Huan 2:11 - Papiamentu Bible 2013

¹¹ Asin'akí Hesus a hasi su promé señal milagroso: ei na Kana di Galilea El a mustra su gloria i su disipelnan a kere den djE.

Beibel na Papiamentu Koriente 2013

¹¹ Asin'akí Hesus a hasi su promé señal milagroso: ei na Kana di Galilea El a mustra su gloria i su disipelnan a kere den djE.

Huan 2:11 Iomraidhean Croise

1 Reinan 17:24

E muhé a kontest'é: ‘Awor mi sa ku bo ta un hòmber di Dios i ku loke bo papia enberdat ta palabra di SEÑOR.’

Salmo 72:19

Alabá sea pa semper su nòmber glorioso; ku su fama yena henter mundu. Amèn, sí, amèn!

Salmo 96:3

Konta tur pueblo di su gloria, tur nashon di su gran maravianan,

Éksodo 14:31

Ora Israel a weta kon SEÑOR a mustra su gran poder kontra e egipsionan, nan tabata yen di rèspèt p'E i yen di konfiansa den djE i den su sirbidó Moises.

Éksodo 4:9

Pero si ningun di e dos milagernan akí no konvensé nan i nan keda sin skucha bo, saka poko awa for di riu Nilo i bash'é riba suela i e awa lo bira sanger.’

Predikador 9:7

Bai, kome bo pan ku satisfakshon i bebe bo biña, kurason kontentu, pasobra si un hende por hasi esaki, e tin Dios su bendishon mashá ten.

Isaías 40:5

E ora ei SEÑOR lo aparesé den tur su splendor i tur hende di mundu lo mir'É pareu.’ Ta SEÑOR mes a papia.

Malakías 2:2

boso mester duna Mi e honor ku ta pertenesé na Mi. Si boso no obedesé e mandamentu ei ni tum'é na serio,’ SEÑOR di universo ta bisa, ‘lo Mi manda desaster riba boso. Na lugá di privilegio Mi ta duna boso desaster. Mi ta hasiendo esei kaba, pasobra boso no ta tuma e mandamentu na serio.

Huan 1:14

E Palabra a bira hende i a bin biba meimei di nos. Nos a mira su gloria, e gloria ku e tin di Tata komo úniko Yu, yen di bondat i fieldat.

Huan 1:17

Ta asina ku a risibí lei via Moises; bondat i fieldat a bini pa medio di Hesu-Kristu.

Huan 1:43

Siguiente dia Hesus a disidí di bai Galilea. El a kontra Filipo i a bis'é: ‘Sigui Mi!’

Huan 1:50

Hesus a bis'é: ‘Pasobra Mi a bisa bo ku Mi a mira bo sintá bou di e palu di figo, bo ta pone bo fe den Mi? Lo bo mira kosnan hopi mas grandi ku esaki!

Huan 10:41

Hopi hende a bai serka djE i bisa: ‘Huan mes no tabata hasi ningun señal milagroso, ma tur loke el a bisa tokante e hòmber akí ta palabra bèrdat.’

Huan 11:15

ma Mi ta kontentu pa boso ku Mi no tabata serka dje, p'asina boso kere. Ban serka dje.’

Huan 11:47

Esei a pone ku saserdotenan importante i fariseonan a reuní ku Konseho Supremo i bisa: ‘E hòmber akí ta hasi hopi milager i nos, kiko nos mester hasi?

Huan 12:18

P'esei un multitut a sali bai kontr'É, esta pasobra nan a tende ku El a hasi e señal milagroso ei.

Huan 12:37

Ounke El a hasi hopi señal milagroso den nan presensia, nan no a kere den djE.

Huan 12:41

Isaías a bisa asina, pasobra el a mira gloria di Hesus i papia di djE.

Huan 14:13

Kiko ku boso pidi den mi nòmber lo Mi hasi, ya asin'ei e Yu ta mustra gloria di Tata.

Huan 16:27

Pasobra Tata mes ta stima boso, ya ku boso a stima Mi i a kere ku Mi a bini di Dios.

Huan 16:30

Awor nos sa ku Bo sa tur kos i ku no ta na nodi pa niun hende pidi Bo splikashon. Esaki ta pone nos kere ku Bo a bini di Dios.’

Huan 2:1

Dos dia despues ku Hesus a topa Natanaèl, tabatin un kasamentu na Kana di Galilea. Hesus su mama tabata na e kasamentu.

Huan 2:23

E dianan ku Hesus tabata na Herusalèm durante fiesta di Pésag, hopi hende ku a mir'É hasi señal milagroso a pone nan fe den djE.

Huan 3:2

Un anochi el a bai serka Hesus i bis'É: ‘Rabi, nos sa ku Dios a manda bo pa siña nos. Niun hende no por hasi e señalnan milagroso ku bo ta hasi, si Dios no ta huntu kuné.’

Huan 4:3

Ora Hesus a haña sa loke a yega na orea di e fariseonan, El a sali for di Hudea i regresá Galilea.

Huan 4:46

Asina Hesus a bolbe yega Kana na Galilea, kaminda El a yega di kambia awa den biña. Aya tabatin un ofisial di gobièrnu, ku tabatin un yu malu na Kafárnao.

Huan 4:54

Esaki tabata e di dos señal milagroso ku Hesus a hasi, ora El a regresá Galilea for di Hudea.

Huan 5:23

Ya asina tur hende ta honra e Yu, manera nan ta honra Tata. Es ku no ta honra e Yu no ta honra Tata ku a mand'É tampoko.’

Huan 6:14

Ora e hendenan a mira e señal milagroso ku a tuma lugá, nan a bisa: ‘Enberdat, t'e hòmber akí ta e profeta ku mester a bini na mundu!’

Huan 6:2

Un multitut grandi a siguiÉ, pasobra nan a mira e señalnan milagroso ku El a hasi ku e enfermonan.

Huan 6:26

Hesus a kontestá nan: ‘Mi ta sigurá boso: boso no ta buska Mi pasobra boso a komprondé e señalnan milagroso, ma pasobra boso a kome pan i yena boso barika.

Huan 6:30

Nan a kontestá: ‘Kua señal milagroso bo ta bai hasi antó, pa nos mira i pa nos kere den bo? Ki obra bo ta bai hasi?

Huan 7:31

Hopi hende den e multitut a kere den djE; nan a bisa: ‘Akaso e Mesias, ora e bini, lo por hasi mas señal milagroso ku e hòmber akí a hasi?’

Huan 9:16

Algun fariseo a bisa: ‘Ta imposibel ku e hòmber ku a hasi e kos ei por ta bini di Dios, pasobra e no ta tene su mes na sabat.’ Ma otro a bisa: ‘Kon un pekadó por hasi tipo di señal milagroso asina?’ Nan tabata den desakuerdo ku otro.

2 Korintionan 3:18

Nos tur, sin tin nada pa tapa nos kara, ta mira gloria di Señor manera den un spil i nos ta keda transformá den loke nos ta mira den e spil; nos ta haña mas i mas gloria pa medio di Spiritu di Dios.

2 Korintionan 4:17

E sufrimentu ku nos ta pasa den e bida akí, ta pasahero i no ta pisá, pero e ta trese komo resultado un gloria sin límite i duradero pa nos.

2 Korintionan 4:6

Dios ku a bisa: ‘Lus lo bria for di skuridat,’ ta e mesun Dios ku a pone su lus bria den nos kurason pa nos por lusa otro hende su bida, ora nos laga nan konosé gloria di Dios ku ta bria for di kara di Hesus.

Deuteronomio 5:24

“Mira, SEÑOR, nos Dios, a laga nos mira su grandesa i su gran splendor i nos a tende su stèm for di meimei di e kandela; awe nos a eksperensiá ku hende por keda na bida maske Dios a papia kuné.

1 Huan 5:13

Mi ta skibi boso e kosnan akí, pa boso sa sigur ku boso tin bida eterno, boso ku a pone boso konfiansa den e Yu di Dios.