda.

Hudas 1:12

Nan presensia na boso sena fraternal ta manera baranka bou di awa ku ta pone barku senk! Sin niun klase di bèrgwensa nan ta stiwa nan stoma; nan ta kòrda solamente riba nan mes. Nan ta manera nubia kargá, ku bientu ta trese, sin niun drùp di awa kai. Nan ta manera palu ku no ta duna fruta na debido tempu, nan ta dos be morto, ku rais saká afó.

Revelashon 3:1

Skibi e angel di iglesia na Sardis lo siguiente: Esun ku tin e shete spiritunan di Dios i e shete streanan, ta bisa: Mi sa tur kos ku boso ta hasi. Mi sa ku boso ta konosí komo bibu, pero boso ta morto.