Danieli 11:36 - KITAABA WAAQA

³⁶ Hayyuuni lafa mirgaa waan fed'u tahe, anini waaqa ch'ufa ira jira jed'e ufi guddise, Waaqa guddale aka hama arabse akasiini nama mamsiisa. Inni haga Waaqi dallane badi isatini d'ufuti akasuma taha. Waaqi waan herege suni inuma guuta.

Danieli 11:36 Iomraidhean Croise

Faaru 136:2

Waaqa, waaqoota ch'ufa ira jiru, galata deebisa; jaalalti isaa haga jirtu ind'umatu.

Faaru 33:10

AABBO Waaqi mala gosa d'ibi balleese, herega biyyale yaka.

Mammaasa 19:21

Nami garaa ufi keesaa mala heddu qaba, ammo fed'uma AABBO Waaqati taha.

Isaya 10:23

Lafa ch'ufa keesa AABBO Waaqi guddaani badiini d'ufa, akuma inni duri jed'e kaani.

Isaya 10:25

Bulti diqooti, dallansuuni anini isaniti dallanu naraa galti, duuba anini worra suniti dallane balleesa.

Isaya 10:5

AABBO Waaqi waan jed'e, Anini worra Ashuru boku tolfad'e nama anini iti dallaneeni d'aana!

Isaya 14:13

Atini garaa kanketi, Anini gubbati olgale, barch'uma kiyya, ka hayyuma, urji gubba ira taa jetta. Ammalle anini gaara mirga fulla iti wolwoldaani taa jetta.

Isaya 14:14

Anini fiit'e dumansa kore Waaqa gudda fakaad'a jetta.

Isaya 26:20

Gumi tiyya, kaa manati gala, balbala ch'ufad'a, haga dallansuuni Waaqa iraa galtuti d'okhad'a.

Isaya 30:33

Duri duri, fulla ibidi guddaani toko hayyu Ashuru iti gubu kurfeesani. Fullaani sunini gadi qile, ammalle ballo, qoraanileeni arti miju. Duuba AABBO Waaqati hafuura isaatini ibida gabaase guba.

Isaya 46:10

Anini duriyu waan takaa tana taha fage; haguma duriti waan lafti taatu hime. Anini waan jed'e, mali kiyya inhanqatu wonti anini herege guutamtu male inteetu.

Isaya 57:9

Isani qayya naqattani d'ad'a ibsatani, waaqa keesani ka Moleki jed'ani kad'achu d'at'ani. Isani barbaada waaqoota nama fulla ch'ufaa ergitani, fulla ekheraani teetuleeni baatani.

Ezekieli 28:2

Namicha, waan atini hayyu Tirotini jettu, Atini ufi guddifte, kiyyibde keesa dabarte, waaqa ufiini jette. Ammalle atini, Anini waaqa ka barch'uma guddinna ira jiddu baariini tau jetta. Ato waaqa ufi tolchitele atini waaqaniti, namuma.

Ezekieli 35:13

Anini aka isani kiyyibdani, dubbi heddu dubbattani afaani keesanini ufi guddiftanile ya d'agaye.

Danieli 11:16

Nyaapi mirgaa d'ufu kaani waan fed'u worra tolcha, nami dandae d'owu injiru. Nyaapi suni lafa gabbo d'ufe waan fed'u keesati tolcha.

Danieli 11:3

Duuba eege hayyichi jabaani toko d'ufe, lafa ballo guddo mohate waan fed'u taha.

Danieli 11:37

Hayyichi suni waaqa ababooti isaa kad'atufi waaqa nad'eeni jaalatule yalabaha. Inni waaqa tokole womatu indaru, wonti akanatiifi inni waan waaqa ch'ufa ira jiru ufi seha.

Danieli 12:7

Malaikaani taani harka lachu gara Waaqa olqabatte, maqa Waaqa haga jiru jireenna jirutini kakhate waan jette, wonti sunini eegi ganni sadiifi jii jaa dabre guutamti. Gaafa gumi Waaqa gaargalchani iraa deebiani wonti kunini gaafasu ya guutamte. Gaafa isiini dubbi suni jette anini artuma jira.

Danieli 2:47

Ammalle hayyichi waan Danielini jed'e, D'uguma Waaqi kanke Waaqa Waaqa ch'ufati, ka abba hayyoota ch'ufa ka waan d'ossani ch'ufa namaa mullisu, Tanaafi atini waan d'ossani kana dandeete nati himte.

Danieli 4:35

Inni nama lafa keesa jiru ch'ufa womatu indaru, malaikaani gubbatiifi nami lafaleeni ch'ufti finna isaa jalati bula. Nami woi isani morme, Atini maani taata? jed'e gaafatu injiru.

Danieli 5:19

Waan inni akasi guddinna argatefi nami gosa gosatifi ka d'aloota d'alootatifi ka afaani afaani dubbatuleeni ch'ufti sodaate isa durati hollate. Inni nama fed'u ijeese, ka fed'u lakisa, nama fed'u guddinna kenne ka fed'u iraa fuud'a.

Danieli 5:20

Ammo inni kiyyibe, naasu d'abe garaa jabannaani barch'uma isaa ka hayyuma iraa buusani guddinna d'owani.

Danieli 7:8

Ato anini tae gaafa isaa suni ilaalu, gaafi diqaani toko jiddu gaafa kaanitini bahe, gaafi diqaani suni gaafa gugurda kaani sadi bubuqise. Gaafi diqaani suni ila namaatifi afaani kiyyibo ufi totolcha qaba.

Danieli 8:19

Waan nani jed'e, Anini waan dallansuuni Waaqa gadiini d'uftu si garsiisuu jira. Daayyani tunini waan gaafa guyya muumme lafti taatu d'oofti.

Danieli 8:4

Anini elemo kaani, ka gaafa isaatini mirgaafi bitaafi ila adu had'u arge. Bineensi tokoleeni ka isa ufira d'owe yokhaani duraa bahu injiru. Inni waan fed'u tahe ufi d'aada.

Zekaria 11:16

Anini yayu hooliye tiyya tissitu iti tolche, ammo inni hooliye badi yaatu ind'owu, yokhaani ta baddele imbarbaadu, yokhaani ta fayya d'abdele iwolaanuuni, yokhaani ta haftele intissu.

Yohana 5:30

Anini dandae ufiti woma intolchu: aka Waaqi nati himu gula qora; qorsumaani tiyya ta d'ugaati; wonti akanatiifi anini fed'i tiyya inbarbaadu ammo fed'i abba na erge barbaada.

Yohana 6:38

Wonti anini gubbaa gadi d'ufeefi aka fed'i tiyya guutuuniti, ammo aka fed'i nama na erge guutu.

Huji Ergattu 4:28

Worri wold'aqe aka waan ch'ufa ka atini harka kanketiifi fed'i tantetiini qara buufatte tolchani.

Qaabacha Seera 10:17

AABBO Waaqi keesani Waaqa Waaqa ch'ufa ira jirufi jabeenna, jabeenna ch'ufa ira jiru. Inni gudda jaba ka nami sodaatu: ka nama gargari infillee yokhaani ka gumbo inyaanne.

2Tasaloonqe 2:3

Nami tokoleeni kara tokoleeni isani insobini. Guyyaani ind'ufu, haga Loli guddaani tahe Nami Hamaani ka fulla ibidati male mullatuuti.

2Tasaloonqe 2:4

Waan nami kad'atuufi ka nami guddisu ch'ufa inni indida. Inni waan ch'ufa ira ufi guddise, d'aqe Mana Waaqa keesa tae Waaqa ufiini jed'a!

2Tasaloonqe 2:8

Jennaani Hamaani Suni mullate, Aabbo Yesoni hafuura afaani isaatiini isa ijeese, d'ufiisa isaa ka guddinnatiini lafaa isa balleesa.

Yoshua 22:22

Jabaani Waaqa! Inni AABBO! Inni waan nu akana taanefi imbeekha nuleeni aka isani beetani feena! Yo nu AABBO Waaqa d'ugefachu lakimne isa gula yau dinne, arruma nu hobaasa!

Mudhii Yohaannisii 10:7

Yo malaikaani torbeeso magalata ufi d'oofte, Waaqi herega ufi ka d'ossani inguuta, akuma inni hojattu ufi raagootati odeese.

Mudhii Yohaannisii 12:14

Niiti taani koola risa gugurda lama kennaniifi aka isiini lafa gamoojiti baqate ganna sadifi nusa achi teete achiti qorqoratani, aka isiini had'iisa bofa suni dura baatu.

Mudhii Yohaannisii 13:1

Jennaani anini bineensa toko ka galaana keesaa bahu arge. Gaafa kud'anifi mata torba qaba, gaafa ch'ufa ira sure hayyumati jira, mata ch'ufa irati maqa hamama t'aafani.

Mudhii Yohaannisii 17:17

Waaqati fed'i inni fed'u aka tolchani garaa worraa ke kaye, aka worri waan takaa tahe, jabeenna mohatuuni bineensaa kennu haga dubbini Waaqa guutamtuuti.

Mudhii Yohaannisii 17:3

Lubbuuni na fuute, malaikaani lafa gamooji naa geesite. Achiti anini niiti toko, ta bineensa diima maqa hamama irati t'aafani gubba teetu, arge; bineensi suni mata torbaafi gaafa kud'ani qaba.