Huan 2:24 - Papiamentu Bible 2013

²⁴ Ma Hesus mes no ker a habri su mes pa nan, pasobra E tabata konosé kurason di tur hende.

Beibel na Papiamentu Koriente 2013

²⁴ Ma Hesus mes no ker a habri su mes pa nan, pasobra E tabata konosé kurason di tur hende.

Huan 2:24 Iomraidhean Croise

1 Reinan 8:39

skucha for di den shelu, kaminda Bo ta biba. Pordoná, aktua i trata kada hende segun su komportashon — no ta Bo so konosé kurason di tur hende?

1 Krónikanan 28:9

I abo, mi yu Salomon, rekonosé i stima e Dios di bo tata, sirbiÉ di henter bo alma i ku un kurason dispuesto, pasobra SEÑOR ta skrudiñá tur kurason i tur loke hende por pensa. Si bo busk'É, lo E laga bo hañ'É; pero si bo bandon'É, lo E rechasá bo pa semper.

1 Krónikanan 29:17

Mi sa, SEÑOR, ku Bo ta weta den kurason di hende i ku sinseridat ta agradá Bo mas ku tur kos. Mi a duna Bo tur e kosnan akí boluntariamente i ku un kurason sinsero. I ku alegria mi a weta kon bo pueblo ku ta aki presente spontáneamente a trese regalo pa Bo.

Yeremías 17:9

No tin nada mas engañoso ku kurason humano. No tin kura pa e malesa ei. Ken ta kapas di skrudiñ'é?

Mateo 9:4

Ora Hesus a mira kiko nan tabata pensa, El a bisa nan: ‘Pakiko boso ta pensa maldat?

Marko 2:8

Mesora Hesus a ripará kiko nan tabata pensa. El a bisa nan: ‘Pakiko boso ta pensa asina?

Huan 1:42

El a trese Simon serka Hesus i ora Hesus a mir'é, El a bis'é: ‘Abo ta Simon, yu di Huan; djawe padilanti lo bo yama “Kefas”.’ E nòmber ‘Kefas’ ke men meskos ku Pedro, esta ‘baranka’.

Huan 16:30

Awor nos sa ku Bo sa tur kos i ku no ta na nodi pa niun hende pidi Bo splikashon. Esaki ta pone nos kere ku Bo a bini di Dios.’

Huan 21:17

Despues Hesus a puntr'é pa di tres bia: ‘Simon, yu di Huan, bo ta stima Mi?’ Pedro a bira tristu, pasobra Hesus a puntr'é esei pa di tres bia. El a kontestá: ‘Señor, Bo sa tur kos; Bo sa ku mi ta stima Bo.’ Hesus a sigui bis'é: ‘Duna mi karnénan di kome!

Huan 4:16

Hesus a bisa e muhé: ‘Bai yama bo kasá i bini bèk aki.’

Huan 5:42

ma Mi sa ki tipo di hende boso ta; den boso kurason no tin amor pa Dios.

Huan 6:15

Hesus tabata sa ku nan tabatin intenshon di koh'É violentamente bai kunÉ pa hasiÉ rei. P'esei El a retirá atrobe den seru; El a keda e so.

Huan 6:64

Sinembargo tin algun di boso ku no ta kere.’ Loke ta pasa ta ku Hesus tabata sa di antemano ken ta esnan ku no ta kere i ken t'esun ku lo traishon'É.

Echonan 1:24

Nan a resa: ‘O Señor, Bo konosé kurason di tur hende. Mustra nos kua di e dosnan akí Bo a skohe

Echonan 15:8

Dios, ku konosé kurason di hende, a mustra su aprobashon dor di duna nan Spiritu Santu manera El a duna nos.

Deuteronomio 31:21

I ora kantidat di desaster i mala suerte suta nan, e kantika akí lo keda testiguá kontra nan, pasobra nan desendientenan lo keda kant'é. Pero Mi konosé e plannan ku nan tin kaba muchu bon, fo'i promé ku Mi hiba nan e pais ku Mi a primintí nan solemnemente.’

Hebreonan 4:13

Pa Dios niun kriatura no ta skondí. Dios ta mira tur kos manera nan ta den realidat. T'E nos mester duna kuenta.

Revelashon 2:23

Lo Mi mata su yunan. I tur e iglesianan lo sa ku ta Ami, Esun ku ta skrudiñá e pensamentunan i deseonan di mas skondí di hende. Lo Mi paga kada un di boso segun boso echonan.

1 Samuel 16:7

Pero SEÑOR a bisa Samuel: ‘No wak su aparensia ni su estatura altu, pasobra no ta e Mi ke. No ta importá loke hende ta mira, pasobra hende ta wak aparensia, Ami ta wak kurason.’