Danieli 2:23 - KITAABA WAAQA

²³ Anini si faarseti si guddisa, ee Waaqa ababoota tiyya; atini yayu qaroomafi jabeenna naa kennite kad'acha tiyyale d'ageete, waan nu hayyuti himnu nu garsiifte.

Danieli 2:23 Iomraidhean Croise

Uumama 18:17

AABBO Waaqi waan jed'e, Anini waan tolchu fed'u kana Abrahamu ind'ossu.

Uumama 31:42

Ato Waaqi abbooti tiyya, Waaqa Abrahamuuni yaamate Isaaqooni sodaate na woliini jiraachuu baate, atini sila arra kale harka duwa na ingalchiini. Ammo Waaqi ya d'iba kiyyafi huji anini harka kiyyaani hojad'ele ch'ufa arge, duuba edda wollaala siti mure.

1 Hayyoota 18:36

Galgala yoi sorio baasani gahe jennaani Eliyaani fulla sorio irati qalani suniti d'iaate Waaqa kad'ate waan jed'e, Ee AABBO, Waaqa Abrahamutifi ka Isaaqotifi ka Yakobo, arra ha beekhani aka atini d'uguma Waaqa Israeli, ammalle aka anini hojattuuni tante waan kana ch'ufa jecha kanke gula tolche.

1 Hayyoota 8:57

AABBO Waaqi keenna nu woliini jiraatinna, akuma inni duri ababoota teenna woliini jiraate: Inni haguma jiru nu lakise nu bira indeemini:

1 Odu duri 29:10

Jennaani hayyu Daudini gumi suni ch'ufa durati AABBO Waaqa akana jed'e faarse: Ee AABBO, Waaqa ababo keenna Yakobo, haga jiru jireenna ha si faarsani!

1 Odu duri 29:13

Amma, Waaqa keenna, nu galata si deebifne maqa kanke gudda faarsina.

2 Odu duri 20:6

Waaqa kad'ate waan jed'e, Ee AABBO, Waaqa ababoota teenna, atini gubbaa lafa ch'ufa imohatu? Atini irreefi jabeenna qabda, eenu dandae si dabsata?

Faaru 21:2

Atini waan garaani isaa fed'u isaa kennite, waan inni kad'atu guuteefi.

Faaru 21:4

Inni jireenna si kad'annaani, jireenna haguma jiru ind'umanne kenniteefi.

Faaru 25:14

AABBO Waaqi nama isa sodaatu jaala tahe wold'aqisa inni worra woliini tolfate jabeesa.

Faaru 50:14

Sorioni isani Waaqaa baaftani ha galata isani isaa deebiftani ch'alla taatuti; waan imbaamnaafi jettani ch'ufa Waaqa gudda baasa.

Bahisa 3:15

Ammalle Waaqi waan Musani jed'e, Dubbi tana worra Israeliti himi waan jettuuni, AABBO, Waaqa ababoota teesani, Waaqa Abrahamu, ka Isaaqo, ka Yakobo, ya gara keesani na erge. Haga jiru jireenna maqaani kiyya kana, maquma kanaani d'aloota ch'ufti na yaama.

Mammaasa 21:22

Abbaani duula qarooni dira naabo jabduuni jaarani had'e dabsate, naabo worri d'aabatule ch'abse balleesa.

Mammaasa 24:5

Nami qarooma qabu nama jaba, irre qabu, ira jira, nami beekha qabuleeni nama jaba ira jira.

Mammaasa 8:14

Anini mala d'aad'e, mala suni hojad'a; anini hubachaafi irreele inqaba.

Abba herega 7:19

Hayyoota kud'ani ta dira toko keesa jirtu ira qaroomi nama qaro jabeesa.

Abba herega 9:16

Akuma anini guyya ch'ufa jed'u, qaroomati irre ch'aala, ammo nami tokoleeni nama hiyyeesa qaro insehu, yokhaani waan inni jed'u jala inqabani.

Abba herega 9:18

Qarooni miha lola ira wo mid'aasa, ammo ch'ubbichi toko waan dansa heddu balleesa.

Isaya 12:1

Guyyaani ind'ufa, ka nami sirbe akana jed'u: Ee AABBO Waaqa, anini si faarsa! Atini qara ya nati dallante, ammo amma dallansuuni tante ya siraa galte, atini garaa na jabeesita.

Yeremia 33:3

Na yaami si, jalaa owaad'a, duuba waan mama dansa ka atini waan isii imbeenne siti hima.

Danieli 1:17

Waaqi jara kaima afrani kaani beekhafi hubacha waan soomanini baratani kenneefi. Tana malele inni Danieli qalbi inni daayyafi oobjuuni himu kenneefi.

Danieli 2:18

waan jed'eeni, D'iiro, Waaqa gubba kad'ad'a, aka inni nuu nahe, waan nu imbeenne kana nuti himu, aka akasiini nuufi jara Babiloni kaani woliini inhobaamne.

Amosi 3:7

AABBO Waaqi Guddaani ka waan tolchu fed'u hojattu isaa raagati inhimini woma intolchu.

Matayo 11:25

Hojja suni Yesoni waan jed'e, Anini galata sii deebisa, Ee Aabbo, Abba lafafi gubba, waan atini waan kana worra qalbi qabuufi worra wo barate d'ossite ijoolle didiqoti mullifteefi.

Luqaas 10:21

Hojuma suni inni gammada Lubbu Qulqullotiini waan jed'e, Galata si deebisa, Aabbo, Abba lafafi gubba, waan atini waan kana qarofi nama wo beekhu d'ossite ijoolle didiqo garsiifteefi. Ee, Aabbo, wonti akana kuni fed'i tanteti.

Yohana 11:41

Duuba d'akha suni iraa gangalchani. Yesoni olmillate waan jed'e, Aabbo, galata sii deebisa, waan atini na d'ageetuufi.

Yohana 15:15

Armaa achi tissele isaniini injed'u; wonti akanatiifi tisseeni waan abbaani tolchu imbeetu. Ammo anini jaalaani isaniini jed'a, waan dubbi Abba kiyya iraa d'agaye ch'ufa isaniti odeeseefi.

Mudhii Yohaannisii 1:1

Tunini waan Waaqi Yeso Kristoti mullise, aka inni waan d'iotu taha hojattu Waaqaa agarsiisu. Kristoni malaika ufi Yohanati erge waan kana beesise.

Mudhii Yohaannisii 5:5

Jennaani jaarsi toko waan naani jed'e, Imbohiini, ilaali! Nyeench'i gosa Yuda, ka d'aloota Daudi, ya dabsate, inni beesisa torbaani ch'abse woraqata banu indandaa.