Huan 5:19 - Papiamentu Bible 2013

¹⁹ P'esei Hesus a tuma palabra i sigui bisa nan: ‘Mi ta sigurá boso: Yu no por hasi nada riba su mes; E ta hasi solamente loke El a mira su Tata hasi. Loke Tata hasi, e Yu tambe ta hasi.

Beibel na Papiamentu Koriente 2013

¹⁹ P'esei Hesus a tuma palabra i sigui bisa nan: ‘Mi ta sigurá boso: Yu no por hasi nada riba su mes; E ta hasi solamente loke El a mira su Tata hasi. Loke Tata hasi, e Yu tambe ta hasi.

Huan 5:19 Iomraidhean Croise

Génesis 1:1

Na kuminsamentu Dios a krea shelu i tera.

Génesis 1:26

E ora ei Dios a bisa: ‘Laga nos ban traha hende awor. E mester ta segun nos imágen i e mester parse nos. Lo e tin poder riba piská den laman, riba para den laria, riba bestia mansu i feros, i riba tur bestia ku ta lastra abou riba suela.’

Salmo 138:3

Ora m'a yama Bo Bo a skucha, B'a duna mi ánimo i forsa.

Salmo 27:14

Konfia den SEÑOR, sea fuerte, bo kurason tuma kurashi. Sí, konfia den SEÑOR!

Salmo 50:6

Shelu ta anunsiá ku E ta hustu, ku Dios, E mes, ta bin husga.

Éksodo 4:11

Pero SEÑOR a kontestá: ‘Ken a duna hende boka pa papia? No t'Ami SEÑOR, ta Esun ku ta hasi hende muda, surdu, siegu, òf laga nan weta?

Proverbionan 2:6

Pasobra SEÑOR ta duna sabiduria, ta for di su boka komprenshon i konosementu ta sali.

Isaías 44:24

Israel, e SEÑOR ku a sali pa bo, ku a forma bo fo'i promé ku b'a nase, ta bisa: ‘Ami, SEÑOR, a krea tur kos; Ami so a span shelu, Ami a habri mundu manera un tapeit sin yudansa di niun hende.’

Isaías 45:24

Nan lo bisa di Mi: “Ta serka SEÑOR so viktoria i poder ta reina.” ’ Tur ku a rebeldiá kontra SEÑOR lo bini bèk serka djE, yen di bèrgwensa.

Yeremías 17:10

Ami, SEÑOR, ta sondia kurason di hende, ta investigá i mira kiko tin den su paden. Mi ta duna tur hende loke nan meresé segun nan aktonan.

Mateo 26:39

Hesus a bai un tiki mas leu i a tira su kurpa abou. El a bisa: ‘Mi Tata! Si ta posibel, laga e kopa di sufrimentu akí pasa bai. Pero no loke Ami ke, ma loke Abo ke.’

Lukas 21:15

Pasobra Ami lo duna boso elokuensia i sabiduria di manera ku ningun di boso enemigunan lo no por resistí òf kontradesí boso.

Huan 10:18

Niun hende no ta kita mi bida for di Mi; Mi ta entreg'é di mi mes boluntat. Mi tin poder pa entreg'é i poder pa tum'é bèk. T'esaki mi Tata a manda Mi hasi.’

Huan 12:49

Pasobra Mi no a papia riba mi mes outoridat, ma riba esun di Tata ku a manda Mi; E mes a duna Mi òrdu kiko bisa i proklamá.

Huan 12:50

Anto Mi sa ku su enkargo ta pa Ami duna bida eterno. Ke men, loke Ami bisa, ta loke Tata a siña Mi.’

Huan 14:10

Bo no ta kere ku Mi ta den Tata i Tata ta den Mi? Mi palabranan na boso no ta di Mi mes; ta Tata ta den Mi, ta hasi su mes trabou.

Huan 2:19

Hesus a kontestá nan: ‘Destruí e tèmpel akí i den tres dia Mi ta lant'é atrobe.’

Huan 3:3

Hesus a kontest'é: ‘Mi ta sigurá bo: niun hende no por mira reino di Dios, si e no nase di nobo.’

Huan 5:21

Meskos ku Tata ta lanta morto duna nan bida, asin'ei tambe su Yu ta duna esun ku E ke bida.

Huan 6:38

Pasobra Mi no a baha for di shelu pa kumpli ku mi mes boluntat, ma pa kumpli ku boluntat di Esun ku a manda Mi.

Huan 8:28

P'esei El a bisa nan: ‘Ora boso alsa Yu di Hende, boso lo sa ku “AMI TA” i ku Mi no ta hasi nada riba Mi mes. Mi ta papia solamente loke mi Tata a siña Mi.

Huan 9:4

Miéntras ta di dia ainda, nos mester sigui hasi trabou di Esun ku a manda Mi. Nochi ta bai sera i e ora ei niun hende no por traha.

Echonan 2:24

Pero Dios a libr'É for di agonia di morto i lant'É, pasobra morto no por a ten'É bou di su dominio.

Romanonan 6:4

Ke men ku pa medio di nos boutismo nos tabata derá i a muri huntu ku Kristu, pa meskos ku El a keda lantá for di morto pa medio di poder glorioso di Tata, nos tambe lo ta lantá for di morto pa biba un bida nobo.

Romanonan 8:11

Awor si Spiritu di Esun ku a lanta Hesus for di morto ta biba den boso, E mes ku a lanta Kristu, tambe lo duna boso kurpa mortal bida pa medio di su Spiritu ku ta biba den boso.

1 Korintionan 15:12

Awor, si nos ta prediká ku Kristu a lanta for di morto, kon por ta ku tin di boso ta bisa ku no tin lantamentu for di morto?

2 Korintionan 4:14

Nos sa ku Dios, ku a lanta Señor Hesus for di morto, lo lanta nos tambe for di morto huntu ku Hesus i nos sa ku Dios lo hiba nos huntu ku boso den su presensia.

2 Korintionan 5:10

Pasobra nos tur tin ku aparesé dilanti di Kristu pa E husga nos. Asina kada ken lo haña su pago pa loke el a hasi durante su bida na mundu, sea ta kos bon òf kos malu.

Efesionan 2:5

ku, ora nos tabata morto spiritualmente pa motibu di nos aktonan di desobediensia, El a rebibá nos huntu ku Kristu. Ta pa medio di grasia di Dios boso ta salbá!

Efesionan 3:16

Mi ta pidiÉ pa for di su rikesa glorioso i pa medio di Spiritu Santu, E fortalesé boso ku poder den profundidat di boso ser.

Filipensenan 3:21

E lo transformá nos kurpa mizerabel den kurpa glorioso, meskos ku esun di djE. Pa hasi esei lo E usa e poder ku E tin pa someté tur kos na su outoridat.

Filipensenan 4:13

Mi por enfrentá tur kos pa medio di Esun ku ta duna mi forsa.

Kolosensenan 1:11

Dios fortalesé boso ku su poder glorioso pa asina boso por soportá tur kos ku pasenshi.

Kolosensenan 1:16

Pasobra ta pa medio di djE, Dios a krea tur kos den shelu i riba tera, loke ta visibel i invisibel, inkluso e podernan spiritual, potensianan, outoridatnan i gobernantenan. Dios a krea tur kos pa medio di djE i tur kos ta dirigí riba djE.

1 Tesalonisensenan 4:14

Nos ta kere ku Hesus a muri i lanta for di morto, i asina nos ta kere tambe ku ora E bini bèk, esnan ku a muri ku fe den djE, lo lanta fo'i morto i ku Dios lo tuma nan for di riba mundu huntu ku Hesus.

1 Pedro 3:18

Pasobra Kristu a muri un bia i pa semper pa nos pikánan; E tabata un hende hustu ku a muri pa hende inhustu pa E por hiba boso serka Dios. Komo hende El a muri, pero pa medio di Spiritu Santu El a haña bida.

Revelashon 2:23

Lo Mi mata su yunan. I tur e iglesianan lo sa ku ta Ami, Esun ku ta skrudiñá e pensamentunan i deseonan di mas skondí di hende. Lo Mi paga kada un di boso segun boso echonan.