Génesis 17:13 - Papiamentu Bible 2013

¹³ Sin eksepshon nan tur mester risibí sirkunsishon. Asina mi aliansa lo keda marká den boso kueru komo un aliansa eterno.

Beibel na Papiamentu Koriente 2013

¹³ Sin eksepshon nan tur mester risibí sirkunsishon. Asina mi aliansa lo keda marká den boso kueru komo un aliansa eterno.

Génesis 17:13 Iomraidhean Croise

Génesis 14:14

Ora Abram a tende ku nan a kohe su subrina prezu el a reuní e hòmbernan ku a nase serka dje i ku por a usa arma. Nan tabata 318 na tur. Ku nan el a sali persiguí e reinan te na e siudat Dan.

Génesis 17:7

Esaki ta e aliansa ku pa semper Mi ta sera ku bo i ku tur bo desendientenan benidero. Lo Mi ta bo Dios i Dios di bo desendientenan.

Génesis 37:27

Mihó nos bend'é ku e ismaelitanan i no mat'é, pasobra al fin i al kabo ta nos ruman, nos mes sanger e ta.’ E rumannan a bai di akuerdo.

Génesis 37:36

Na Egipto e midianitanan a bende Jozef ku un hòmber yamá Potifar. Potifar tabata funshonario di fárao, rei di Egipto, i tabata hefe di su guardia personal.

Génesis 39:1

Dia nan a hiba Jozef Egipto, un egipsio yamá Potifar a kumpra Jozef serka e ismaelitanan ku a hib'é aya. Potifar tabata traha na korte di fárao komo hefe di su guardia personal.

Génesis 9:16

Ora e regenbog aparesé den nubia, Mi ta mir'é i kòrda riba e aliansa ku Mi a sera pa semper ku tur hende i ku tur bestia na mundu.’

Nehemías 5:5

Nos ta pertenesé na e mes pueblo ku nos paisanonan. No tin diferensia entre nan yunan i nos yunan, tòg nos mester laga nos yunan bira katibu. Asta humiliá nan a humiliá algun di nos yu muhénan kaba dor di hasi nan katibu. I nos no por hasi nada kontra di esei, pasobra nos kunukunan di trigo i di wendrùif ta den man di otro hende.’

Nehemías 5:8

Mi a bisa nan: ‘Te kaminda nos tabata por, nos a kumpra nos paisanonan liber, esta hudiunan ku nan a bende ku nashonnan pagano. Anto awor boso ta obligá nan bolbe bende nan mes ku nan paisanonan!’ Nan a keda ketu, nan no por a kontestá.

Éksodo 12:44

Un katibu ku bo a kumpra sí por tuma parti, basta bo a lag'é risibí sirkunsishon.

Éksodo 21:16

Si un hende usa violensia pa kita libertat di un otro hende, sea ku el a bend'é kaba òf ku e tin e den su poder ainda, e hende ei mester haña kastigu di morto.

Éksodo 21:2

Ora bo kumpra un katibu hebreo, e mester sirbi bo seis aña, pero e di shete aña bo mester lag'é liber sin ku e tin nada di paga.

Éksodo 21:4

Si su shon a dun'é un esposa i e katibu tin yu ku e muhé, e muhé i yunan ta keda propiedat di e shon. E ora ei e katibu mester bai e so.

Levítiko 22:11

Pero si e saserdote kumpra un katibu ku su mes plaka, esaki por kome for di e kuminda destiná pa e saserdote; meskos e katibu ku a nase den kas di e saserdote.

Mateo 18:25

Komo ku e hòmber no por a paga su debe, rei a duna òrdu pa bend'é, ku kasá ku yu, ku tur su propiedat.