Huan 19:28 - Papiamentu Bible 2013

²⁸ Despues di esei Hesus tabata sa ku tur kos tabata kumplí. Pa kumpli ku Skritura, El a bisa: ‘Mi tin set!’

Beibel na Papiamentu Koriente 2013

²⁸ Despues di esei Hesus tabata sa ku tur kos tabata kumplí. Pa kumpli ku Skritura, El a bisa: ‘Mi tin set!’

Huan 19:28 Iomraidhean Croise

Salmo 22:15

Mi shel'i boka ta seku seku manera wea di klei garná; mi lenga ta pegá den mi boka, Bo a pone mi sosegá den stòf di morto.

Salmo 69:21

Den mi kuminda nan a bruha venenu, pa mi set nan a duna mi binager.

Lukas 12:50

Mi tin ku risibí un boutismo di sufrimentu i Mi ta keda den ansha, te ora e tuma lugá.

Lukas 18:31

Hesus a hala e diesdos disipelnan un banda i bisa nan: ‘Nos ta bai subi yega Herusalèm i tur loke e profetanan a skibi lo bira realidat pa Yu di hende.

Lukas 22:37

Mi ta bisa boso, e Skritura ku ta bisa: “Nan a tum'É pa un kriminal” mester keda kumplí den mi bida, pasobra loke ta skibí di Mi, ta bira realidat.’

Lukas 9:31

ku a aparesé den gloria. Nan tabata kombersá kunÉ tokante kon e ta bai bandoná e mundu akí na Herusalèm.

Huan 13:1

Fiesta di Pésag tabata serka i Hesus tabata sa ku su ora a yega pa bai laga e mundu akí i bai serka su Tata. Te na final El a sigui mustra su amor pa esnan ku riba e mundu akí tabata pertenesé n'E.

Huan 17:4

Mi a glorifiká Bo riba mundu; Mi a terminá e trabou ku Abo a duna Mi pa hasi.

Huan 18:4

Hesus, ku tabata sa tur kos ku lo a bai sosodé kunÉ, a kana bini dilanti i puntra nan: ‘Ken boso ta buska?’

Huan 19:24

P'esei nan a bisa otro: ‘Laga nos no sker e, ma tira lòt, wak ken ta gan'é.’ Asin'ei anto e palabranan di Skritura a keda kumplí: ‘Parti nan a parti mi pañanan entre nan i a tira lòt pa mi bistí.’ I esei ta loke e sòldánan a hasi.

Huan 19:30

Hesus a bebe e biña i bisa: ‘Ta kumplí!’ Despues El a baha su kabes i entregá su spiritu.

Huan 19:36

E kosnan akí a sosodé pa Skritura keda kumplí: ‘Lo no kibra niun di su wesunan!’

Huan 4:34

Ma Hesus a bisa nan: ‘Mi kuminda ta: kumpli ku boluntat di Esun ku a manda Mi i kompletá e trabou ku El a enkargá Mi.

Echonan 13:29

Despues ku nan a hasi tur loke Skritura a bisa di djE, nan a bah'É for di krus i pon'É den un graf.