Nehemia 3:1 - KITAABA WAAQA

¹ Aki naabo Yerusalemu mid'aasani jaarani kana. Qaallicha gudda Eliashibu jed'anifi qaaloleeni oboleyaani isaa fullo Hooliye jaarte eebifte balbala iti mid'aasite. Worri naabo suni haga doofi d'ibba toko jed'anifi doofi Hananeli ch'ufa eebise.

Nehemia 3:1 Iomraidhean Croise

Nehemia 12:10

Yoshuani abba Yoyakimu; Yoyakimuni abba Eliashibu, Eliashibuni abba Yoiyada,

Nehemia 12:30

Qaaloleefi worri Lawi ufi qulqulleesani, gumifi Fulofi naabo dirale qulqulleesani.

Nehemia 12:39

artile iti d'aabanne, Fullo Efraimutifi Fullo Yeshanatifi ta Qurt'umitifi Doofi Hananelitifi Doofi d'ibba toko jed'anifi Fullo Hooliyele dabarre, d'aatu Fullo Mana Waaqa geennaani yaasuma keenna lakimne.

Nehemia 13:28

Yoiyadani ilma qaallicha gudda, Eliashabu, ammo ilmi yoiyada toko dubra Sanbalati, ka worra Beth-Horoni, fuud'e; tanaafi anini isa Yerusalemu keesaa gusse.

Nehemia 13:4

Qaallichi Eliashabu jed'ani, ka mana miha Waaqa keesati olkayaniti mataa, Tobiani bara heddu woli jaala.

Nehemia 3:20

Baruki, ilma Zabai, isati aane, haga balbala mana qaallicha gudda Eliashibu jed'aniti d'aabe jaare.

Nehemia 3:21

Meremothi, ilmi Uria, ka ilma Hakosi, isati aane, haga muumme mana Eliashabiti d'aabe jaare.

Nehemia 3:32

Tumtumi worqitiifi daldaltuni isati aanani, qooda hafe kaani ch'ufa, haguma mana moga eju fuud'ani Fullo Hooliyeti d'aabani jaarani.

Nehemia 6:1

Sanbalatifi Tobiafi Geshemufi jari nyaapa keenna kaani ch'ufti aka nu naabo jaare fulla ch'ufa duuchine huji isi ch'ufa hobaamne d'agaye. Ammo taatule balbala Fullo keesa innanne.

Nehemia 7:1

Amma eegi naabo jaarani hobaasani balbalale ch'ufa iti mid'aasani worra Mana Waaqa eegufi Sirbitufi worra Lawile huji worra iti kennani,

Faaru 30:1

Ee AABBO Waaqa waan atini gaargala keesaa na baafte, nyaapa na miid'ule nara d'owarteefi anini si faarsa.

Faaru 48:12

Gumi Waaqaa dira Sionitini mara, doofi isa heda;

Mammaasa 3:6

Waan tolchitu ch'ufa keesa AABBO Waaqa qaabad'u, duuba inni kara si qajeelcha.

Mammaasa 3:9

Waan lafti tante sii baaftu dadansa ch'ufa AABBO Waaqaa baasi, akasiini isa guddisi.

Yeremia 31:38

AABBO Waaqi waan jed'u, Guyyaani ind'ufa, ka dira Yerusalemu ch'ufa deebiani naa jaarani, haguma doofi Hananeliti iti keeyatani Fullo mogaati d'aabani.

Danieli 9:25

Dubbi tana jabeesi hubad'i: Haguma gaafa seera baasani, Yerusalemu jaara jed'ani kaani haga nami Waaqi muude fohatu d'ufuti, ganna torbatama ka maro torbati jiddu jira. Dira Yerusalemu mid'aasani jabeesani boolani marsani jaarani, karale ch'ufa iti tolchani; duuba diri suni ganna jaatami lama maro torba taa, ammo ganni sunini ch'ufti bara gaargalati.

Zekaria 14:10

Lafa ch'ufa Geba ta mirga jirtu fuud'ani Renoni ta bita Yerusalemu jirtu d'aabani diideesani woliini d'aqani. Ammo Yerusalemuni lafa d'aatu jirtu taani ch'ufa keesaa olbaate, haga fullo Benjaminitifi fullo Moga, ta duri fullo d'ibi qabdu geete, ammalle haga Doofi Hananeliti baate haga fulla daad'i hayyu iti mid'aasanileti ejiti.

Yohana 5:2

Yerusalemu keesa, d'aatu Fullo Ree jed'ani, haro tokoti jira, ta daargula shani qabdu, ta afaani Ebraniatiini Bethzatha jed'ani.

Qaabacha Seera 20:5

Duuba worri gugurdaani askarti ha askartiti dubbate waan jed'uuni, Nami mana jaarate qara ineebisini isani keesa jira? Yo jiraate, ha worra ufiti deebiuti. Yo ka inni indeebiini isa lola keesati ijeesani, nama d'ibiti mana isaa eebisa.