Mudhii Yohaannisii 7:3 - KITAABA WAAQA

³ Malaikaani waan jetteeni, Haga nu hojattu Waaqa keenna beesisa adda gubba keennuti, lafafi galaanafi mukha intuqiini.

Mudhii Yohaannisii 7:3 Iomraidhean Croise

Bahisa 12:13

D'iigi mana dibani akheekha isanii taha. Yo anini d'iiga suni arge, isani bira dabra, duuba gaargali anini lafa Misiritiini d'ufu tokoleeni isani ingahu.

Bahisa 12:23

Yo Waaqi aka worra Misiri fit'u lafa Misiri suni ke bahe, siddoofi mikhikila balbalaa irati d'iiga arge, inni mana keesani baase akasiini waan sila nama fit'a suni isaniti seenu d'owa.

Isaya 27:8

AABBO Waaqi gumi ufi lafa nyaapati geese, akasiini gaargala itiini d'ufe. Inni bubbe hamtu ilaboruuti d'ufteeni worra fuud'e itiini d'aabate.

Isaya 54:17

Ammo woraani tokoleeni dandae woma si intolchu; nama si himatu ch'ufa waan jettuuni qabda. Anini hojatu tiyya ch'ufaa kalche, waan ch'ufa worra dabsachiisa. Dubbi tana AABBO Waaqati jed'e.

Isaya 6:13

Ato nama kud'ani keesa nami toko hafele, takacha sunile imballeesani; inni hunda mukha dambi ka murani fakaata. Ammalle akuma hunda suni worri Waaqaa ka d'ibiini late ga baha.

Isaya 65:8

AABBO Waaqi waan jed'u, Nami mid'aani zabibu dansa balleesu injiru, ammo fulla balleesu daad'i mid'aasa. Aninileeni gumi tiyya ch'ufa imballeesu nama naa hojatu anini inuma baasa.

Ezekieli 9:4

Beeni, dira Yerusalemu kana ch'ufa keesa deemi, nama waan hamtu dira kana keesati tolchani ch'ufaa jed'e laalefate bohu, adda isaani beesisa ira kayi.

Ezekieli 9:6

Jaaroleefi kaimafi dubrafi haawanifi ijoollele ch'ufa fit'a, ammo nama beesisa adda iraa qabu tokole intuqina. Huji suni manuma kiyya kanani iti keeyad'a. Duuba worri jaaroluma fulla Mana Waaqa jirtu taanini iti keeyate.

Danieli 3:17

Yo goola ibida keesa nu buusani, Waaqi keenna, ka nu hojannu, dandae nu baasa, ammalle inuma harka kanke keesa nu baasa, ee hayyicha.

Danieli 3:26

Jennaani Nebukadrezani fulla ibida kaani d'ufe, worra kaani yaame waan jed'e Shadraka, Mesheki, Abednego. Hojattu Waaqa gudda, gabaha! Jennaani worri hojuma suni ibida suni keesaa yae.

Danieli 6:16

Jennaani hayyichi seera baase, Danieli qaba, goda nyeench'i miju keesa buusa jed'e. Duuba inni waan Danielini jed'e, Waaqi kanke, ka atini guyya ch'ufa kad'atu, si baasinna

Sefania 2:3

AABBO Waaqa barbaada, isani worri balchichi, ka seera isaa guutu. Waan qajeela barbaada, AABBO Waaqa durati ufi balchoomsa. Hegeri guyya dallansu AABBO Waaqa duraa baatanifa.

Malaki 3:18

Ammalle nama d'ugaafi ka d'ara, ka Waaqaa hojatufi ka inhojannele, gargari beekhani.

Matayo 24:22

Ammo Waaqi ya guyya suni gabaabse; yo inni akasi intolchiini, nami tokoleeni sila imbahu. Maro worra inni fohateefi, Waaqi guyya ingabaabsa.

Matayo 24:31

Magalata gudda d'aani, inni malaika ufi moga lafa afraaniti erga, gumi inni fohate haga muumme tanaafi haga muumme suni woltiguurani.

Yohana 12:26

Nami sila na hojatu ha na gula d'ufu; fulla anini jiru hojattuuni tiyyaleeni jirti jira. Nama na hojatule Abbaani kiyya inguddisa.

Yohana 3:33

Nami dubbi isaa d'ugefatu, aka Waaqi d'uga dubbatu tanaani beesisa.

Roomaa 6:22

Ammo amma isani ya daba jalaa baatani tissele Waaqaa taatani; maro waan kanatifi amma jireenni keesani ch'ufti qulqullo, eegi tana jireenna hegeri argattani.

Mudhii Yohaannisii 13:16

Bineensi kaani nama ch'ufa, diqaafi guddale, dureesafi hiyyeesale, tisseefi balchale, beesisa harka mirgichafi adda gubba keyachiise.

Mudhii Yohaannisii 13:17

Nami tokoleeni dandae woma ingurguru yokhaani imbitatu, yo akheekha kana qabaate male, akheekhi suni maqa bineensa yokhaani akheekha henna maqa isaati.

Mudhii Yohaannisii 14:1

Jennaani anini millannaani Ilme Hoola ta garaa Sioni jed'ani gubba ejitu arge. Isa woliini nama kunki d'iba tokotiifi afurtami afuriti jira, ka maqa isaatiifi maqa Abba isaa adda gubba qabu.

Mudhii Yohaannisii 14:9

Malaikaani d'ibiini, ta sadeeso, lamaani taani gula deemte waan jette, Yo nami tokoleeni bineensafi akheekha isaa ka boch'ani guddise, ammalle akheekha adda yokhaani harka ufi ira argate,

Mudhii Yohaannisii 19:2

Qorsumaani isaa ta d'ugatiifi ta qajeelaati! Inni ya sharmut'iti guddo ta hameenna ufitiini lafa balleesite wollaala iti mure. Waaqi ya maro isiini tissele isaa fit'eefi gaargalche jettu.

Mudhii Yohaannisii 20:4

Jennaani anini barch'uma guddinnatiifi worra ira tatau arge. Jabeenna worri woiini qoru kennaniifi. Ammalle anini lubbu nama, maro worri d'uga Yesoni mulliseefi dubbi Waaqa odeese ijeesani arge. Worri bineensa inguddimne yokhaani akheekha isale, yokhaani beesisa isaa harkafi adda ira inqabu. Worri aka hayyoota tahe, Kristo woliini ganna kunki toko lafa fide.

Mudhii Yohaannisii 22:4

Worri fuula isaa arge, ammalle maqa isaa adda isaani gubbati t'aafatani.

Mudhii Yohaannisii 6:6

Jennaani qonqo gara waan lubbu qaba afurrani d'uftu ta akana jettu d'agaye; T'aasa dargaye huji guyya tokoti baasani, t'aasa sadi ka garbu huji guyya tokoti baasani. Ammo d'ad'afi daad'i iyakina! jed'ani.

Mudhii Yohaannisii 7:1

Eegi waan kana anini malaika afuri ta qota lafa afraani ejitu arge, ta bubbe afraani lafa ira d'owartu, aka bubbeeni tokoleeni lafafi galaana yokhaani mukhati imbubimne.

Mudhii Yohaannisii 7:2

Anini malaika d'ibi ta gara ilaboruti d'uftu, ta beesisa Waaqa jiru harkaa qabdu arge. Isiini qonqo guddooni malaika afraani ta Waaqi jabeenna lafafi galaana balleesitu kenneefi taani yaamte.

Mudhii Yohaannisii 9:4

Buuyofi mukhafi waan dotaata tokole intuqiina, ammo nama beesisa Waaqa adda inqamne balleesa jed'aniini.