Génesis 10:5 - Papiamentu Bible 2013

⁵ Nan desendientenan a plama i a bai biba na kosta i riba e islanan; kada nashon i kada tribu a bai biba den su mes tera i tabatin su mes idioma.

Beibel na Papiamentu Koriente 2013

⁵ Nan desendientenan a plama i a bai biba na kosta i riba e islanan; kada nashon i kada tribu a bai biba den su mes tera i tabatin su mes idioma.

Génesis 10:5 Iomraidhean Croise

Génesis 10:20

Esakinan tabata desendiente di Ham. Kada nashon i tribu den su mes tera, ku su mes idioma.

Génesis 10:25

Despues Ebèr tabatin dos yu hòmber: un tabata yama Pèlèg. Tempu di Pèlèg, e hendenan a plama for di otro. E ruman di Pèlèg tabata yama Yoktan.

Génesis 10:32

Tur esakinan tabata famia di kada yu di Noe, segun nan desendensia i nan lugá di biba. For di nan a bini tur e nashonnan ku despues di diluvio a plama riba mundu.

Génesis 10:4

E yunan di Yawan tabata Elisha, Tarsis, e kititanan i e rodanitanan.

Génesis 10:6

E yunan di Ham tabata Kush, Egipto, Put i Kanaan.

Génesis 9:19

Ta di e tres yu hòmbernan akí di Noe tur hende na mundu ta desendé.

Ester 10:1

Rei Xèrxès a laga tur pais di tera firme i tambe tur isla di su reino paga belasting.

Salmo 72:10

Reinan di Tarsis i di e islanan lo trese regalo p'e; reinan di Sheba i Seba lo bini pa pag'é nan tributo.

Isaías 11:11

Ora e tempu ei yega, Señor lo bolbe hisa su man, lo E liberá restu di su pueblo, sobrá dje israelitanan na Asiria, Egipto abou, Egipto ariba, Etiopia, Elam, Shinar, Hamat na Siria i e islanan den Mediteráneo.

Isaías 24:15

P'esei boso den regionnan di ost, duna gloria na SEÑOR; boso riba e islanan den laman proklamá su nòmber: SEÑOR, Dios di Israel.

Isaías 40:15

Komprondé bon, pa SEÑOR nashonnan grandi ta manera un gota n'un hèmber, manera plushi riba balansa; islanan E ta pisa manera ta stòf fini nan ta.

Isaías 41:5

Riba tur isla, sí, di un punta di mundu te n'e otro, hende a mira loke a pasa, temblando di miedu nan a yega serka.

Isaías 42:10

Kanta un kantika nobo pa SEÑOR, kanta su alabansa for di ekstremonan di mundu. Laga laman i tur ku ta nabegá riba dje, islanan ku tur nan habitantenan, gab'É.

Isaías 42:4

Su forsa no ta kaba ni e n' ta krak te ora e establesé hustisia riba mundu. Habitantenan di e islanan di mas leu ta warda riba su siñansa.’

Isaías 49:1

Habitantenan dje islanan, pueblonan di paisnan lehano, skucha bon! SEÑOR a yama mi fo'i den barika di mi mama, fo'i promé ku m'a nase El a menta mi nòmber.

Isaías 51:5

Djis akí Mi ta trese liberashon, mi salbashon no ta dje leu ei mas, ku brasa fuerte Mi ta establesé hustisia den pueblonan. Asta e islanan di mas leu ta spera Mi i ta konfia den mi poder.

Isaías 59:18

E ta bai duna tur hende pago hustu pa nan echonan. Su rabia ta lanta kontra su enemigunan, E ta tuma vengansa riba su kontrinkantenan. Maske ta te riba e islanan di mas leu nan ta biba, E ta regla kuenta ku nan.

Isaías 60:9

Ta barku di bela di paisnan leu, e barkunan grandi di Tarsis ta bini dilanti. Nan ta reuní pa trese bo yunan bèk ku nan oro i plata huntu ku nan: nan ta bin duna honor na SEÑOR, bo Dios, e Dios Santu di Israel, ku a yena bo ku tantu splendor.

Yeremías 2:10

Krusa laman i bai wèst, e isla di Chipre, i wak rònt. O manda bo embahadornan parti ost, e tribu di Kedar, i investigá a fondo pa weta si un kos asina a yega di sosodé ántes.

Ezekiel 26:15

Esaki ta loke SEÑOR, mi Dios, ta bisa Tiro: ‘E pueblonan na kosta lo tembla ora nan tende e zonido di bo kaida i e kehamentu di bo hendenan heridá, ora ta mata bo habitantenan.

Ezekiel 26:18

Pero awor, awor ku b'a kai, tur e pueblonan na kosta ta tembla di miedu, e paisnan na kosta ta morto spantá.’

Daniel 11:18

E ora ei e ta ataká e paisnan na kosta i konkistá gran parti di nan. Pero un ofisial militar ta pone un fin na su aktuashon arogante, sin ku e por venga e derota akí.

Sofonías 2:11

SEÑOR ta laga nan kurason bai nan plant'i pia, E ta laga tur dios riba mundu para tisga. E ora ei asta e nashonnan di mas leu lo bùig p'E, kada un riba nan mes suela.

Deuteronomio 32:8

SEÑOR Dios Altísimo a plama hende riba mundu, duna kada nashon nan mes teritorio. El a fiha nan fronteranan i a konfia nan na su angelnan.