Efesionan 3:4 - Papiamentu Bible 2013

⁴ Segun boso ta les'é, boso por haña un idea di mi konosementu di e boluntat skondí di Dios tokante Kristu.

Beibel na Papiamentu Koriente 2013

⁴ Segun boso ta les'é, boso por haña un idea di mi konosementu di e boluntat skondí di Dios tokante Kristu.

Efesionan 3:4 Iomraidhean Croise

Mateo 13:11

El a kontestá nan: ‘Pasobra boso sí a haña komprondementu di e sekretonan di reino di shelu, ma nan no.

Lukas 8:10

El a kontestá: ‘Boso sí a haña komprondementu di e sekretonan di reino di Dios, ma e otronan ta haña nan den parábola. Pa asina: maske nan wak, nan no mira nada; i maske nan skucha, nan no komprondé nada.

Romanonan 11:25

Rumannan, tin un sekreto ku mi ke pa boso sa, pa boso no kere ku boso ta sabí. Un parti di e israelitanan su kurason a bira duru i lo keda duru te ora e kantidat di no hudiu ku mester haña salbashon drenta.

Romanonan 16:25

Alabá sea Dios ku por fortalesé boso segun e bon notisia ku mi ta anunsiá tokante Hesu-Kristu. E mensahe ta kuadra ku loke Dios a revelá di su plan ku pa siglo El a tene skondí.

1 Korintionan 13:2

Maske mi tin don di profesia, mi konosé tur Dios su plannan skondí i mi sa tur kos, maske mi tin fe perfekto pa move seru, ma mi no tin amor, mi no ta nada.

1 Korintionan 4:1

Konsiderá nos komo sirbidó di Kristu ku a keda enkargá pa instruí e plannan skondí di Dios.

2 Korintionan 11:6

Mi por ta un amatùr ora mi ta papia, pero, manera nos a demostrá boso tur na tur sorto di forma, konosementu sí mi tin!

Efesionan 1:9

Dios a laga nos konosé su propósito skondí di akuerdo ku su boluntat, e propósito ku El a disidí di antemano pa realisá pa medio di Kristu

Efesionan 3:3

Esta kon Dios a revelá mi su boluntat skondí, tokante kua mi a skibi boso brevemente kaba.

Efesionan 3:9

Ami mester laga tur hende mira kon e boluntat di Dios ei, ku durante tur e siglonan ku a pasa tabata skondí den Dios, kreador di tur kos, ta keda kumplí.

Efesionan 5:32

Tin un gran bèrdat skondí den e asuntu akí i mi ta relashon'é ku iglesia.

Efesionan 6:19

Resa pa mi tambe, pa Dios duna mi e palabranan korekto ora mi ta mustra ku kurashi e boluntat skondí di Dios ku ta kontenido di e bon notisia.

Kolosensenan 1:26

E mensahe ta e plan ku tabata skondí pa tur hende durante tur e siglonan ku a pasa, ma ku awor El a revelá na e pueblo santu.

Kolosensenan 2:2

Mi ta hasi esei pa nan haña kurashi i keda íntimamente uní den amor. Asina nan por risibí komprondementu profundo i kompleto, ku ta hiba nan na konosementu di e plan skondí di Dios, ku ta Kristu mes.

Kolosensenan 4:3

Resa tambe pa nos, pa Dios habri kaminda pa nos por prediká e plan ku tabata skondí tokante Kristu. Pasobra ta pa motibu di e plan ei mes mi ta den prizòn.

1 Timoteo 3:16

No tin duda ku e bèrdat revelá di nos fe ta impreshonante: Kristu-Hesus a bini den mundu, débil manera hende, deklará den shelu di ta vensedor, dor di Spiritu Santu, mirá pa angel, i proklamá na tur nashon, aseptá ku fe pa hende rònt mundu i tumá den gloria di shelu.

1 Timoteo 3:9

Nan mester atené nan na e bèrdat revelá ku nos a kere aden, ku un konsenshi limpi.