Daniel 10:16 - Papiamentu Bible 2013

¹⁶ Pero un ser ku parse hende, a mishi ku mi lepnan i mi por a papia atrobe. E ora ei mi a bisa esun mi dilanti: “Mi shon, e vishon akí a yena mi ku angustia i a kita tur mi forsa.

Beibel na Papiamentu Koriente 2013

¹⁶ Pero un ser ku parse hende, a mishi ku mi lepnan i mi por a papia atrobe. E ora ei mi a bisa esun mi dilanti: “Mi shon, e vishon akí a yena mi ku angustia i a kita tur mi forsa.

Daniel 10:16 Iomraidhean Croise

Éksodo 4:10

E ora ei Moises a bisa: ‘No tuma mi na malu, Señor, nunka mi no tabatin e don di papia bon. No ta kos di awor, asta awor ku Bo ta papia ku mi, nada no a kambia. Ta haña mi no por haña palabra.’

Éksodo 4:13

Pero Moises a bisa: ‘No tuma mi na malu, Señor, manda un otro hende, no!’

Predikador 1:18

Pasobra mas sabiduria mas problema, mas konosementu mas tristesa.

Isaías 6:7

El a pone e karbon na mi boka i bisa: ‘Awor ku esaki a mishi ku bo lepnan, bo kulpa ta kitá i bo pikánan ta pordoná.’

Yeremías 1:9

E ora ei SEÑOR a saka man, mishi ku mi boka i bisa: ‘Ata Mi ta hinka mi palabranan den bo boka.

Ezekiel 1:26

Riba e kupel riba nan kabes tabatin algu paresido na un piedra di safiro den forma di un trono. Riba dje tabatin un figura sintá ku aparensia di hende.

Ezekiel 3:27

Ta te ora Mi papia ku bo atrobe, lo bo por papia atrobe. E ora ei lo bo papia ku nan na mi nòmber, na nòmber di SEÑOR Dios. Es ku ke skucha, lo skucha; es ku no ke skucha, lag'é keda sin skucha anto, pasobra nan ta un pueblo rebelde.’

Ezekiel 33:22

E anochi promé ku e hòmber a bini serka mi, SEÑOR a poderá di mi. E mainta ei, den e ora ku e hòmber a bini serka mi, SEÑOR a laga ku mi por a papia atrobe. Mi por a papia atrobe, mi no tabata muda mas.

Daniel 12:8

Mi a tende sí loke el a bisa, pero mi no a komprondé nada i mi a puntra: “Mi shon, kon e kos akí lo kulminá?”

Daniel 4:19

Durante un momento Daniel, tambe yamá Belteshasar, a keda paralisá di spantu; loke a bini den su mente a tolondr'é. Pero ami, Nebukadnèsar, a bis'é: “Belteshasar, no laga e soño ni su splikashon tolondrá bo.” Belteshasar a kontestá: “Mahestat, mare e soño tabata trata di esnan ku ta odia bo i mare su splikashon tabata trata di bo enemigunan.

Daniel 7:15

Angustia a poderá di ami, Daniel, pasobra e vishon tabata hororoso.

Daniel 7:28

Esaki ta fin di e relato. Ami, Daniel, a keda tur tolondrá, mi a bira blek di sustu. Mi a keda pensa riba loke mi a mira i tende.

Daniel 8:15

Miéntras ami, Daniel, tabata weta e vishon i tabata purba komprondé su nifikashon, diripiente un figura ku aparensia di un hòmber a bin para mi dilanti.

Daniel 8:17

Gabriel a yega te serka mi. Mi a spanta mashá i a tira mi kurpa abou su dilanti, pero el a bisa mi: “Komprondé bon, kriatura, ku den e vishon ta trata di final di e temporada akí.”

Daniel 8:18

Miéntras e tabata papia ku mi, mi a desmayá dal abou, pero el a mishi ku mi, lanta mi riba pia

Daniel 8:27

Ami, Daniel, tabata asina agotá ku mi a keda malu pa dianan largu. Ora mi por a lanta atrobe, mi a bolbe bai hasi mi trabou den sirbishi di rei, pero e vishon a laga mi tur turdí; mi no tabata komprond'é.

Daniel 9:21

Miéntras mi tabata resa ainda, Gabriel, ku mi a mira kaba den e vishon, a bula bini purá serka mi ora di e sakrifisio di atardi.

Lukas 1:64

Diripiente Zakarías por a papia atrobe i el a kuminsá alabá Dios.

Lukas 21:15

Pasobra Ami lo duna boso elokuensia i sabiduria di manera ku ningun di boso enemigunan lo no por resistí òf kontradesí boso.

Huan 20:28

Tomas a bisa: ‘Mi Señor i mi Dios!’

Yozue 5:14

E hòmber a rospondé: ‘Nò, mi ta aki komo kabesante di ehérsito di SEÑOR.’ E ora ei Yozue a bùig te na suela i bis'é: ‘Señor, kiko bo tin di bisa bo sirbidó?’

Revelashon 1:13

i meimei di e kandelarnan mi a mira un ser ku aparensia di hende; E tabatin un paña largu bistí ku tabata yega te na su pia i na su pechu e tabatin un faha di oro.

Huesnan 13:8

E ora ei Manoag a resa na SEÑOR i bisa: ‘Por fabor, SEÑOR, laga e hòmber ku Bo a manda serka nos, bini un bia mas i splika nos kiko nos mester hasi ku e yu ku ta bai nase.’

Huesnan 6:13

Gideon a kontestá: ‘No tuma mi na malu, señor, pero si SEÑOR ta ku nos, di kon tur e kosnan akí ta pasa nos? Unda tur e milagernan ku nos antepasadonan a konta nos di dje ta? Nan no a bisa nos ku ta SEÑOR a saka nos for di Egipto? SEÑOR a bandoná nos i a laga e midianitanan oprimí nos.’

Huesnan 6:15

Pero Gideon a kontestá: ‘Despensá mi atrobe, señor, ma kon mi ta hasi salba Israel? Mi famia ta esun ménos importante den e tribunan di Manase i mi mes ta esun di mas hóben den mi famia.’