Hosea 10:4 - KITAABA WAAQA

⁴ Dubbi injirre dubbatani, wold'aqani kakhu d'ara kakhatani. D'ugani ya badde d'ara taate, aka had'aa oobru keesati baate wo yakiti.

Hosea 10:4 Iomraidhean Croise

Isaya 5:7

Worri Israeli oobru zabibu AABBO Waaqa guddati. Worri Yudaleeni mukha zabibu ka inni oobrate. Inni d'uga worra ira barbaade, ammo d'iiga jissani ch'alla irati arge. Inni qajeeluma worra ira barbaade ammo boha laalala ch'alla d'agaye.

Hosea 4:2

Kakhatani, kakhu suni ch'absani; d'ara dubbatani, nama ijeesani, woi hatani, nad'eeni biyyaa baratani. Ch'ubbuleeni guddatte, guyya ch'ufa wolijeesani.

Hosea 6:7

Ammo worri akuma Adamu wold'aqisa ch'abse, waan d'ara na durati tolche.

Amosi 5:7

Isani ka d'uga balleesitani d'uga nama d'owartani, isani gaargalchani.

Amosi 6:12

Fardi bule ira ingulufa? Galaana qotiyoni inqotani? Hiyo! Ammo isani ya d'uga garagalchitani had'aa tolchitani, ammalle qajeeluma balleesitani daba tolchitani.

Huji Ergattu 8:23

Wonti akanatiifi anini ya arge, atini had'aa had'ooftu qabda, ammalle hid'aansa ch'ubbuu ke jirta.

Roomaa 1:31

hameenna gula yaani, kakhu ufi injabeesani, nama d'ibi inahani yokhaani iyaalani.

Qaabacha Seera 29:18

Eegad'a, aka nami arra arma eju tokoleeni uwa taanaani, d'iira taanaani, worra taanaani, gosa taanaani AABBO Waaqa keenna iraa gore, waaqa gosa d'ibii inkad'anne, yo akasi inni mukha olguddate, had'aafi mid'aani had'ao qabu fakaata.

Qaabacha Seera 31:16

Jennaani AABBO Waaqi waan Musani jed'e, Atini amma ya fulla ababooti tante jirtu d'aqu geete, ammalle eegi atini doote, gumiini naraa gorte wold'aqisa anini worra woliini tolfad'e ch'absiti. Ammalle na lakisani, waaqa worra na imbeenne, ka lafa worri iti qubachu gahe suni keesa jiru, kad'atani.

Qaabacha Seera 31:17

Gaafasi anini worrati dallane, fuula ira deefad'e worra biraa deema, duuba worra imballeesani. Gaargali hamaani hedduuni worrati d'ufa, duuba worri, aka wonti kunini ch'ufti, maro anini worra lakiseefi, worrati d'ufte hubata.

2 Timotheo 3:3

arja tahu didani, naasu lakisani, maqa wolt'ureesani, woldidani, wolhad'ani, waan dansa jibbani;

Ebrania 12:15

Eegad'a, aka nami tokoleeni eeba Waaqa ind'amne. Eegad'a, aka nami tokoleeni mid'aani had'aa qabu tahe, nama heddu had'aa isatiini ingaargalchine.