Génesis 34:27 - Papiamentu Bible 2013

²⁷ E otro yunan di Yakob tambe a yega, nan a bai hòrta propiedat di e mortonan i a sakia e siudat pa asina venga loke a pasa nan ruman Dina.

Beibel na Papiamentu Koriente 2013

²⁷ E otro yunan di Yakob tambe a yega, nan a bai hòrta propiedat di e mortonan i a sakia e siudat pa asina venga loke a pasa nan ruman Dina.

Génesis 34:27 Iomraidhean Croise

Génesis 34:2

Ora Shikem, yu di Hamor e hiwita, hefe di e lugá, a mira Dina, el a bai ku Dina kontra Dina su gustu i a viol'é.

Génesis 34:26

Hamor i su yu Shikem tambe nan a mata ku spada; despues nan a saka Dina for di kas di Shikem i a bai kuné.

Génesis 34:28

Nan a bai ku e karnénan, e bakanan i e burikunan i tur loke tabatin den e siudat i den kunuku;

Génesis 34:31

Pero nan a kontestá: ‘E tabatin derechi di trata nos ruman muhé manera prostituta antó?’

Ester 9:10

e dies yu hòmbernan di Haman, yu di Hamdata, i enemigu di hudiunan. Pero e hudiunan no a mishi ku nan propiedat sí.

Ester 9:16

E hudiunan ku tabata biba otro kaminda den e provinsianan di e reino a reuní riba dia diestres di luna di Adar, pa nan defendé nan bida. Asina nan a skapa di nan enemigunan. Nan a mata 75.000 enemigu sin mishi ku nan propiedat. Dia dieskuater nan a sosegá i nan a hasi e dia ei un dia di komementu i di alegria.

Éksodo 2:14

Esaki a kontestá: ‘Ta ken a nombra bo hefe i hues riba nos? Akaso bo ta pensa di mata mi meskos ku bo a mata e egipsio?’ Moises a spanta. El a pensa: ‘Até! Nan a haña sa!’

Ezekiel 39:10

Nan no tin nodi di bai buska palu den kunuku òf kap palu den boske, pasobra ku e ophetonan di guera ei nan ta tene nan kandela sendé. Na nan turno nan lo hòrta i sakia esnan ku a hòrta i sakia nan. Esei Ami, SEÑOR Dios, ta bisa.

Amos 3:11

P'esei Ami, SEÑOR Dios, ta anunsiá e hendenan di Samaria lo siguiente: Un enemigu lo rondoná boso pais, basha boso fòrtinan abou i hòrta tur loke tin den boso mansionnan.’

1 Timoteo 6:10

Pasobra amor pa plaka ta rais di tur sorto di maldat. Tin hende ku tabata asina haragan pa plaka ku nan a desviá di fe i kousa nan mes kurason tur sorto di doló.

Yozue 7:1

E israelitanan no a atené nan na e òrdu di SEÑOR. Un di nan, Akan, a hòrta algun di e kosnan ku nan mester a konsagrá na SEÑOR. P'esei SEÑOR a bira furioso riba e israelitanan. Akan tabata yu di Karmi, ñetu di Zabdi i bisañetu di Zèrag. E tabata pertenesé na tribu di Huda.

Yozue 7:13

Lanta i bisa e pueblo pa nan reuní. Duna nan òrdu pa prepará nan mes pa presentá mañan Mi dilanti, pasobra Ami, SEÑOR i Dios di Israel, ke bisa nan lo siguiente: “Israelitanan, boso a kohe for di e kosnan ku Mi a duna boso òrdu pa konsagrá na Mi. Si boso no deshasí di nan, boso lo no por resistí kontra boso enemigunan.”

Yozue 7:21

den e kosnan ku nos a kapturá, mi a mira un mantel di Babilonia mashá bunita, 200 moneda di plata i un bara di oro ku tabata pisa mas di mei kilo. Mi tabatin gana di nan i mi a bai ku nan. Mi a skonde nan den tera bou di mi tènt; e monedanan di plata mi a pone te abou.’