Filipi 4:9 - KITAABA WAAQA

⁹ Waan dubbi tiyyaafi huji tiyyale keesa, nara argattani nara barattani guuta. Duuba Waaqi nagaya nuu kennu isani woliini taa.

Filipi 4:9 Iomraidhean Croise

Isaya 41:10

Tanaafi insodaatina, anini isani woliini jira! Anini Waaqa keesani wonti tokoleeni isani imudansisini! Anini isani jabeese isani qarqaare, irre isanii tahe harka kiyyaani isani baasa.

Isaya 8:10

Mala d'aad'a! Ammo mali sunileeni woma imbahu, haga feetani dubbad'a, ammo dubbini sunini woma keesa injirtu, wonti akanatiifi Waaqi nu woliini jira.

Matayo 1:23

Ilaala, intalti dubra garaachoofte ilma deeti. Maqa isa Imanueli baasani. Akasi jechaani Waaqi nu woliini jira jechu.

Matayo 28:20

waan anini isani barsiise ch'ufa guuta worraani jed'a. Beekha, haga guyya muummele anini isani woliini jira.

Matayo 7:21

Nami Aabbo, Aabbo, naani jed'u ch'ufti Finna gubba inargattu, ammo nama fed'i Abba kiyya ka gubba jiru guutu ch'allati argata.

Luqaas 6:46

Isani maalifi, Aabbo, Aabbo naani jettani ammo waan anini jed'u inguunne?

Luqaas 8:21

Ammo inni waan worraani jed'e, Haad'a tiyyaafi oboleyaani tiyya nama dubbi Waaqa d'agaye tolchu.

Yohana 13:17

Yo isani waan kana beetani tolchitani, ayyaana keesani!

Yohana 15:14

Isanileeni jaalani tiyya, yo waan anini isaniti hime guuttani.

Yohana 2:5

Haati isaa waan hojattuuni jette, Waan inni, Tolcha jed'u ch'ufa tolcha.

Huji Ergattu 9:6

Ammo kai, dira seeni, waan atini tolchu malte achiti siti himani.

Roomaa 15:33

Waaqi, ka nagaya nuu kennu, isani ch'ufa woliini tahinna. Amini.

Roomaa 16:20

Duuba Waaqi, ka nagaya nuu kennu, d'iotu Sheet'ana miila keesani jalati ch'arasa. Eebiti Aabbo Yeso isani woliini jiraatinna.

1 Korintho 10:31

Duuba waan tolchitani ch'ufa, yo nyaattani d'uuddanile, maro guddinna Waaqaatiifi tolcha.

1 Korintho 14:33

Wonti akanatiifi Waaqi aka nu wolti goonu infed'u, ammo inni aka nu nagayaani teennu fed'a. Akuma woldeenna gumi ch'ufa keesa,

1 Korintho 4:16

Tanaafi, anini isani kad'ad'a, aka kiyya taha.

2 Korintho 13:11

Amma, oboleyaani tiyya nagayati! Waan qit'ooma barbaada; waan inni jed'u ch'aqasa; wold'aqa, nagayaani woliini taa. Yoosi Waaqi nagayaatiifi ka jaalala isani woliini taa.

Qaabacha Seera 5:1

Musani gosa Israeli ch'ufa wolti yaame waan jed'eeni, gosa Israeli, Seera anini arra isani kennu ch'ufa d'agaya, barad'a, aka dansaa jabeesa, guuta.

Filipi 3:17

Wold'aqa, na fakaad'a, oboleyaani isaniini ch'ufti. Nu ya kara d'uga isani agarsiimne; worra gula yau ilaala.

Filipi 4:7

Nageenni Waaqaa, ka nami hubachu indandeenne, garaa keesaniifi qalbi teesani inqorqorata, Kristo Yeso keesati.

1Tasaloonqe 1:6

Nuufi Aabbo ufi fakeesitani; ammo ato guddo gaargaltanile, gammada Lubbu Qulqullo iraa argataniini dubbi aka dansa fud'atani.

1Tasaloonqe 2:14

Isanileeni, oboleyaani tiyya, akuma gumiini Waaqa ta Kristo, Yeso, ta Yudea keesa jirtu taate, taatani. Akuma worri lafa teesani isani gaargalche, akuma suni worrale Yahudiini

1Tasaloonqe 5:23

Waaqi nagaya nuu kennu, ka is isaa isani tolfatiinna, lubbufi onneefi nafa keesani wollaala ira d'owiina, gaafa Aabbo Yeso Kristoni d'ufu.

2Tasaloonqe 3:4

Aabbooni ya isani nu d'ugefachiise; ammalle nu imbeenna, aka isani waan nu isaniti himnu ch'ufa arrafi hegerile guuttani:

2 Timotheo 4:22

Aabbooni lubbu tante woliini tahinna. Eebitileeni isani ch'ufa woliini tahinna.

Yakobo 1:22

Dubbi isaa ch'aqaftani ufi indaallesiina, ammo dubbi suni guuta.

2 Petro 1:10

Tanaafi oboleyaani tiyya, jabaad'a, aka yaamicha Waaqaatiifi fohacha isaa waan guyya ch'ufa tolfattani; wonti akanatiifi yo waan kana tolchitani haga jirtani injiddani.

1 Yohona 3:22

Waan kad'annu ch'ufa isa ira inarganna, maro nu seera isaa guunne waan isa gammachiisa tolchinufi.