Génesis 41:49 - Papiamentu Bible 2013

⁴⁹ Jozef tabata rekohé trigo komo si fuera tabata santu di laman, mashá hopi mes. Nan a stòp di kalkulá loke nan tabatin na stòk, pasobra no tabata kos di kalkulá mas.

Beibel na Papiamentu Koriente 2013

⁴⁹ Jozef tabata rekohé trigo komo si fuera tabata santu di laman, mashá hopi mes. Nan a stòp di kalkulá loke nan tabatin na stòk, pasobra no tabata kos di kalkulá mas.

Génesis 41:49 Iomraidhean Croise

Génesis 41:48

Jozef a rekohé tur loke a krese e shete añanan ei na Egipto i a warda nan na e siudatnan. Den kada siudat e tabata warda e kosecha di e kunukunan eibanda.

Génesis 41:50

Promé ku e añanan di skarsedat a kuminsá, Jozef su kasá Asnat, a haña dos yu hòmber.

Job 1:3

E tabata doño tambe di 7000 karné, 3000 kamel, 500 par di bue mará na yugo, 500 buriku muhé i hopi hende den su servisio. E tabata e hòmber di mas prestigio den e habitantenan di ost.

Salmo 78:27

El a laga karni yobe riba nan manera stòf, mes tantu para ku tin santu na laman.

Yeremías 33:22

Mi ta bai laga e kantidat di desendiente di David i e desendientenan di Levi, ku ta sirbi Mi komo saserdote, oumentá asina tantu, ku ta bira imposibel konta nan, mes imposibel ku konta strea na shelu òf pipit'i santu kant'i laman.’

Huesnan 6:5

Nan tabata bini ku nan tèntnan i nan bestianan. Nan tabata asina tantu ku por a kompará nan ku plaga di dalakochi. No por a konta ni e hendenan ni nan kamelnan. Nan tabata drenta e pais i destruí tur kos.

Huesnan 7:12

E midianitanan, e amalekitanan i e pueblonan di oriente a lanta nan kampamentu i a plama den e vaye manera trupa grandi di dalakochi. No por a konta nan kamelnan; nan tabata mes tantu ku santu di laman.

1 Samuel 13:5

E filisteonan di nan banda a bini huntu pa bringa kontra e israelitanan. Nan tabatin 30.000 garoshi di guera, 6000 sòldá di kabayeria i un infanteria di un kantidat mes numeroso ku santu di laman. Nan a kohe kaminda pa Mikmas, na ost di Bet-Awèn, i aya nan a lanta nan kampamentu.