Éksodo 35:35 - Papiamentu Bible 2013

³⁵ SEÑOR a duna nan kapasidat grandi pa traha trabou di fishi, pa diseñá i pa tehe tela di hopi koló den lenen fini i den lana blou, kòrá püs i kòrá bibu. Nan por a traha tur e trabounan ei i diseñá nan.

Beibel na Papiamentu Koriente 2013

³⁵ SEÑOR a duna nan kapasidat grandi pa traha trabou di fishi, pa diseñá i pa tehe tela di hopi koló den lenen fini i den lana blou, kòrá püs i kòrá bibu. Nan por a traha tur e trabounan ei i diseñá nan.

Éksodo 35:35 Iomraidhean Croise

1 Reinan 3:12

lo Mi hasi loke bo a pidi. Lo Mi duna bo sabiduria i poder pa bo por husga entre bon i malu, di tal manera ku nunka ningun hende tabata por promé ku bo, ni ningun hende lo no por despues di bo.

1 Reinan 7:14

Huram tabata yu di un biuda di tribu di Naftali i di un tata nasé na Tiro, un eksperto den trahamentu ku bròns. Huram tabata mashá ábil, e tabata sa tur téknika pa traha kualke trabou di bròns. El a bai traha serka rei Salomon i a hasi tur trabou ku rei a dun'é.

2 Krónikanan 2:14

Su mama ta un muhé di tribu di Dan i su tata ta di Tiro. E sa bon kon traha ku oro, plata, bròns, heru, piedra, palu, tela kòrá püs, blou püs, lenen fini i tela kòrá bibu. Tambe e por hasi trabou di grabashon. E por diseñá tur kos ku orden'é. E ta dispuesto pa traha huntu ku bo hendenan di fishi i ku esnan ku bo tata David, mi señor, a buska.

Job 7:6

Mi dianan ta pasa mas lihé ku kartucha di hilu den man di hiladó; nan ta yega na nan fin, sin duna mi chèns di rekuperá.

Éksodo 26:1

Traha dies pida paña pa mi tènt sagrado. E pañanan mester ta di lana blou, kòrá püs i kòrá bibu, ku lenen fini, trahá di hilu trosé den otro. Laga un eksperto traha figura di kerubin den e paña.

Éksodo 31:3

Mi a yen'é ku mi spiritu, Mi a dun'é sabiduria, konosementu i abilidat pa tur tipo di trabou,

Éksodo 31:6

Tambe Mi a skohe Oholiab, yu di Ahisamak, di tribu di Dan, pa e yuda Besalel ku e trabou. E otro trahadónan tambe Mi a duna hopi abilidat pa realisá tur loke Mi a ordená bo:

Éksodo 35:31

Dios a yen'é ku su spiritu, ku sabiduria, konosementu i abilidat pa tur tipo di trabou:

Éksodo 36:1

Besalel i Oholiab mester traha huntu ku tur e hòmbernan ku Dios a duna sabiduria i konosementu den e trabounan akí, ku tin komprondementu di e trabou ku mester hasi pa e santuario. Nan mester ehekut'é manera SEÑOR a ordená.’

Isaías 28:26

Ta di Dios e ta haña su saber, Dios ku ta siñ'é loke e tin ku hasi.

Isaías 38:12

Ta basha mi kas abou, kit'é fo'i mi, manera ta baha tènt di wardador. Ya m'a entregá mi bida kaba.” M'a lor'é manera trahadó di tela ta lora e pida paña ku el a traha; ta kòrta so SEÑOR ta'tin ku kòrta e delaster hilu. E por a kaba ku mi bida promé ku anochi a sera.

Echonan 19:6

Pablo a pone man riba nan i Spiritu Santu a bini riba nan; nan a kuminsá papia den lenganan straño i profetisá.

Echonan 19:8

Pablo a bai snoa, kaminda tres luna largu e tabata papia ku kurashi tokante reino di Dios i tabata purba konvensé nan.

1 Korintionan 1:5

Pasobra pa medio di djE Dios a hasi boso riku den tur sentido, tantu ku don di palabra komo ku don di konosementu,

1 Korintionan 1:7

Miéntras ku boso ta warda ansiosamente riba e momento ku nos Señor Hesu-Kristu aparesé, boso no falta niun don spiritual.

1 Korintionan 12:12

Ounke kurpa di hende tin hopi parti, tòg e ta ún kurpa. Asina ta ku Kristu tambe!

1 Korintionan 12:4

Tin diferente don, pero ta e mesun Spiritu Santu ta duna nan.

1 Korintionan 12:8

Na esun kreyente Spiritu Santu ta duna un palabra di sabiduria i e mesun Spiritu Santu ta duna un mensahe di konosementu na un otro.

Galatanan 3:2

Un kos so mi ke puntra boso: Boso a risibí Spiritu Santu dor di kumpli ku Lei di Moises òf dor di kere den e bon notisia ora boso a tend'é?

Galatanan 3:5

Ta pakiko Dios ta duna boso Spiritu Santu i laga milager sosodé serka boso? Pasobra boso a kumpli ku Lei di Moises òf pasobra boso a kere den e bon notisia ora boso a tend'é?

1 Timoteo 3:15

Pero si mi tarda, e karta akí ta pa bo sa kon hende mester komportá nan komo miembro di e famia di Dios, esta den iglesia di e Dios bibu, e iglesia ku ta pilá i sosten di bèrdat.

1 Timoteo 4:16

Keda kuida bo mes i paga tinu na loke bo ta siña otro hende. Sigui hasi e kosnan ku mi a bisa bo akí, pasobra si bo hasi nan lo bo salba bo mes i esnan ku ta skucha bo.

2 Timoteo 2:15

Hasi bo máksimo esfuerso pa presentá bo mes na Dios komo un trahadó ku E ta aprobá, un trahadó ku ta siña hende e mensahe di bèrdat korektamente, sin hasi nada pa pone su mes kara na bèrgwensa.