Efesionan 6:4 - Papiamentu Bible 2013

⁴ Tatanan, no pone boso yunan rabia, ma lanta nan ku disiplina i ku e siñansa ku Señor ke.

Beibel na Papiamentu Koriente 2013

⁴ Tatanan, no pone boso yunan rabia, ma lanta nan ku disiplina i ku e siñansa ku Señor ke.

Efesionan 6:4 Iomraidhean Croise

Génesis 18:19

Mi a skohe Abraham pa e siña su yunan i su desendientenan hasi loke ta bon i hustu, pa asina nan keda riba mi kaminda. E ora ei Mi por hasi tur loke Mi a primintié.’

1 Krónikanan 28:20

Un bia mas David a dirigí su mes na Salomon i a bisa: ‘Sea disididu, tuma un kurashi i kuminsá traha, no tene miedu i no pèrdè ánimo, pasobra SEÑOR Dios, mi Dios, ta ku bo. Lo E no bira lomba pa bo, ni bandoná bo, lo E yuda bo te ora tur trabou na su tèmpel ta kla.

1 Krónikanan 29:19

Laga mi yu Salomon sirbi Bo di henter su kurason, pa e kumpli ku bo mandamentunan, bo preseptonan i bo leinan i traha e tèmpel ku mi a diseñá.’

Proverbionan 19:18

Tanten bo ta disipliná bo yu, tin speransa ainda, no sea kómplise di su morto.

Proverbionan 22:15

Mucha tin tendensia di hasi ko'i bobo, pero e ta stòp ora e haña un halá 'i sota.

Proverbionan 22:6

Siña un mucha fo'i chikitu pa e sigui e bon kaminda, ya ora e bira mas grandi, e n' ta kita fo'i dje.

Proverbionan 29:15

Halá 'i sota i korekshon ta hasi hende sabí; un mucha lagá pa su kuenta, ta pone kara di su mama na bèrgwensa.

Proverbionan 29:17

Koregí bo yu i l'e laga bo biba trankil, i duna bo hopi satisfakshon.

Isaías 38:19

Ta hende bibu so por alabá Bo, manera ami ta hasi awor akí. Tatanan ta siña nan yunan kon fiel Bo sa ta na hende.

Deuteronomio 4:9

Asina ta, tene mashá kuidou. Warda rekuerdo di tur loke boso mes a mira den boso kurason tanten boso ta na bida i konta boso yunan i boso ñetunan despues.

Deuteronomio 6:7

Keda papia di nan ku boso yunan. Papia di nan ora boso ta na kas i ora boso ta na kaminda, ora boso ta bai drumi i ora boso lanta.

Kolosensenan 3:21

Tatanan, no amargá bida di boso yunan pa boso no deskurashá nan.

2 Timoteo 1:5

Tambe mi ta kòrda bo fe sinsero, e mesun fe ku tabata biba promé den bo wela Lois, despues den bo mama Eunike i awor, mi ta konvensí, den bo tambe!

2 Timoteo 3:15

Ademas kòrda tambe ku abo konosé Skritura Sagrado fo'i chikí; Skritura por instruí bo i duna bo e sabiduria ku ta hiba na salbashon pa medio di fe den Kristu-Hesus.

Yozue 24:15

Pero si boso no ke sirbi SEÑOR, skohe awor esun ku boso ke sirbi: òf e diosnan ku boso antepasadonan a sirbi na e otro banda di riu Eufrat òf e diosnan di e amoritanan den e pais akí. Pa loke ta trata ami i mi famia, nos lo sirbi SEÑOR.’

Huesnan 13:12

Manoag a sigui bisa: ‘Ora e loke bo a bisa sali, kon e mucha su manera di biba mester ta i ki trabou e mester hasi?’ Angel di SEÑOR a bisa Manoag: