Huan 8:39 - Papiamentu Bible 2013

³⁹ Nan a bolbe kontestá Hesus: ‘Nos tata ta Abraham!’ E ora ei Hesus a bisa nan: ‘Si boso tabata yu di Abraham, boso lo a hasi loke Abraham a hasi.

Beibel na Papiamentu Koriente 2013

³⁹ Nan a bolbe kontestá Hesus: ‘Nos tata ta Abraham!’ E ora ei Hesus a bisa nan: ‘Si boso tabata yu di Abraham, boso lo a hasi loke Abraham a hasi.

Huan 8:39 Iomraidhean Croise

Mateo 3:9

No pensa den boso mes ku boso ta skapa pasobra boso ta desendiente di Abraham. Ami ta bisa boso: Dios por traha desendiente pa Abraham for di e piedranan ku tin aki.

Mateo 5:45

E ora ei boso lo bira yu di boso Tata den shelu, pasobra E ta laga su solo sali tantu riba mal hende komo riba bon hende i ta laga awa kai tantu riba hende hustu komo riba hende inhustu.

Huan 8:33

Nan a bisa Hesus: ‘Nos ta desendiente di Abraham i nunka nos no tabata katibu di niun hende! Kon Bo por bisa: “Boso lo bira liber?” ’

Huan 8:37

Mi sa ku boso ta desendiente di Abraham, ma tòg boso ta buska Mi pa mata, pasobra mi palabranan no a haña aseptashon serka boso.

Huan 8:43

Pakiko boso no ta komprondé loke Mi ta papia ku boso? Pasobra boso orea no por soportá loke Mi ta bisa boso.

Huan 8:56

Boso tata Abraham a bira kontentu, pasobra e tabatin speransa di mira e ora di mi binimentu. El a mir'é i a keda kontentu!’

Romanonan 4:12

Anto Abraham ta tata di esnan ku no solamente ta sirkunsidá, pero ku ta sigui den su paso, esta den e fe ku e tabatin promé ku a sirkunsid'é.

Romanonan 4:16

P'esei, pa e promesa hasí na Abraham por a konta sigur pa tur su desendientenan, e mester tabata un regalo di Dios, basá riba fe. E ta konta pa tur desendiente di Abraham, no solamente pa esnan ku ta obedesé Lei di Moises, pero tambe pa esnan ku fe den Dios manera Abraham. I Abraham ta tata di nos tur,

Romanonan 9:7

ni no ta pasobra nan ta desendiente di Abraham ke men ku nan tur ta ‘yu di Abraham’ di bèrdè. Al kontrario, Dios a bisa Abraham: ‘Solamente esnan ku ta sali di Isak lo ta yamá bo desendientenan.’

Galatanan 3:29

I si boso ta pertenesé na Kristu, boso ta desendiente di Abraham i ta haña benefisio di e promesanan ku Dios a hasi Abraham.

Galatanan 3:7

P'esei boso mester realisá ku ta esnan ku ta kere Dios ta desendiente di Abraham.