Huan 8:2 - Papiamentu Bible 2013

² Su manisé trempan El a bolbe bai tèmpel i henter pueblo a reuní rònt di djE. El a kai sinta i siña nan.

Beibel na Papiamentu Koriente 2013

² Su manisé trempan El a bolbe bai tèmpel i henter pueblo a reuní rònt di djE. El a kai sinta i siña nan.

Huan 8:2 Iomraidhean Croise

Predikador 9:10

Hasi loke bo por hasi ku bo forsa, pasobra den e graf kaminda bo ta bai no tin trahamentu, ni planiamentu, ni konosementu, ni sabiduria.

Yeremías 25:3

‘For di e di diestres aña di gobernashon di Yosías, yu di Amon i rei di Huda, te dia djawe, esta bintitres aña largu, SEÑOR tin ta papia ku mi. I tur e tempu ei ainda mi no a kansa di anunsiá boso kada be di nobo loke E ta bisa; pero boso no ta skucha.

Yeremías 32:33

Na lugá di bira kara pa Mi, nan a bira lomba pa Mi. Tòg kada be di nobo Mi a bisa nan kiko nan mester a hasi, pero nan no a skucha i no a hasi kaso na mi atvertensianan.

Yeremías 44:4

Mi tabata manda mi sirbidónan, e profetanan, kada be di nobo pa boso, pa atvertí boso: No hasi e kos detestabel ei, Mi tin rabia riba dje.

Mateo 26:55

Na e momento ei Hesus a tuma palabra i bisa e multitut: ‘Ta un bandidu Mi ta antó, ku boso mester bini ku sabla i chikoti pa kohe Mi prezu? Dia aden dia afó Mi tabata sinta den tèmpel ta duna instrukshon i boso no a kohe Mi prezu.

Lukas 21:37

Di dia Hesus tabata siña e hendenan den tèmpel, ma E tabata pasa nochi riba un seru ku yama ‘Seru di Oleifi’.

Lukas 21:38

Henter pueblo tabata lanta mainta trempan bai skuch'É den tèmpel.

Lukas 4:20

Hesus a lora e ròl ser'é bèk, dun'é na e asistente di snoa i kai sinta. Tur hende den snoa a keda ku nan bista fihá riba djE.

Lukas 5:3

Hesus a subi den un di e botonan, i pidi Simon, doño di e boto, pa hala e boto un poko for di kantu. El a kai sinta i tabata siña e hendenan.

Huan 4:34

Ma Hesus a bisa nan: ‘Mi kuminda ta: kumpli ku boluntat di Esun ku a manda Mi i kompletá e trabou ku El a enkargá Mi.

Huan 8:20

Hesus a bisa e kosnan akí ora e tabata siña hende den tèmpel, den bisindario di e kahanan pa ofrenda. Niun hende no a koh'É prezu, pasobra su ora no a yega ainda.

Huan 8:3

E dòktornan di lei i e fariseonan a trese un muhé ku nan a gara ta kometé adulterio i a pon'é para meimei di tur e hendenan.

Echonan 5:21

E apòstelnan a obedesé i mainta trempan nan a bai tèmpel bai siña e hendenan. Ora gransaserdote i su eskolta a yega, nan a yama Konseho Supremo huntu, esta e rat kompleto di tur ansiano di pueblo di Israel. Despues nan a manda buska e prizoneronan pa presentá nan dilanti.