Kolosensenan 3:8 - Papiamentu Bible 2013

⁸ Pero awor akí boso mester stòp di rabia, di bira furioso, di hasi maldat, di kalumniá, di papia palabra baho

Beibel na Papiamentu Koriente 2013

⁸ Pero awor akí boso mester stòp di rabia, di bira furioso, di hasi maldat, di kalumniá, di papia palabra baho

Kolosensenan 3:8 Iomraidhean Croise

Salmo 37:8

Stòp di rabia, laga tur furia, no kunsumí, esei ta daña tur asuntu.

Proverbionan 17:14

Kuminsá pleita ta manera traha buraku den dam; asina ta, légumai e motibu promé ku e pleitu kuminsá.

Proverbionan 19:19

Hende ku ta rabia muchu lihé ta hañ'é den problema, defend'é kontra kastigu ta hasi kos pió.

Proverbionan 29:22

Hende rabiá ta trese desunion, i hende ku ta rabia lihé ta hasi hopi piká.

Mateo 5:22

Ma Ami ta bisa boso: Mester hiba tur hende ku rabia ku su ruman dilanti di korte. Es ku yama su ruman kabes duru, mester duna kuenta na sanhedrin, e korte supremo. Es ku yama su ruman idiot mester paga p'esei den kandela di fièrnu.

Marko 7:22

kibramentu di fidelidat di matrimonio, avarisia, malisia, engaño, un bida parotin, envidia, papia riba hende, orguyo, i falta di sabiduria.

Romanonan 13:13

Laga nos komportá nos desentemente komo si fuera ta di dia kla. No hiba un bida di paranda i buracheria, inmoralidat seksual i un bida parotin, di pleitamentu i envidia.

1 Korintionan 3:3

pasobra te ainda boso ta biba manera hende ku ta pertenesé na mundu. E echo ku tin envidia i pleitamentu entre boso, no ta mustra ku boso ta pertenesé na mundu i ta aktua riba un nivel puramente humano?

2 Korintionan 12:20

Mi tin miedu ku ora mi bin bishitá boso, lo mi no enkontrá boso manera mi tin gana di mira boso i ku boso lo haña mi un hende diferente for di loke boso a spera. Mi tin miedu di pleitu, envidia, rabiamentu, egoismo, papiamentu riba hende, redu, arogansia i situashon desordená.

Galatanan 5:15

Tene kuidou, pasobra si boso sigui morde i habraká otro, a lo largu boso mes lo kaba ku otro!

Galatanan 5:20

nan ta adorá dios falsu i praktiká bruheria; nan tin un aktitut hostil, nan ta trese pleitu i ta envidiá otro hende. Nan ta kla pa rabia, nan ta buska nan mes probecho i ta trese desunion i partidismo.

Galatanan 5:26

Nos no mester ta arogante, ni provoká ni envidiá otro!

Efesionan 4:22

A siña boso pa pone boso bida di ántes un banda, esta e hende ku boso tabata ántes, ku tabata putri kaba na nada, pasobra e tabata deseá loke ta engañoso.

Efesionan 4:25

P'esei antó, no gaña otro mas! Boso kada un, papia bèrdat ku otro, pasobra nos ta miembro di e mesun kurpa.

Efesionan 4:26

Boso por rabia sí, ma no peka ora boso rabia ni no bai drumi rabiá.

Efesionan 4:29

No usa palabra fo'i sla; laga loke boso papia ta útil, konstruktivo i na su lugá, bon pa yuda esnan ku ta skucha.

Efesionan 5:4

Tampoko no ta pas pa papia palabra grosero, papia kos di loko, konta chiste indesente. Ma al kontrario gradisí Dios.

Kolosensenan 3:5

P'esei mata tur loke ta di e mundu akí den boso: inmoralidat seksual, indesensia, pashon, deseo malu i avarisia, ku ta igual na idolatria.

Kolosensenan 3:9

i di gaña otro. Pasobra boso a pone boso bida di ántes un banda huntu ku e kosnan ku boso tabata hasi

1 Timoteo 1:13

ounke den pasado mi tabata papia malu di djE, persiguiÉ i insult'É. Pero Dios a tene mizerikòrdia ku mi, pasobra ami, ku e tempu ei no tabata un kreyente, no tabata sa kiko mi tabata hasi.

1 Timoteo 1:20

Den nan bo ta haña hende manera Himeneo i Alexander. Mi a entregá nan den man di satanas pa siña nan no blasfemá.

Hebreonan 12:1

P'esei nos, rondoná di un multitut asina grandi di hende ku a demostrá nan fe, mester benta tur peso, esta, e pikánan ku ta molestiá nos asina fásil, un banda, i partisipá ku perseveransia na e kareda ku nos tin nos dilanti.

Hakobo 2:7

No ta nan ta blasfemá e nòmber presioso ku a invoká riba boso?

1 Pedro 2:1

P'esei anto pone un banda tur sorto di maldat i engaño, hipokresia, envidia i tur sorto di papiamentu negativo.

2 Pedro 2:18

Nan ta blabla kosnan arogante i estúpido, i ta usa mal deseo i un bida inmoral pa gara esnan ku apénas a logra hui di hende ku a desviá den bida.

2 Pedro 2:7

Pero Dios a salba Lòt, un hende rekto, ku tabata biba tormentá pa e bida inmoral di e hendenan sin eskrúpulo ei.

Hudas 1:13

Sí, nan ta manera ola brutu di laman, ku ta lanta skuma di nan aktonan bergonsoso manda laria! Nan ta strea ku a pèrdè kaminda i Dios a reservá un lugá eterno pa nan den e skuridat di mas profundo.

Hudas 1:8

Apesar di tur esaki, e siñadónan falsu tambe ta haña vishon ku ta pone nan abusá di nan kurpa seksualmente, menospresiá outoridat di Señor i insultá podernan spiritual.

Revelashon 16:9

E hendenan a kima dor di e kayente intenso i nan a blasfemá nòmber di Dios, ku tin poder riba e plaganan akí. Pero nan a nenga di kombertí i nenga di dun'É honor.