Nehemia 13:12 - KITAABA WAAQA

¹² Jennaani worri Yuda ch'ufti qooda mid'aanitifi daad'ifi d'ad'ale Mana Waaqatini d'ufe.

Nehemia 13:12 Iomraidhean Croise

2 Odu duri 31:4

Tana malele, inni waan worra Yerusalemutini jed'e, Qooda qaaloleefi worra Lawiti duri muranini koota, aka worri Seera AABBO Waaqa ch'alla gula deeme aada isaa guutu.

2 Odu duri 31:5

Akuma qonqooni sunini worra geeteni, worri Israeli waan kana ch'ufa d'ufeeni: Mid'aani, daad'i, d'ad'a, damma, waan oobruuni baaftu d'ibi ch'ufa, ammalle worri qooda waan qabu ch'ufa guddise baase.

Nehemia 12:44

Gaafasi fulla waan Mana Waaqati baasani iti olkayani qooda Waaqa baasani taanaani, mid'aani oobrutifi mid'aani mukha ka qara bilchaata ka ganna ch'ufa Waaqaa baasani taanaani, nama eegu ka mataa iti tolchani. Worri suni qooda mid'aani, ka Seera, gula qaaloleefi worra Lawiti baasani, oobru d'aatu diraa jirtu keesaa guure olkayuu male. Worri Yuda ch'ufti waan qaaloleefi worri Lawi tahe ch'ufa iraa gammade,

Lawi 27:30

Waan lafti baaftu, mid'aani oobrutifi, ka mukhale taanaani, kud'ani keesa toko ka AABBO Waaqaati.

Malaki 3:10

Isani namu waan Waaqaa baasu maltani tokole inhambisina, Mana Waaqatini koota, aka sagaleeni hedduuni achi jiraattu. Duuba AABBO Waaqi waan jed'u, Na ilaalad'a, inagartani, aka anini gubba bane eeba tiyya, ta muumme inqamne, isanii buusu.

Malaki 3:8

Waan anini isani gaafad'u, Nami AABBO Waaqa insoba? Achiini isani na sobdani ammo, Nu akami si somna? jettani. Aki isani na sobdani, waan qabdani kud'ani keesa tokofi waan d'ibi ka naa baaftanile keesa na sobdani.

Qaabacha Seera 14:22

Ganna ch'ufa waan oobruuni teesani baaftu kud'ani keesa toko naa baasa.