Huan 5:10 - Papiamentu Bible 2013

¹⁰ p'esei e outoridatnan hudiu a bisa e hòmber ku a kura: ‘Awe ta sabat, no ta pèrmití pa bo karga bo dragbar.’

Beibel na Papiamentu Koriente 2013

¹⁰ p'esei e outoridatnan hudiu a bisa e hòmber ku a kura: ‘Awe ta sabat, no ta pèrmití pa bo karga bo dragbar.’

Huan 5:10 Iomraidhean Croise

Isaías 58:13

Si bo stòp di trapa sabat ku pia i di kore tras di bo mes probecho riba e dia ku pa kolmo ta konsagrá na Mi, si sabat ta pa bo un dia di legria, un dia sagrado na mi honor, si bo honr'é, dor di laga bo kosnan di hasi pa despues, stòp di bringa pa bo probecho i no sigui papia di negoshi sin fin,

Yeremías 17:21

“SEÑOR ta bisa lo siguiente: Si boso stima boso bida, no drenta ku yen di karga dor di portanan di e siudat riba sabat.

Yeremías 17:27

Pero si boso no obedesé Mi, si boso no konsiderá sabat komo un dia santu i si boso drenta trankil dor di portanan di siudat ku karga, e ora ei Ami lo sende e portanan na kandela; kandela lo kaba ku palasionan di Herusalèm i lo no tin niun alma pa pag'é.” ’

Mateo 12:10

kaminda tabatin un hòmber ku un man mankaron. Pa haña algu pa akusá Hesus di dje, nan a puntr'É: ‘Ta pèrmití pa kura hende riba sabat?’

Marko 2:24

E fariseonan a bis'É: ‘Ata, wak nan! Riba dia di sabat no ta pèrmití loke bo disipelnan ta hasiendo.’

Marko 3:4

El a puntra e hendenan: ‘Kiko ta pèrmití riba dia di sabat? Hasi bon òf hasi malu? Salba bida di un hende òf akaso mata un hende?’ Nan a keda ketu.

Lukas 13:14

Ma e kabes di snoa ku tabata rabiá ku Hesus, pasobra El a kura hende riba dia di sabat, a bisa e multitut: ‘Tin seis dia pa hasi trabou. Bini riba un di e seis dianan ei pa haña sanashon i no riba sabat.’

Lukas 23:56

Despues nan a bai kas bèk bai prepará zeta i speserei pa hunta e kurpa kuné. Nan a sosegá nan kurpa riba sabat, manera lei tabata preskribí.

Lukas 6:2

Algun fariseo a bisa: ‘Pakiko boso ta hasi loke no ta pèrmití riba dia di sabat?’

Huan 1:19

Outoridat hudiu a manda saserdote i levita pa puntra Huan ta ken e ta. El a duna e siguiente testimonio.

Huan 5:11

E hòmber a rospondé: ‘T'esun ku a kura mi, a bisa mi kohe mi dragbar i kana.’

Huan 5:15

E ora ei e hòmber a bai bisa e outoridatnan hudiu ku ta Hesus tabata esun ku a kur'é.

Huan 5:16

Nan a kuminsá persiguí Hesus, pasobra E tabata hasi e tipo di kos ei riba sabat.

Huan 7:23

Awor si un mucha hòmber risibí sirkunsishon riba sabat pa no kibra ku lei di Moises, kon bini antó boso ta bira razu riba Mi, pasobra Mi a kura henter kurpa di un hende riba sabat?

Huan 9:16

Algun fariseo a bisa: ‘Ta imposibel ku e hòmber ku a hasi e kos ei por ta bini di Dios, pasobra e no ta tene su mes na sabat.’ Ma otro a bisa: ‘Kon un pekadó por hasi tipo di señal milagroso asina?’ Nan tabata den desakuerdo ku otro.