Hudas 1:12 - Papiamentu Bible 2013

¹² Nan presensia na boso sena fraternal ta manera baranka bou di awa ku ta pone barku senk! Sin niun klase di bèrgwensa nan ta stiwa nan stoma; nan ta kòrda solamente riba nan mes. Nan ta manera nubia kargá, ku bientu ta trese, sin niun drùp di awa kai. Nan ta manera palu ku no ta duna fruta na debido tempu, nan ta dos be morto, ku rais saká afó.

Beibel na Papiamentu Koriente 2013

¹² Nan presensia na boso sena fraternal ta manera baranka bou di awa ku ta pone barku senk! Sin niun klase di bèrgwensa nan ta stiwa nan stoma; nan ta kòrda solamente riba nan mes. Nan ta manera nubia kargá, ku bientu ta trese, sin niun drùp di awa kai. Nan ta manera palu ku no ta duna fruta na debido tempu, nan ta dos be morto, ku rais saká afó.

Hudas 1:12 Iomraidhean Croise

2 Krónikanan 7:20

lo Mi ranka boso saka for di e tera ku Mi a duna boso i lo Mi no ke tin nada di hasi ku e tèmpel ku Mi a konsagrá, kaminda hende por bin adorá Mi. E tèmpel lo ta na boka di tur hende i tur nashon lo hasi bofon di dje.

Job 8:17

lora nan rais den piedra i penetrá den blòki.

Salmo 1:3

E parse un palu, plantá kant'i awa, ku ta duna fruta na su tempu; su blachinan no ta marchitá — kiko ku e hasi, e ta bona.

Salmo 37:2

Nan ta seka lihé manera yerba, ta marchitá manera beu di kunuku.

Proverbionan 25:14

Hende ku ta primintí i no ta kumpli ta manera nubia i bientu ku tòg n' ta trese áwaseru.

Ezekiel 17:9

I esaki ta e pregunta ku Ami, SEÑOR Dios, ta hasi: Lo e krese bira grandi un dia? Lo no ranka su raisnan saka nan afó, kòrta su frutanan i laga su blachi nobonan seka? Sí, lo e seka, ku tiki forsa ta sak'é fo'i tera, no tin mester di hopi hende.

Ezekiel 34:10

Esaki ta loke SEÑOR, mi Dios, ta bisa: ‘Mi mes ta bai aktua kontra e wardadónan ei! Mi ta tuma mi karnénan for di nan i retirá nan komo wardadó. E wardadónan lo no keda sòru solamente pa nan mes; lo Mi libra mi karnénan for di nan boka, nan lo no sirbi mas pa nan kuminda.’

Ezekiel 34:18

No ta basta ku boso ta kome tur yerba den e mihó kunukunan i ta trapa loke sobra ku boso patanan, ku boso ta bebe e awa di mas limpi i ta susha loke sobra ku boso patanan?

Ezekiel 34:2

‘Hende, profetisá kontra e lidernan di Israel; aktua komo profeta i bisa e wardadónan ei: Esaki ta loke SEÑOR, mi Dios, ta bisa: Ai di e wardadónan di Israel, ku ta sòru solamente pa nan mes! No ta pa e karnénan wardadónan tin ku sòru?

Ezekiel 34:8

‘Mes sigur ku Ami ta Dios bibu,’ SEÑOR ta bisa, ‘ta hòrta mi karnénan, nan ta bira víktima di tur bestia feros, pasobra no tin wardadó. Pasobra mi wardadónan no ta preokupá pa nan, eseinan ta sòru solamente pa nan mes i no pa mi karnénan.’

Hoséas 6:4

SEÑOR ta kontestá: ‘Kiko Mi mester hasi ku bo, Efraim? Kiko Mi mester hasi ku bo, Huda? Boso amor ta manera neblina di mainta, manera serena ku mainta trempan ta disparsé.

Levítiko 14:43

Si e mancha di beskein bolbe sali na e kas, despues ku a saka e piedranan, raspa i pleistu e murayanan,

Mateo 13:6

Ora solo a sali, el a kima e mata i e mata ku no tabatin bon rais, a seka.

Mateo 15:13

Hesus a kontestá nan: ‘Mi Tata ku ta den shelu, lo ranka tur mata ku E mes no a planta ku rais ku tur!

Marko 4:6

Ora solo a sali, el a kima e mata i e mata, ku no tabatin bon rais, a seka.

Lukas 12:45

Ma si e kriá ei pensa den su mes: “Mi señor ta tarda pa bini kas”, i e kuminsá bati e otro kriánan, si e usa su tempu pa kome i bebe burachi,

Lukas 16:19

Un dia tabatin un hòmber riku. Su pañanan tabata di púrpura i di lenen fini; e tabata tene fiesta ku kosnan luhoso tur dia.

Lukas 21:34

Tene kuidou pa boso no ta okupá ku paranda, bebementu i preokupashon di tur dia, pa e dia ei no sorprendé boso,

Lukas 8:6

Un otro parti a kai meimei di baranka i ora e simianan a spreit, nan a seka pa falta di humedat.

Efesionan 4:14

E ora ei nos lo no ta mucha chikitu ku ta hasi manera ola ku ta subi baha i ku tur sorto di bientu ta supla manda djaki p'aya, mi ke men: tur sorto di siñansa ku ta bini di hende astuto, baké den arte di desviá otro hende!

Filipensenan 3:19

Nan lo kaba den pèrdishon; nan barika a bira nan dios; nan ta orguyoso di nèt e kosnan ku mester ta un bèrgwensa pa nan! Ta riba kos di mundu so nan ta pensa!

1 Timoteo 5:6

Pero un biuda ku ta entregá su mes na plaser a muri spiritualmente kaba, ounke e ta na bida ainda.

Hebreonan 13:9

No laga tur sorto di teoria straño bruha boso. Pasobra ta bon ku nos kurason keda fortifiká dor di Dios su grasia i no dor di regla tokante kuminda; esnan ku a sigui e reglanan akí, no tabatin niun probecho di nan.

Hakobo 5:5

Durante boso bida aki na mundu, boso a djòdjò den luho i plaser, kome bira manera bestia di kria gòrdá i ata awor dia di matansa a yega!