Huan 14:6 - Papiamentu Bible 2013

⁶ Hesus a kontest'é: ‘Ami ta e kaminda, bèrdat i bida; niun hende no por yega serka Tata, si no ta pa medio di Mi.

Beibel na Papiamentu Koriente 2013

⁶ Hesus a kontest'é: ‘Ami ta e kaminda, bèrdat i bida; niun hende no por yega serka Tata, si no ta pa medio di Mi.

Huan 14:6 Iomraidhean Croise

Mateo 11:27

Tur kos mi Tata a duna Mi. Niun hende no konosé e Yu, sino ta Tata so; ni niun hende no konosé e Tata, sino e Yu so i esnan ku e Yu ke laga konosé e Tata.

Huan 1:14

E Palabra a bira hende i a bin biba meimei di nos. Nos a mira su gloria, e gloria ku e tin di Tata komo úniko Yu, yen di bondat i fieldat.

Huan 1:17

Ta asina ku a risibí lei via Moises; bondat i fieldat a bini pa medio di Hesu-Kristu.

Huan 1:4

Den djE tabatin bida i e bida akí tabata lus pa hende.

Huan 10:28

Ami ta duna nan bida eterno i nunka nan lo no bai pèrdí; niun hende no por ranka nan kita for di mi man.

Huan 10:7

Hesus a sigui bisa: ‘Mi ta sigurá boso: Ami ta e porta pa e karnénan.

Huan 10:9

Ami ta e porta; ken ku drenta paden via Ami, lo haña salbashon; lo e drenta paden i ora e sali, e ta haña kunuku di yerba bèrdè.

Huan 14:19

Djis poko tempu mas i mundu no ta mira Mi, ma boso sí lo mira Mi. Pasobra Mi ta biba, boso tambe lo biba.

Huan 15:1

Ami ta e mata di wendrùif berdadero i mi Tata ta e vitó.

Huan 18:37

Pilato a bis'É: ‘Ke men, tòg bo ta rei antó?’ Hesus a kontest'é: ‘Manera bo di: Mi ta rei. Mi a nase i a bini na mundu pa un motibu: pa testiguá na fabor di bèrdat. Tur hende ku ta pertenesé na bèrdat ta skucha mi stèm.’

Huan 5:21

Meskos ku Tata ta lanta morto duna nan bida, asin'ei tambe su Yu ta duna esun ku E ke bida.

Huan 6:33

Pasobra e pan ku Dios ta duna, ta baha for di shelu i ta duna mundu bida.’

Huan 6:51

Ami ta e pan bibu ku a baha for di shelu. Si un hende kome e pan akí, e ta biba pa semper. E pan ku Ami lo duna ta mi mes karni, ku Mi ta duna pa mundu haña bida!’

Huan 6:57

Esun ku kome Mi ta biba pa medio di Mi, pasobra Tata ku a manda Mi tin bida i Ami ta biba, pasobra E ta biba.

Huan 6:68

Simon Pedro a kontestá: ‘Señor, serka ken nos tin ku bai? Abo tin e palabranan ku ta duna bida eterno!

Huan 8:32

Boso lo konosé e bèrdat i e bèrdat lo hasi boso liber.’

Huan 8:51

Mi ta sigurá boso: si un hende obedesé mi palabranan, lo e no mira morto nunka.’

Echonan 3:15

Boso a mata Esun ku a bai nos dilanti riba e kaminda di bida, ma Dios a lant'É for di morto; di esei nos ta testigu.

Echonan 4:12

Den djE so por haña salbashon; riba mundu no tin niun otro nòmber duná na hende, ku por salba nos.’

Echonan 9:2

i pidi karta di referensia pa e snoanan na Damasko, ya si e haña kualke hende ku ta sigui e Rumbo Nobo, sea hòmber òf muhé, e por hiba nan prezu Herusalèm.

Romanonan 15:16

Dios a destiná mi pa sirbi Kristu-Hesus serka e no hudiunan. E sirbishi saserdotal ku mi ta duna ta enserá proklamashon di e bon notisia di Dios, ku e meta pa presentá esnan no hudiu komo un ofrenda agradabel na Dios, santifiká pa Spiritu Santu.

Romanonan 5:2

Hesu-Kristu a duna nos akseso na grasia di Dios ku nos a aseptá ku fe i ku ta duna firmesa na nos bida, i nos ta broma ku e speransa di tuma parti na e gloria ku Dios lo duna.

Romanonan 5:21

Ke men anto, meskos ku piká a reina dor di trese morto, asin'ei grasia di Dios lo reina dor ku Dios ta aseptá hende pa medio di nos Señor Hesu-Kristu, pa duna nan bida eterno.

1 Korintionan 15:45

Asin'akí Skritura ta bisa: ‘E promé hende, Adam, a bira un hende ku bida,’ pero e último Adam a bira un spiritu ku ta duna bida!

Efesionan 2:18

Pasobra pa medio di djE nos tur por yega serka Tata dor di e mesun Spiritu.

Kolosensenan 2:17

E kosnan ei no ta nada mas ku sombra di e kosnan ku tin ku bini; nan ta djis representashon di e realidat ku tin den Kristu.

Kolosensenan 2:9

Pasobra Dios su naturalesa dibino ta kompletamente presente den Kristu su kurpa físiko

Kolosensenan 3:4

Boso bida real ta Kristu mes i ora E bini bèk, boso tambe lo aparesé huntu kunÉ i kompartí su gloria.

Hebreonan 7:25

P'esei pa semper E por salba esnan ku ta aserká Dios pa medio di djE, pasobra E ta biba pa semper pa boga pa nan serka Dios.

Hebreonan 9:8

Ku esaki Spiritu Santu ta duna di komprondé na un manera bon kla ku e entrada pa e santuario berdadero no ta habrí ainda tanten ta usa e promé tènt.

1 Pedro 1:21

Pa medio di djE boso ta kere den Dios ku a lant'É for di morto i glorifik'É. P'esei boso ta kere den Dios i spera riba djE.

1 Pedro 2:4

Bini serka djE. E ta e piedra bibu ku hende a rechasá, pero ku Dios a skohe komo piedra balioso.

1 Pedro 3:18

Pasobra Kristu a muri un bia i pa semper pa nos pikánan; E tabata un hende hustu ku a muri pa hende inhustu pa E por hiba boso serka Dios. Komo hende El a muri, pero pa medio di Spiritu Santu El a haña bida.

1 Huan 1:8

Si nos ta bisa ku nos no tin piká, ta nos mes nos ta gaña i nos no tin bèrdat den nos.

1 Huan 2:23

Pasobra esun ku nenga e Yu no tin e Tata tampoko; esun ku deklará su mes na fabor di e Yu, tin e Tata tambe.

1 Huan 5:20

Pero nos sa ku Yu di Dios a bini i ku El a duna nos komprondementu pa nos konosé Esun berdadero. Nos ta biba den komunion ku Esun berdadero, pasobra nos ta den komunion ku su Yu, Hesu-Kristu. E ta e Dios berdadero i E ta bida eterno.

1 Huan 5:6

E mesun persona ku a pasa den awa di boutismo a drama su sanger tambe, esta Hesu-Kristu. No ta awa so, sino awa i sanger. Spiritu di Dios mes ta testiguá ku esei ta bèrdat, pasobra e Spiritu ta e bèrdat.

2 Huan 1:9

Esun ku ke bai mas ayá di loke Kristu a siña, no tin Dios; pero esun ku aten'é na su siñansa, tin tantu e Tata komo e Yu.

Revelashon 1:5

i di Hesu-Kristu, testigu konfiabel, Esun promé ku a lanta for di morto i gobernador apsoluto di e reinan di mundu. E ta stima nos i a drama su sanger pa liberá nos di nos piká.

Revelashon 19:11

Mi a mira shelu habrí. A aparesé un kabai blanku, i Esun ku yama fidedigno i konfiabel i ku ta husga i lucha hustamente, tabata kor'é.

Revelashon 20:15

A benta tur esnan ku nan nòmber no tabata den e buki di bida, den e lago di kandela.

Revelashon 22:1

E ora ei e angel a mustra mi un riu ku awa ku ta duna bida, un awa kla manera kristal; e riu a kuminsá na trono di Dios i di e Lamchi.

Revelashon 22:17

Spiritu di Dios i brùit ta bisa: ‘Bini!’ I es ku tende esei, bisa tambe: ‘Bini!’ I es ku tin set, bini numa; i es ku ke awa ku ta duna bida, bini numa i tum'é, pòrnada.

Revelashon 3:14

Skibi e angel di iglesia na Laodisea lo siguiente: Esun ku yama Amèn, e testigu ku bo por kere i konfia, orígen di Dios su kreashon, ta bisa:

Revelashon 3:7

Skibi e angel di iglesia na Filadelfia lo siguiente: Esun ku ta santu i konfiabel, ku tin e yabi di David; loke E habri, ningun hende no por sera, loke E sera, ningun hende no por habri, E ta bisa: