Danieli 3:25 - KITAABA WAAQA

²⁵ Inni waan jed'eeni, Anini maanifi nama afuri ka ufumaa ibida keesa yau arga re? Worri hid'ansale inqabu ammalle nafi worraleeni diqole ingubanne namichi afreeso suni, inninu waaqa fakaata.

Danieli 3:25 Iomraidhean Croise

Aayubu 1:6

Guyyaani malaikaani AABBO Waaqaa durati mullattu geennaani, Sheet'anileeni worra woliini d'ufe.

Aayubu 38:7

Guyya suni bakalchi ganama woliini sirbe malaikaleni gammadani iyyite.

Aayubu 5:19

Inni maro heddu gaargala keesaa si baase, duuba deebie gaargali si inqabatu.

Faaru 34:7

Malaikaani AABBO Waaqa, nama isa sodaatu eedde, gaargala keesaa baafti.

Mammaasa 30:4

Eenuti taka gara Waaqa d'aqe ga deebie? Eenuti taka bubbe harka ufitini qabe? Eenuti taka woya ufitini bisaani hid'e? Eenuti taka daari lafaa mid'aase? Nama suni maqa isaatiifi ka ilma isa beeta?

Isaya 43:2

Hojja isani bisaani qile keesa buutanile anini isani woliini jira; yo galaana keesa deemtanile bisaani isani illiqimsani. Yo ibida keesa yaatanile ingubattani; bobai ibidaa woma isani tolchu.

Yeremia 1:8

Anini si woliini jira, woma insodaatini, anumati si qorqorata. Nami waan kana jed'e ana, AABBO Waaqa!

Yeremia 15:21

Anini harka nama hamaatifi harka nama woyaku jalaa si baasa. Nami dubbi tana jed'e ana, AABBO Waaqa.

Danieli 3:18

Ammo yo inni nu baasule baate, nu waaqa kanketifi akheekha worqiini mid'aasani ka atini old'aabde durati gajenne inkad'annu, beekad'i.

Danieli 3:24

Jennaani maro tokotu Nebukadrezani mame olch'ee waan jara ufitini jed'e, Nu nama sadi hiine ibida keesa imbumne? Worri waan jed'eeni, Ee, yayu buumne.

Danieli 3:28

Hayyichi waan jed'e, Waaqa Shadrakatifi ka Meshekitifi ka Abednego faarsa! Inni malaika isaa erge, jara hojattu isaa ka isa d'ugeefate kana, baase. Worri lubbu ufi jibbaate seera kiyya ch'abse fulla gajed'e Waaqa isaani male waaqa d'ibi kad'atu.

Danieli 6:23

Hayyichi aka male gammade waan jed'e, Danieli goda suni keesaa baasa. Jennaani Danieli qulqulicha woma intahini goda kaani keesa fuud'ani, waan inni Waaqa ufi d'ugeefatefi.

Mariko 16:18

yo bofa harkaani qabani olfuud'ani, yokhaani had'ale d'ugani woma intahani; nama fayya inqamne harka ira kayani fayyisani.

Luqaas 1:35

Malaikaani waan jetteeni, Lubbu Qulqulloti siti d'ufa, jabeenni Waaqa Gudda siti gaadiseesa. Tanaafi daima qulqullo d'alatu sunini Ilma Waaqa jed'ani.

Huji Ergattu 28:5

Pauloni bineensa kaani ibidati fit'ate ammo woma intaane.

Roomaa 1:4

ammo gara Lubbu Qulqullo gula aka inni Ilma Waaqa jabeennaani nama agarsiisani, waan duisa keesaa isa kaasaniifi.

1 Petro 3:13

Eentu wo isani tolcha, yo isani waan dansa guddo tolchu feetani?