Yohana 10:1 - KITAABA WAAQA

¹ D'uguma, waan anini isaniini jed'u, Nami moona hooliye karraani inseenne, ammo d'aatuuni koru, hattufi algala.

Yohana 10:1 Iomraidhean Croise

Yeremia 14:15

Tanaafi AABBO Waaqi waan raagoota maqa isaatini faddu tana akana jed'a: Anini worra inergine, ammo worri waan jed'u woraanafi beelti lafa tana inqabattu. Ammo anini waan jed'u raagootuma suniti woraanafi beelaani hobaa.

Yeremia 23:21

AABBO Waaqi waan jed'e, Anini raagoota tana inergine, ammo worrumati ufiini yae. Anini waan tokole worrati inhimne, worri dubbuma ufitini woi fage.

Yeremia 23:32

Waan anini, AABBO Waaqi jed'u, D'agaya! Anini raagoota oobjatte d'ara odeesitu infed'u. Worri waan oobju suni odeese, d'araafi kiyyiba worratiini gumi tiyya kara iraa gorsa. Anini worra suni infohanne yokhaani inergine, tanaafi worri diqole qarqaarsa gumi tana intahu. Nami dubbi tana jed'e ana, AABBO Waaqa.

Yoeli 2:9

Dirati oriani, naabo korani, maneeni aka hattu qaani duudani.

Matayo 7:15

Raagoota d'ara eegad'a, ta bifa jijiratte isaniti d'uftu, ammo keesi worraa aka yai jira.

Yohana 10:7

Tanaafi Yesoni ammalle waan worraani jed'e, D'uguma, waan anini isaniini jed'u, anini karra hooliyeeti.

Yohana 3:3

Yesoni waan jed'eeni, D'uguma, waan anini siini jed'u, Yo nami maro lameeso d'alate male, dandae Finna Waaqa inargu.

Roomaa 10:15

Dubbi akamiini odeesani yo nama odeesu inergiini? Akuma t'aafiini jettu, Miili worra odu dansa odeesu akami mid'aaga!

Roomaa 16:18

Worri waan akana kana tolchu Kristo Aabbo keenna hojachuuti injiru, ammo garaa ufiti hojata. Worri Afaani dansaani qalbi nama woma imbeenne soba.

Tiitoo 1:11

Sila worra dubbachu d'owu malani; wonti akanatiifi waan barsiisu himmalini barsiisani, akanaani ollowaani heddu balleesu jirani, aka hori argatani.

Ebrania 5:4

Nami guddinna kana ufiini imfud'atu, ammo Waaqati yaama, akuma duri Haruni yaamani.

1 Petro 1:10

Waan baafama kana raagooti aka jaba barbaadde; waan eeba Waaqi isani kennu fadde.

2 Petro 2:1

Raagooti d'ara duru biyyati d'ufte, ammalle akasuma raagooti, d'ara isaniti indufti. Barsiisa d'araatiifi ta nama balleesituuni d'ufte, Aabbo ka worra baase mormatte maro tokotu ufi balleesite.

2 Petro 2:3

Barsiiftuuni d'ara tunini sabdooma ufitiifi odu d'ara odeesiti, aka wo keesa argattu. Bara heddu Nami worra qoru kurfo jira, Ka worra balleesuleeni ya hiriibaa kae!

1 Yohona 4:1

Jaalaani tiyya, nama, Anini Lubbu Waaqa qabu jed'u ch'ufa ind'ugefatiina, ammo gargari hubad'a aka lubbuuni suni gara Waaqati d'ufte. Wonti akanatiifi raagi d'ara hedduuni ya lafa d'ufe.