Echonan 5:14 - Papiamentu Bible 2013

¹⁴ Mas i mas hende ku a kere den Señor, grupo grandi di hòmber i muhé, tabata bini aserka.

Beibel na Papiamentu Koriente 2013

¹⁴ Mas i mas hende ku a kere den Señor, grupo grandi di hòmber i muhé, tabata bini aserka.

Echonan 5:14 Iomraidhean Croise

2 Samuel 6:19

El a duna henter pueblo, henter e multitut di israelita, hòmber i muhé, kada un un bola di pan, un bola di dadel i un bola di rasenchi. Despues tur a bai nan kas bèk.

Esdras 10:1

Miéntras Esdras na rudia dilanti di tèmpel, yorando tabata resa i rekonosé nan falta, un multitut mashá grandi di israelita, hòmber, muhé i mucha, a basha bini serka dje. Nan tambe a grita yora.

Nehemías 8:2

Tabata riba promé dia di e di shete luna akí ku Esdras a trese e lei den e reunion kaminda tabatin hende hòmber, hende muhé i tur mucha ku por a komprond'é.

Éksodo 35:22

Hòmber i muhé a trese loke nan ker a duna boluntariamente: bròsh, renchi di orea, renchi ku seyo, kadena i tur otro opheto di oro.

Isaías 45:24

Nan lo bisa di Mi: “Ta serka SEÑOR so viktoria i poder ta reina.” ’ Tur ku a rebeldiá kontra SEÑOR lo bini bèk serka djE, yen di bèrgwensa.

Echonan 11:24

Barnabas tabata un bon hende, ku un fe firme i yená ku Spiritu Santu. Na Antiokia a gana hopi hende pa Señor.

Echonan 2:41

Esnan ku a aseptá su palabra a laga nan batisá nan, di manera ku e dia ei mas o ménos tres mil hende a djòin e grupo di disipel.

Echonan 2:47

Nan tabata alabá Dios i tabata bon mirá serka henter pueblo. I tur dia Señor tabata trese mas hende ku a keda salbá, aserka.

Echonan 22:4

Mi a persiguí esnan ku tabata sigui e Rumbo Nobo te na morto. Mi tabata arestá hòmber i muhé, benta nan den prizòn.

Echonan 4:4

Ma hopi di esnan ku a skucha e mensahe a kere, i e kantidat di disipel a yega mas o ménos sinku mil.

Echonan 6:7

Palabra di Dios a sigui plama. E kantidat di kreyente na Herusalèm a sigui krese mas i mas, i un grupo grandi di saserdote a aseptá fe.

Echonan 8:12

Ma ora nan a kere Felipe su mensahe tokante reino di Dios i nòmber di Hesus, hende hòmber i hende muhé a laga batisá nan.

Echonan 8:3

Saulo tabata purba destruí iglesia; e tabata pasa kas pa kas, lastra tantu hòmber komo muhé benta den prizòn.

Echonan 9:2

i pidi karta di referensia pa e snoanan na Damasko, ya si e haña kualke hende ku ta sigui e Rumbo Nobo, sea hòmber òf muhé, e por hiba nan prezu Herusalèm.

Echonan 9:31

Pa e komunidat di kreyente rònt Hudea, Galilea i Samaria a kuminsá un tempu di pas. Tabatin kresementu i e hendenan tabata biba ku rèspèt di Señor. E kantidat di miembro tabata subi ku yudansa di Spiritu Santu.

Echonan 9:35

Tur habitante di Lida i vaye di Sharon a mira ku el a kura, i nan a kombertí na Señor.

Echonan 9:42

E notisia a plama rònt Yope i hopi di nan a kere den Señor.

2 Korintionan 6:15

No por tin harmonia entre Kristu ku Belial, ni entre un kreyente ku un no kreyente!

Galatanan 3:28

Awor no tin kuenta di hudiu òf no hudiu, katibu òf hende liber, hende hòmber òf hende muhé, pasobra boso tur ta ún dor di boso union ku Kristu-Hesus.