Efesionan 2:3 - Papiamentu Bible 2013

³ Un tempu nos tur tampoko no ker a tende i nos tabata biba segun nos mal deseonan: nos tabata hasi loke nos kurpa tabata deseá i loke tabata drenta nos mente. Meskos ku tur sobrá hende, nos di nos mes tabata destiná pa sufri bou di Dios su rabia.

Beibel na Papiamentu Koriente 2013

³ Un tempu nos tur tampoko no ker a tende i nos tabata biba segun nos mal deseonan: nos tabata hasi loke nos kurpa tabata deseá i loke tabata drenta nos mente. Meskos ku tur sobrá hende, nos di nos mes tabata destiná pa sufri bou di Dios su rabia.

Efesionan 2:3 Iomraidhean Croise

Génesis 5:3

Adam tabatin 130 aña tempu su yu hòmber a nase. El a yam'é Sèt. Sèt tabata pars'é; e tabata imágen di su tata.

Génesis 6:5

Ora SEÑOR a mira kon malu hende tabata komportá i ku kiko ku nan a pensa di hasi semper tabata mes malu,

Génesis 8:21

Ora SEÑOR a sinti e holó dushi, El a pensa den su mes: ‘Nunka mas lo Mi no maldishoná tera pa hende su falta. Pasobra for di chikitu hende ta pensa den maldat so. Lo Mi no bolbe destruí tur bida manera Mi a hasi.

Job 14:4

Ken por saka algu puru for di loke ta impuru? Niun hende!

Job 25:4

Antó kiko un hende mester hasi awor, pa Dios deklar'é hustu? Kon un hende, nasé di muhé, por ta puru?

Salmo 51:5

Mira, den kulpa mi a nase, pekadó mi mama a konsebí mi.

Isaías 53:6

Nos tur a kana dualu manera karné, kada un riba su mes kaminda, pero SEÑOR a lag'é karga tur nos maldat.

Marko 4:19

ma e kosnan di mundu ta preokupá nan hopi, rikesa ta blèndu nan i nan tin muchu gana di kos. Tur e kosnan akí ta stek e palabra. Ta p'esei nan no ta karga fruta.

Huan 1:13

Nan no a bira yu di Dios a base di famia, ni na un manera natural, ni pa medio di deseo di un hende hòmber, ma segun Dios su plan.

Huan 8:44

Diabel ta boso tata i boso ke pone e deseonan di boso tata den práktika. E ta un matadó for di kuminsamentu, i nunka e no a aten'é na bèrdat, pasobra e no tin bèrdat den dje. Ora ku e gaña, e ta gaña di naturalesa, pasobra e ta un gañadó i tata di mentira.

Echonan 14:16

Den pasado Dios a pèrmití tur pueblo sigui nan mes kaminda,

Romanonan 1:24

P'esei Dios a entregá nan na e porkerianan ku nan kurason ta deseá, esta na e kosnan bergonsoso ku nan un ta hasi ku otro.

Romanonan 11:30

Ántes boso ku no ta hudiu tabata desobedesidu na Dios, pero awor komo e hudiunan a desobedes'É, Dios a tene mizerikòrdia ku boso.

Romanonan 13:14

Pero bisti boso mes ku Señor Hesu-Kristu i stòp di buska pa satisfasé e deseonan malu ku ta bini di boso naturalesa pekaminoso.

Romanonan 2:14

Esnan no hudiu, ku no tin Lei di Moises, pero ku di nan mes ta hasi loke e Lei ei manda, ta bira nan mes lei!

Romanonan 5:10

Pasobra si Dios a rekonsiliá nos kunÉ tempu nos tabata su enemigu ainda, pa medio di morto di su Yu, ku mas rason lo E salba nos pa medio di bida di su Yu, awor ku nos ta rekonsiliá kunÉ.

Romanonan 5:9

P'esei awor ku Dios a aseptá nos komo hustu pa motibu ku Hesus a drama su sanger pa nos, ku muchu mas rason nos lo skapa e kastigu di Dios pa medio di Hesus.

Romanonan 6:12

Ke men, no pèrmití pa piká dominá boso kurpa mortal pa boso tin ku obedesé su pashonnan pekaminoso.

Romanonan 7:18

Pasobra mi sa ku no tin nada bon den mi, ku ta hende di karni i wesu; ounke mi tin deseo di hasi loke ta bon, mi no ta hasié tòg.

Romanonan 9:22

Awèl, Dios ker a duna un ehèmpel kon E ta kastigá i mustra su poder, p'esei, ku hopi pasenshi El a soportá esnan ku tabata meresé su kastigu i lo a bai pèrdí.

1 Korintionan 4:7

Ken a bisa ku boso ta superior? No ta Dios a duna boso tur loke boso tin? Di kon boso ta broma anto, komo si fuera no ta haña boso a haña tur loke boso tin?

2 Korintionan 7:1

Rumannan stimá, tur e promesanan akí ta pa nos tambe! P'esei antó laga nos purifiká nos di tur kos ku ta hasi nos impuru na alma i kurpa, i laga nos, ku rèspèt pa Dios, dediká nos kompletamente na djE.

Galatanan 3:22

Pero manera Skritura ta bisa: nos tur ta biba bou di dominio di piká, ya asina e promesa hasí pa Dios a base di fe den Hesu-Kristu, por konta pa esnan ku ta kere.

Efesionan 2:2

Boso tabata sigui mal kaminda di e mundu akí, kaminda di esun ku ta enkabesá e podernan di den laria. Ta e spiritu malbado ei mes ta hasi su trabou awor akí den mente di esnan ku no ke tende di Dios.

Efesionan 4:22

A siña boso pa pone boso bida di ántes un banda, esta e hende ku boso tabata ántes, ku tabata putri kaba na nada, pasobra e tabata deseá loke ta engañoso.

Kolosensenan 1:21

Un tempu boso tambe tabata leu for di Dios i boso tabata su enemigu pa motibu di tur kos malu ku boso tabata pensa i hasi.

1 Tesalonisensenan 4:13

Rumannan, nos no ke pa boso keda sin sa kiko lo pasa ku e kreyentenan ku a muri kaba. Ya boso no ta bira tristu manera otro hende, ku no tin speransa.

1 Tesalonisensenan 5:6

P'esei no laga nos drumi manera otro ta hasi, pero laga nos keda lantá i bon na tinu.

1 Timoteo 6:9

Pero esnan ku tin gana di bira riku ta kai den tur sorto di tentashon, trampa i deseo estúpido i destruktivo, ku ta hundi hende den korupshon i pèrdishon.

Tito 3:3

Pasobra un tempu nos mes tambe tabata insensato i desobedesidu. Nos tabata engañá i tabata katibu di diferente pashon i plaser. Nos tabata biba ku malisia i envidia; hende tabata odia nos i nos mes tabatin rabia riba otro.

1 Pedro 1:14

Manera yu obedesidu, no sigui e deseonan ku boso tabatin promé ku boso a konosé Dios.

2 Pedro 2:14

Nan ta mira hende muhé ku wowo di adulterio, i no ta kansa di hasi piká. Nan ta sedusí hende débil i nan ta eksperto den rankamentu di plaka fo'i hende; Dios su maldishon ta riba nan!

2 Pedro 2:18

Nan ta blabla kosnan arogante i estúpido, i ta usa mal deseo i un bida inmoral pa gara esnan ku apénas a logra hui di hende ku a desviá den bida.

1 Huan 2:16

Pasobra nada di loke mundu ta ofresé no ta bini di Tata, esta deseo pekaminoso, gana di kos ku ta atraé bista di hende i kana prònk ku loke bo tin, ma tur ta bini di mundu.

1 Huan 2:8

Pero tòg e mensahe ku mi ta skibi boso awor akí ta nobo. Por mira su bèrdat den Kristu i tambe den boso mes, pasobra e lus berdadero ta bria kaba i skuridat ta disipando.