Danieli 9:11 - KITAABA WAAQA

¹¹ Nami Israeli ch'ufti seera kanke ch'abse, jecha kanke ch'aqasu dide iraa gore. Nu siti ch'ubbamne, tanaafi atini abaarsa, seera hojattu tante Musa keesati t'aafani, nutini d'ufte.

Danieli 9:11 Iomraidhean Croise

2 Hayyoota 18:12

Wonti dira Samaria nyaapi dabsateefi waan worri Israeli AABBO Waaqa isaani lakise, wold'aqisa duri woliini tolfatani ch'abse, seera Musani hojattuuni AABBO Waaqa worraa kenne guutu dideefi. Worri waan suni inch'aqamne yokhaani diqole inguunne.

2 Hayyoota 22:16

AABBO Waaqi Israeli waan jed'u, Anini Yerusalemu nama isa ch'ufa ingaargalcha, akuma kitaaba hayyu soomani keesati t'aafani.

Isaya 1:3

Looni abba ufii imbeekhani, harreleeni gombo abba ufii imbeeti. Ammo gumiini tiyya ta Israeli na imbeetu worri woma tokole inhubatu.

Isaya 43:28

hayyooti teesanileeni mana kiyya qulqullo t'ureesite. Tanaafi anini badi Israelitini d'ufe, gumi tiyya miid'aati lakise.

Yeremia 16:11

atini waan jettuuni, AABBO Waaqi waan jed'u, waan abbootini teesani na lakifte waaqa d'ibi gula yaate hojateefi, ammalle na lakifte seera kiyya ch'absitefi. Isani akasi taatani.

Yeremia 2:29

Gungumsuni te maani? Maafi nati garagalte na didda?

Yeremia 30:14

Jaalani teesani ch'ufti ya isani deete, worri diqole waan keesani iyyaalu. Waan dabi keesani heddate, ch'ubbuuni teesani lafa ira dabarteefi, anini aka nyaapa isani had'e gaargala gudda isanitini d'ufe.

Yeremia 32:23

Ammo gaafa worri lafa tana seene fud'ate, worri seera kanke inguunne yokhaani barsiisa tante gula iyyaane; waan atini Tolcha jetteeni tokole worri intolchine. Duuba akanaani atini badii tana worra kanatini d'ufte.

Yeremia 40:3

duuba amma tana inni waan jed'e, suni ya guute. Wonti waan kana ch'ufa tolchanifi, waan worri gosa teesani AABBO Waaqati ch'ubbame, dubbi isaa ch'aqasu dideefi.

Yeremia 44:22

Guyyuma kana lafti teesani badde ona taate, nama keesaa d'abani. Isii, nami yo arge iraa rifate, maqa isiitiini woli abaara; wonti akanatiifi AABBO Waaqi hameennaafi ch'ubbu isani tolchitani tana ya obsu dad'abe.

Yeremia 44:23

Wonti badiini tunini isani qabateefi, waan isani waaqoota d'ibi hit'aana aarsitani, aadaafi seera AABBO Waaqa lakiftani, akasiini ch'ubbu ke buutani.

Yeremia 6:19

Ee lafa ch'aqasi! Waan worri woi malateefi anini badi itiini d'ufa; wonti akanatiifi worri dubbi tiyya dide seera kiyya ch'abse.

Danieli 9:13

gaargala Seera Musa keesati t'aafani ch'ufa nutini d'ufte. Ammo ato akasile taate, ee AABBO Waaqa keenna, nu dabaafi ch'ubbu teenna lakimne d'uga tante gula deemne si gammachimne.

Danieli 9:5

Nu yayu ch'ubbamne hameenna gula baane waan hamtu tolchine. Nu aadafi seera kanke lakimne iraa gorre.

Zekaria 1:6

Raagoota hojattu tiyyatiini anini ababoota teesani seerafi aada tiyya barsiise gorse, ammo worri ch'aqasu dide gaargala argate. Jennaani worri iraa deebie waan jed'e, AABBO Waaqi Guddaani, akuma inni herege, waan jireenna keennafi hujiini teenna malteefi nu tolche.

Zekaria 7:12

garaa ufii aka d'akha jabeesite. Waan worri barsiisa anini duri raagootaani erge ch'aqasu dideefi, anini guddo worrati dallane.

Zekaria 8:13

Ammalle isani, worra Yudatifi ka Israeli! Duri nyaapi woli abaare waan woliini jed'e, Akuma Yerusalemufi Yudaani gaargala argate, Waaqi isani gaargalchinna! Ammo eegi anini taka tana isani baasu, nyaapi kaani akana woli eebisa: Waaqi akuma Yudafi Israeli eebise isani eebisinna! Tanaafi jabaad'a, insodaatina!

Qaabacha Seera 8:20

Yo isani AABBO Waaqa d'agayu diddani, akuma gosa taani ta inni isani dura balleese isanile balleesa.