Efesionan 4:2 - Papiamentu Bible 2013

² Sea semper humilde i mansu, tene pasenshi i soportá otro ku amor.

Beibel na Papiamentu Koriente 2013

² Sea semper humilde i mansu, tene pasenshi i soportá otro ku amor.

Efesionan 4:2 Iomraidhean Croise

Salmo 138:6

Sí, maske SEÑOR ta elevá, E ta mira un hende humilde i djaleu ta vigilá un orguyoso.

Proverbionan 16:19

Preferibel biba humilde ku pobernan, ku parti botin ku hende orguyoso.

Proverbionan 3:34

E ta hasi chèrchè di chèrchadónan orguyoso, pero humildenan E ta duna su grasia.

Predikador 7:8

Mihó husga algu na final ku na prinsipio, mihó tene pasenshi ku tin idea.

Isaías 57:15

Wèl, ata loke Dios altu i elevá ta bisa, e Dios ku tin nòmber santu i ta biba pa semper: ‘Mi ta biba den shelu, den santidat inalkansabel, pero tambe huntu ku esnan abatí i di kurason humilde. Mi ta duna nan speransa i kurashi di nobo!

Sofonías 2:3

Boso, hende den e pais, ku ta pone kurason ku Dios i ta kumpli ku su mandamentunan, buska SEÑOR; hasi su boluntat, someté boso n'E. Podisé e ora ei boso lo por ta fo'i peliger riba e dia di SEÑOR su rabia.

Zakarías 9:9

Basha gritu di legria, mi yu Herusalèm, hubilá, mi yu Sion! Pasobra ata bo rei ta bini serka bo, E ta hustu i triunfante, E ta humilde, sintá riba un buriku, un buriku machu, di rasa puru.

Numbernan 12:3

i komo Moises tabata un hòmber mashá humilde, esun di mas humilde di tur hende riba mundu,

Mateo 11:29

Tuma mi yugo riba boso skouder i siña di Mi, pasobra Mi ta mansu i humilde; i boso lo haña sosiegu.

Marko 9:19

E ora ei Hesus a bisa: ‘Esta un generashon sin fe! Ta kuantu tempu mas Mi tin ku keda huntu ku boso? Pa kuantu tempu mas Mi tin ku sigui soportá boso? Trese e mucha pa Mi!’

Echonan 20:19

Bou di lágrima i den tur humildat mi a hasi mi trabou komo sirbidó di Señor durante e tribulashonnan ku mi a haña mi aden pa motibu di kòmplòt di e hudiunan.

Romanonan 15:1

Nos ku ta fuerte den fe mester yuda esnan ku ta débil ku nan debilidat i no buska nos mes probecho.

1 Korintionan 13:7

Amor semper ta perseverá, semper ta kere, semper ta spera i keda soportá.

Galatanan 6:2

Boso un yuda otro ku su karga i asin'ei boso ta kumpli ku lei di Kristu.

Efesionan 1:4

Pasobra den Kristu El a skohe nos fo'i promé ku El a krea mundu, pa nos ta santu i sin fayo dilanti di djE, yená ku amor.

Kolosensenan 1:11

Dios fortalesé boso ku su poder glorioso pa asina boso por soportá tur kos ku pasenshi.

1 Timoteo 6:11

Pero abo, ku ta hòmber di Dios, hui for di tur e kosnan ei! Lucha pa bo kondukta agradá Dios, pa bo ta dediká n'E i tin fe, amor, perseveransia i mansedumbre.

2 Timoteo 2:25

i e mester koregí esnan ku ta kontra dje ku suavidat. Pasobra tal bes Dios por duna e hendenan ei oportunidat di kombertí i yega na un konosementu real di e bèrdat.

Hakobo 1:21

P'esei antó deshasí di tur sorto di impuresa i di e gran kantidat di maldat den boso bida. Aseptá ku humildat kompleto e palabra ku Dios a planta den boso kurason i ku por salba boso.

1 Pedro 3:15

Pero honra Kristu komo Señor den boso kurason. Sea semper kla pa duna kontesta na esun ku pidi un splikashon di e speransa ku boso ta karga.

1 Pedro 3:8

Pa konkluí: boso tur mester tin e mesun aktitut i sintimentu; stima otro manera ruman; sea mizerikordioso i humilde pa otro.