1 Pedro 1:8 - Papiamentu Bible 2013

^8-9 Boso ta stima Hesu-Kristu, ounke nunka boso no a mir'É. Awor akí tampoko boso no ta mir'É, ma pasobra boso ta kere den djE, boso ta logra e meta di boso fe, esta salbashon, i esei ta yena boso kurason ku un goso asina grandi i glorioso ku palabra no por ekspresá.

Beibel na Papiamentu Koriente 2013

^8-9 Boso ta stima Hesu-Kristu, ounke nunka boso no a mir'É. Awor akí tampoko boso no ta mir'É, ma pasobra boso ta kere den djE, boso ta logra e meta di boso fe, esta salbashon, i esei ta yena boso kurason ku un goso asina grandi i glorioso ku palabra no por ekspresá.

1 Pedro 1:8 Iomraidhean Croise

E kanto di tur kanto 1:7

Bisa mi antó, amor di mi bida, na unda bo ta laga bo karnénan kome yerba, na unda nan ta sosegá mèrdia. E ora ei mi n' tin mester di kana baga serka e trupanan di karné di bo kompañeronan.

E kanto di tur kanto 5:16

Su boka ta yen di dulsura, tur kos na su kurpa ta enkantador! Sí, asina mi amor, mi amigu ta. Awor boso sa, damitanan di Herusalèm!

E kanto di tur kanto 5:9

Mucha bunita, akaso bo amor t'asina diferente, mas spesial ku otro hòmber, ku bo ta supliká nos esei ku tantu insistensia?

Mateo 10:37

Esun ku stima su mama òf su tata mas ku Mi, no ta digno di pertenesé na Mi; esun ku stima su yu hòmber òf su yu muhé mas ku Ami, no ta digno di pertenesé na Mi.

Huan 14:15

Si boso ta stima Mi, boso lo warda mi mandamentunan.

Huan 14:21

Esun ku aseptá mi mandamentunan i obedesé nan, ta stima Mi. Mi Tata ta stima esun ku stima Mi i Mi tambe lo stim'é i mustr'é ken Mi ta.’

Huan 14:24

Esun ku no ta stima Mi, no ta obedesé mi palabranan. I e palabranan ku boso a tende, no ta di Mi, ma di mi Tata ku a manda Mi.

Huan 16:22

Meskos asina boso tambe ta pasa un tempu difísil awor akí, ma lo Mi bolbe mira boso i boso kurason lo yena ku alegria, un alegria ku niun hende no por kita for di boso.

Huan 20:29

E ora ei Hesus a bis'é: ‘Pasobra bo a mira Mi, bo ta kere. Felis esnan ku ta kere, sin mira Mi!’

Huan 8:42

Hesus a bisa nan: ‘Si Dios tabata boso Tata, boso lo a stima Mi, pasobra Mi a bini di Dios i Mi t'aki. Mi no a bini riba Mi mes, ma t'E a manda Mi.

Echonan 16:34

El a hiba nan su kas i a drecha mesa pa nan; e i henter su kas tabata kontentu, pasobra awor nan tabata kere den Dios.

Romanonan 14:17

Pasobra reino di Dios no ta kuestion di loke hende ta kome i bebe, pero di hiba un bida hustu, di tin pas i goso den Spiritu Santu.

Romanonan 15:13

Dios, ku ta nos fuente di speransa, yena boso ku goso i pas pa motibu di boso fe, ya asina boso speransa por bona pa medio di poder di Spiritu Santu.

1 Korintionan 16:22

Maldishoná ta esun ku no ta stima Señor. Maranata — bini, nos Señor!

2 Korintionan 1:22

seya nos komo su propiedat i pone Spiritu Santu den nos kurason komo garantia di tur loke lo E bai duna nos.

2 Korintionan 4:18

Nos bista no ta fihá riba loke ta visibel, pero riba loke ta invisibel. Loke ta visibel ta pa un tempu so, pero loke ta invisibel ta dura pa semper.

2 Korintionan 5:7

pasobra ainda nos no ta biba a base di loke nos ta mira, pero a base di loke nos ta kere.

2 Korintionan 9:15

Laga nos gradisí Dios pa su regalo ku no por deskribí ku palabra.

Galatanan 5:22

Pero loke Spiritu di Dios ta generá den hende ta amor, goso, pas, pasenshi, amabilidat, bondat, fieldat,

Galatanan 5:6

Pasobra serka siguidónan di Kristu-Hesus no ta importante si un hende ta sirkunsidá òf nò. Ta e fe ku ta funshoná pa medio di amor ta konta.

Efesionan 3:19

Mi ta pidi pa boso konosé su amor i asina keda yená ku e plenitut kompleto di Dios; e amor ei ta mas grandi ku kualke kos ku nos por konosé.

Efesionan 6:24

Grasia pa tur esnan ku ta stima nos Señor Hesu-Kristu ku un amor ku ta dura pa semper.

Filipensenan 1:25

I komo mi ta konvensí di esei, mi sa ku mi ta keda na bida i asin'ei keda serka boso tur, pa boso progreso i goso den fe.

Filipensenan 3:3

Pasobra ta nos ta esnan ku a risibí e sirkunsishon berdadero; nos ku ta adorá Dios pa medio di su Spiritu i ta basa nos orguyo riba Kristu-Hesus, sin konfia riba kosnan eksterno.

Filipensenan 4:4

Keda semper kontentu den Señor! Mi ta ripití: Keda kontentu!

Hebreonan 11:1

Fe ke men ku nos ta sigur di e kosnan ku nos ta spera di risibí i ku nos ta konvensé di e realidat ku nos no ta mira.

Hebreonan 11:27

Pasobra e tabatin fe, el a sali bai for di Egipto sin tabatin miedu di rei. El a perseverá, manera un hende ku tabata mira e Dios invisibel.

1 Pedro 1:6

P'esei boso ta yen di alegria, ounke por ta ku awor akí ta nesesario pa boso pasa den tristesa pa un tempu kòrtiku, pa motibu di tur sorto di prueba.

1 Pedro 2:7

P'esei e piedra akí ta di gran balor pa esnan ku ta kere, pero pa boso ku no ta kere e siguiente troso ta konta: ‘E piedra ku e trahadónan a rechasá t'é a bira piedra prinsipal.’

1 Pedro 5:4

I ora e Wardador prinsipal bini, boso lo haña e korona glorioso ku nunka no ta pèrdè su splendor.