Huan 19:30 - Papiamentu Bible 2013

³⁰ Hesus a bebe e biña i bisa: ‘Ta kumplí!’ Despues El a baha su kabes i entregá su spiritu.

Beibel na Papiamentu Koriente 2013

³⁰ Hesus a bebe e biña i bisa: ‘Ta kumplí!’ Despues El a baha su kabes i entregá su spiritu.

Huan 19:30 Iomraidhean Croise

Génesis 3:15

Lo mi trese enemistat entre abo i e muhé, entre bo desendensia i esun di dje. Desendensia di e muhé lo machiká bo kabes i abo lo morde su hilchi di pia.’

Salmo 22:15

Mi shel'i boka ta seku seku manera wea di klei garná; mi lenga ta pegá den mi boka, Bo a pone mi sosegá den stòf di morto.

Isaías 53:10

Pero SEÑOR ker a kibr'é, p'esei El a pon'é sufri. Ya komo el a paga ku su bida pa piká, lo e tin bida largu i mira su desendientenan. Dios lo us'é pa realisá su plan!

Isaías 53:12

P'esei Mi ta dun'é un lugá meimei dje grandinan i l'e triunfá huntu ku poderosonan, pasobra el a entregá su bida te na morto i laga nan tum'é pa malbado, ora en realidat el a tuma piká di hopi hende riba su lomba i a boga pa pekadónan.’

Daniel 9:24

Un temporada di setenta siman ta fihá pa bo pueblo i pa bo siudat santu. E temporada ei ta nesesario pa kaba ku rebeldia, pa pone fin na piká, pa realisá pordon di maldat, pa establesé hustisia pa semper, pa e vishon i e profesia keda kumplí i pa konsagrá algu ku ta mashá sagrado.

Daniel 9:26

Despues di e sesentidos simannan nan ta kita bida di un hende konsagrá, sin ku e tabata kulpabel. I un lider lo bini ku su ehérsito i destruí e siudat i e tèmpel. E fin lo yega manera un inundashon i guera ku destrukshon lo sigui te na final, manera tabata determiná.

Zakarías 13:7

SEÑOR soberano ta deklará: ‘Spada, lanta kontra mi wardadó, e hòmber mas yegá na Mi. Mat'é, e ora ei e karnénan lo plama fo'i otro. Mi mes ta bai lanta, asta kontra esun di mas chikí den nan tambe.’

Mateo 20:28

Meskos ku Yu di hende no a bini pa hende sirbiÉ ma pa E sirbi nan i pa E entregá su bida pa liberashon di hopi hende.’

Mateo 27:50

Hesus a bolbe dal un gritu duru, i a entregá su spiritu.

Mateo 3:15

Ma Hesus a kontest'é: ‘Laga bai asina numa, pasobra ta di e forma akí nos mester kumpli ku tur loke ta boluntat di Dios.’ E ora ei Huan a batisá Hesus numa.

Marko 15:37

Hesus a dal un gritu duru, muri.

Lukas 22:37

Mi ta bisa boso, e Skritura ku ta bisa: “Nan a tum'É pa un kriminal” mester keda kumplí den mi bida, pasobra loke ta skibí di Mi, ta bira realidat.’

Lukas 23:46

Hesus a dal un gritu duru: ‘Tata, den bo man Mi ta entregá mi spiritu.’ Despues di e palabranan akí El a muri.

Huan 10:11

Ami ta e bon wardadó; un bon wardadó ta entregá su bida pa su karnénan.

Huan 10:18

Niun hende no ta kita mi bida for di Mi; Mi ta entreg'é di mi mes boluntat. Mi tin poder pa entreg'é i poder pa tum'é bèk. T'esaki mi Tata a manda Mi hasi.’

Huan 17:4

Mi a glorifiká Bo riba mundu; Mi a terminá e trabou ku Abo a duna Mi pa hasi.

Huan 19:28

Despues di esei Hesus tabata sa ku tur kos tabata kumplí. Pa kumpli ku Skritura, El a bisa: ‘Mi tin set!’

Huan 4:34

Ma Hesus a bisa nan: ‘Mi kuminda ta: kumpli ku boluntat di Esun ku a manda Mi i kompletá e trabou ku El a enkargá Mi.

Romanonan 10:4

pasobra Kristu a duna Lei su berdadero nifikashon pa tur hende ku kere keda aseptá komo hustu.

Romanonan 3:25

Dios a hasi Kristu instrumento di pordon dor di lag'É drama su sanger. I e pordon ei nos ta alkansá pa medio di fe. Di e forma akí Dios ker a mustra kon hustu E ta dor di pordoná nos pikánan di ántes,

1 Korintionan 5:7

P'esei tira e zürdeg bieu di piká afó, pa boso por bira pan trahá di mansa nobo, sin zürdeg. Enberdat boso ta manera e pan sin zürdeg ku ta kome durante Fiesta di Pésag, pasobra Kristu, nos lamchi di Pésag, a keda sakrifiká.

Filipensenan 2:8

El a humiliá su mes i a bira obedesidu te na morto, sí, morto na krus.

Hebreonan 12:2

Laga nos tene nos bista fihá riba Hesus, ku a bai nos dilanti riba e kaminda di fe i ku lo hiba nos tambe na final di e kaminda. Hesus a sufri na krus, sin a sinti bèrgwensa di e morto akí, pasobra E tabata sa ku despues di e sufrimentu akí lo El a haña alegria; i awor E ta sintá na man drechi di trono di Dios.

Hebreonan 9:22

Segun lei ta purifiká tur kos ku sanger; sin dramamentu di sanger no tin pordon.