Nehemia 1:5 - KITAABA WAAQA

⁵ Ee AABBO Waaqa gubbaa, Waaqa gudda, ka dandae nami sodaa si dura inejine ka nama jaalate seera kanke guutu wold'aqisa woliini tolfatani jabeesitu;

Nehemia 1:5 Iomraidhean Croise

1 Hayyoota 8:23

Waaqa kad'ate waan jed'e, Ee AABBO Waaqa Israeli, Waaqi aka kanketi tokoleeni lafafi gubbale injiru! Atini wold'aqisa gumi tanteetiini woliini tolfatani jabeesite, jaalala tante worra garsiifta, hojja worri garaa tokooni si gula yau.

1 Odu duri 17:21

Gochiti lafa gubba jirtu, ta aka gosa Israeli, ta atini tissooma jalaa baafte nama kanke tolfate injirtu. Wonti mama guddooni ta atini worraa tolchite yayu gurra kanke lafa ch'ufaani qit'eesite. Atini worra kanke lafa Misiri keesaa baafte, ammalle ato worri d'ufu, gosa d'ibi worra kanke duraa gussite.

Kitaaba Izra'aa 1:2

Wonti hayyuuni Ajemi ka Koreshi jed'ani jed'u tana: AABBO Waaqi gubbaa, yayu gudda lafa ch'ufa na tolche, ammalle waan nani jed'e, lafa Yuda keesa, dira Yerusalemu; mana naa jaari:

Nehemia 2:4

Hayyichi waan nani jed'e, Maani feeta re? Jennaani anini Waaqa gubbaa kad'ad'e.

Nehemia 4:14

Anini aka biyyiti mudamte arge jennaani, waan worraafi jaaroleefi gugurda worratiini jed'e, Nyaapa keenna ind'eetina. Qaabad'a, aka AABBO Waaqi ireefi jabeenna qabu; gosa teesanifi ilmaani teesanifi nad'eeni teesanifi olla keesanii jed'a, nyaapa had'a.

Nehemia 4:8

Duuba worri ch'ufti aka d'ufe Yerusalemu had'e waan ch'ufa balleese garagalchu malate.

Nehemia 9:32

Ee Waaqa, Waaqa keenna, guddinni kanke waan akami! Jabeenni kanke akami nama naasise nama mudamsiisa! Atini kara d'ugaatini kakhu duri nu kakhate ch'ufa guuta. Haguma duri bara hayyooti Ashuru nu dabsite haga arrale, nu akasuma gaargala qamna! Hayyootafi jaaroleefi qaaloleefi raagootafi ababootafi gumiini teennaleeni ch'ufti la guddo gaargalte; gaargala keenna gudda suni qaabad'i!

Faaru 47:2

AABBO Waaqi guddaani ka sodaachu malani; inni hayyu gudda, ka lafa ch'ufa fidu.

Faaru 76:8

Atini mura tante gubbuma nama beesifte; gaafa atini olejite dubbi atini murte suni namati himte, nama keesati dabsani ch'ufa baafte, lafti ch'ufti sodaate, afaani qabate.

Faaru 89:2

Anini imbeekha, aka jaalalti tante haga hegeri teete d'ugaani tanteeleni haga gubbani jirtu ch'ufa teetu.

Faaru 89:3

Atini waan jette, Anini nama anini fohad'e wold'aqisa woliini tolfad'e hojattu tiyya Daudi waan jed'eeni,

Faaru 89:8

Ee AABBO Waaqa gudda, jabaani aka keeti tokoleeni injiru. Ee AABBO Waaqa, atini waan ch'ufa keesa d'uga tolchita.

Bahisa 20:6

Ammo anini d'aloota kunki kunki ka na jaalate seera kiyya guutu jaalad'e nahaafi.

Qaabacha Seera 7:12

Yo isani dubbi tana ch'aqaftani garaa tokooni gula deemtani, AABBO Waaqi keesani wold'aqisa isani wold'at'ani kana guute jaalala ufii isani garsiisa, akuma inni ababoota teesaniti kakhate.

Qaabacha Seera 7:21

Tanaafi worra kana insodaatina. AABBO Waaqi keesani isani woliini jira; inninu Waaqa gudda ka sodaatani.

Qaabacha Seera 7:9

Beekha, AABBO Waaqa keesani ch'allati Waaqa, ka dubbi ufi guutu. Inni wold'aqisa ufi guute, jaalala ufile d'aloota kunki ka nama isaa jaalate seera isaa guutu agarsiisa;