Génesis 37:8 - Papiamentu Bible 2013

⁸ E ora ei su rumannan a kontest'é: ‘Bisa bo ke bisa nos ku bo ta bai bira nos rei i ku bo ta bai goberná nos?’ I nan a haña mas rabia ainda pa motibu dje soñonan i pa e manera ku e tabata konta nan.

Beibel na Papiamentu Koriente 2013

⁸ E ora ei su rumannan a kontest'é: ‘Bisa bo ke bisa nos ku bo ta bai bira nos rei i ku bo ta bai goberná nos?’ I nan a haña mas rabia ainda pa motibu dje soñonan i pa e manera ku e tabata konta nan.

Génesis 37:8 Iomraidhean Croise

Génesis 27:41

Pa motibu di e bendishon Esou a haña mal rabia riba Yakob. El a pensa: ‘Tòg mi tata lo no tarda pa muri, asina e muri mi ta mata mi ruman Yakob.’

Génesis 37:4

Ora Jozef su rumannan a ripará ku nan tata tabata stim'é mas ku nan, nan a kuminsá haña rabia riba dje i nan no tabata ni sikiera kumind'é.

Génesis 37:9

Despues Jozef a bolbe soña, i esaki tambe el a konta su rumannan. El a bisa nan: ‘Boso ke kere ku mi a bolbe soña i ku den mi soño mi a mira solo, luna i diesun strea ta bùig pa mi?’

Génesis 42:10

‘Nò, señor!’ nan a kontestá, ‘Ta pa kumpra kuminda bo sirbidónan a bini.

Génesis 44:18

E ora ei Huda a aserká Jozef i a bis'é: ‘Shon, bo ta pareu di fárao, mi ta roga bo laga mi bisa algu sin pone bo rabia.

Génesis 49:26

Bo tata a bendishoná bo mas ku mi antepasadonan a bendishoná mi. Te na fin di e serunan eterno e bendishonnan akí lo ta riba bo kabes, abo, ku Dios a skohe for di bo rumannan.

Génesis 50:18

Despues su rumannan mes tambe a bini, nan a bùig te na suela su dilanti, i a bis'é: ‘Ata nos akí, nos ta bo katibu.’

Salmo 118:22

E piedra, rechasá p'e trahadónan, esei a bira piedra prinsipal;

Éksodo 2:14

Esaki a kontestá: ‘Ta ken a nombra bo hefe i hues riba nos? Akaso bo ta pensa di mata mi meskos ku bo a mata e egipsio?’ Moises a spanta. El a pensa: ‘Até! Nan a haña sa!’

Lukas 19:14

Ma algun di su kompatriotanan tabatin rabia riba dje i nan a manda un delegashon e pais kaminda e tabata, pa bisa: “Nos no ke pa e bira nos rei!”

Lukas 20:17

Ma Hesus a mira nan i bisa: ‘Kiko e siguiente Skritura ta nifiká anto: E piedra ku e trahadónan a rechasá, a bira piedra prinsipal.

Echonan 7:35

Ounke e Israelitanan a rechasá Moises i puntra: “Ken a pone bo komo hefe i hues riba nos?”, ta é Dios a manda komo hefe i libertador, pa medio di e angel ku a aparesé n'e den e mata ku tabata na kandela.

Deuteronomio 33:16

ku lo mihó di mundu i di loke ta yena mundu i ku e agrado di Esun ku a aparesé den mata di sumpiña. Mare e bendishon akí baha riba Jozef, esun ku Dios a skohe for di su rumannan.

Hebreonan 10:29

Kiko lo sosodé antó ku esun ku ta despresiá Yu di Dios? Ku ta menospresiá sanger di e aliansa ku Dios a santifik'é kuné? Ku ta ofendé Spiritu ku a dun'é grasia? Boso no ta kere ku lo e haña un kastigu muchu mas pisá?

1 Samuel 10:27

Pero buskadónan di tròbel a laga sa: ‘T'esun akí lo bai salba nos?’ Nan a menospresi'é i no a honr'é ku regalo, pero Saul a hunga kèns.

1 Samuel 17:28

Eliab, e ruman mayó di David, a rabia mashá ora el a tende David papia ku e hòmbernan i el a bis'é: ‘Kiko bo a baha bin hasi aki? Serka ken bo a laga e par di karnénan ku a keda aya den desierto? Mi sa kon fresku i falsu bo ta. Ta djis pa bo wak nos bringa bo a bini!’

1 Samuel 18:8

Saul a keda mashá malkontentu; e no a gusta e palabranan akí i el a pensa: ‘Nan ta bisa ku David a mata míles i míles di hòmber pero ku ami a mata míles so. Awor falta solamente pa nan hasié rei!’