Filipi 4:19 - KITAABA WAAQA

¹⁹ Waaqi kiyya, durooma Kristo Yeso keesa jiru ch'ufaani waan isani feetani ch'ufa isani kenna.

Filipi 4:19 Iomraidhean Croise

Uumama 48:15

Jennaani inni Yusufu eebise waan jed'e, Waaqi abbootini tiyya Abrahamufi Isaaqooni hojatteefi ijoolle tana eebisinna! Waaqi ka haga arra naani gahe isi eebisinna!

2 Samueli 22:7

Gaargala kiyya keesa anini AABBO Waaqa yaamad'e, na qarqaari jed'eeni. Mana isaa keesa inni qonqo tiyya d'agaye. Iyyanti tiyya isani baate.

2 Odu duri 18:13

Ammo Mikayaani waan jed'eeni, Anini maqa AABBO Waaqatini kakhad'a, aka waan Waaqi kiyya, jed'i naani jed'u ch'alla jed'u!

2 Odu duri 31:8

Hayyu Hezekiafi jaaroleeni waan baasani kana ch'ufa agarte jennaani AABBO Waaqa faarsite gumi isaa ta Israeli eebifte.

Nehemia 5:19

Ee Waaqa kiyya, anini si kad'ad'a, waan dansa anini worra kana tolche kana, jed'i na qaabad'i.

Nehemia 9:15

Worri beelae jennaani qit'a gubbaa buufteefi, worri d'eebonnaani; bisaani d'akha keesaa baafteefi. Atini beena, lafa duri anini isanii kakhad'e fud'ad'a worraani jette.

Faaru 104:24

Ee AABBO Waaqa, atini waan heddu uumte! Atini qarooma akamitiini waan kana ch'ufa uumte. Wonti atini uumte sunini ch'ufti ya lafa guute.

Faaru 130:7

Ee Israeli AABBO Waaqa abdad'i, jaalalti isaa ind'umatu, inni hojja ch'ufa kurfo jira, aka si baasu.

Faaru 36:8

Nu sagale guddo atini nu kennite sooranne; dansuma tante ta aka galaana yaatu d'unna.

Faaru 84:11

AABBO Waaqi aka aduu nuu tahe, aka wonte nu qorqorate, nu qarqaare, guddinna nuu kenne, nu eebise. Inni nama d'uga gula deemu waan dansaa tokole ind'owu.

Danieli 6:22

Waaqi malaika ufi erge afaani nyeench'a ch'ufe, nyeench'i woma tokole na intolchine. Wonti inni akasi tolcheefi, waan anini takaa isa durati wollaala intolchinifi, ammalle sile takaa waan hamtu intolchine, ee hayyicha.

Mika 7:7

Ammo anini gama kiyyaani AABBO Waaqa eegad'a; Waaqa kiyya, ka na baasu, heregad'a; ka na d'agayu isuma.

Malaki 3:10

Isani namu waan Waaqaa baasu maltani tokole inhambisina, Mana Waaqatini koota, aka sagaleeni hedduuni achi jiraattu. Duuba AABBO Waaqi waan jed'u, Na ilaalad'a, inagartani, aka anini gubba bane eeba tiyya, ta muumme inqamne, isanii buusu.

Matayo 6:32

Worri Waaqa imbeenne waan kana ch'ufa barbaada. Abbaani keesani ka gubba jiru aka isani waan kana ch'ufa feetani imbeekha.

Yohana 20:17

Yesoni waan isiini jed'e, Naa inqabatini, anini qara gara Aabbo olindeemne. Ammo gara oboleyaani tiyya d'aqi waan jettuuni, Anini gara Abba kiyyatiifi Abba keesani, gara Waaqa kiyyatiifi gara Waaqa keesani oldeema, jed'i iti himi jed'e.

Yohana 20:27

Jennaani inni waan Tomasoni jed'e, Quba kanke achi asi gaqabad'u, harka kiyya ilaali; ammalle harka kanke asi gadi d'eerefad'u, t'iit'a tiyya keesa kayi. Ind'areefatiini, ammo d'ugefad'u!

Roomaa 1:8

Qaraa fit'e anini Waaqa kiyya Yeso Kristo keesa galata deebisa, maro isani ch'ufatiifi, waan lafti ch'ufti d'ugefacha teesani d'ageeteefi.

Roomaa 11:33

Duroomi Waaqaa waan gudda! Qalbifi hubachaani isaa waan guddo! Eentu waan inni muru beekha? Eentu kara isaa hubata?

Roomaa 2:4

Hegeri arjoomafi naasufi obsa isaa tuffatta. D'uguma arjooma Waaqa, aka inni daba ira si deebisu fed'u, inagarta.

Roomaa 8:18

Waan anini sehu, gaargali nu amma argannu kunini guddinna nu hegeri argannuuni wolti ind'ufu.

Roomaa 9:23

Ammalle inni durooma guddinna ufi mullisu fed'e, ka eele ta inni nahufiti naqani, worra inni kurfeese aka guddinna ufi qooduufi.

2 Korintho 12:21

Insodaad'a, aka yo anini ammalle d'ufu, Waaqi kiyya fuula keesani durati na diqeesa, ammalle aka anini worra duri daba tolche, ammo hameenna suni ka aka daba algaloomatiifi ka d'araa hamtu ira indeebiini bohu.

2 Korintho 4:17

Gaargali diqaani, ka yoosu hobau, ka nu qamnu kunini eegi tana guddinna hegeritiini nu d'ufa, ka gaargala suni ira jiru.

Efessoon 1:18

Wonti anini kad'ad'u, aka qalbiini teesani banamte ifsa isaa argitani, aka isani abdi inni iti isani yaameefi eeba durooma ta inni gumi isaati kakhate hubattani,

Efessoon 1:7

Inni d'iiga ufitiini nu bite nu baase, daba keenna nu araarame. Eebiti Waaqa,

Efessoon 2:7

Wonti inni waan kana tolcheefi, aka hojja ch'ufa durooma eeba isaa, ta inni Kristo Yeso keesa qabu, nu agarsiisu.

Efessoon 3:16

Anini Waaqa kad'ad'a, aka inni durooma guddinna ufitiini jabeenna Lubbu Qulqullo ta garaa keesani jabeesitu isanii kennu,

Efessoon 3:8

Anini gumi Waaqa ch'ufa maand'a qit'issu, ammo Waaqi huji gosa d'ibiti Odu Dansa odeesani nati kenne, aka durooma Kristo ka ind'umanne barsiisu,

Filipi 4:7

Nageenni Waaqaa, ka nami hubachu indandeenne, garaa keesaniifi qalbi teesani inqorqorata, Kristo Yeso keesati.

Kolosai 1:27

Heregi Waaqa kana: aka waan guddo mama ka duri d'ossani amma gumi ufiti mullisu. Wonti qara d'ossani suni tana: Kristoni isani keesa jira, wonti kunini aka isani guddinna Waaqa argattani agarsiifti.

Kolosai 3:16

Dubbini Kristo, ha guddatte, garaa keesani keesa ha teetu. Qalbi ch'ufaani wolbarsiisa, wolgorsa. Waaqaa faarsa, sirba isaa sirba, faaru isaa d'ahad'a, garaa keesaniini Waaqa galata deebisa.

1Tasaloonqe 2:12

Isani jabeesine, isani qarqaare, jireenna Waaqa isani yaame finnafi jabeenna isaa isanii qoodu gammachiisu, keesa taa jenne.

1 Timotheo 6:17

Dureeyi lafa tanatiini ufi inguddisiina, abdi teesani durooma lafa tanaa, ka nami waan isi aka imbeenne ira inkeyatina, ammo Waaqa ka arjoomaani waan ch'ufa namaa kennu gubba keyad'a jed'iini.

Filemoni 1:4

Hojja anini Waaqa kad'ad'u ch'ufa, oboleesa Filemoni, anini maqa kanke d'ae galata Waaqa deebisa.

1 Petro 5:1

Anini jaarole gumi ta jiddu teesani jirtu kad'ad'a, anileeni jaarsa. Anini gaargala Kristo ila tiyyaani arge, duuba guddinna eegi tana mullisani qooda keesaa qaba. Anini isani kad'ad'a:

1 Petro 5:10

Ammo eegi isani bulti diqo toko gaargaltani, Waaqi eeba ch'ufa, ka aka guddinna Kristo woliini qoodattani isani yaame, isani qit'eese, jabeenna isanii kenne, yayaba jaba isanii mid'aasa.